TV Kolumna Ditore – E hënë, 6 dhjetor 2010

E di që jeni ngopur me fushatë parazgjedhore. Ashtu edhe unë dhe kjo javë më ka mundësuar të shoh më shumë kanale të huaja. Sidoqoftë t’i kthehem asaj çfarë ishte interesante në kanalet tona. Të premten në RTK pas debateve më duket është transmetuar Oxygen. Nuk di kohën e saktë pasi unë kam shikuar reprizën që kishte të bënte me fëmijët, dhe ato pak çaste që arrita ti shihja në fund m’u duken të mira. Në KTV të premten ishte Shpija, që këtë vit diçka nuk ka atë zjarrin tek të tjerët pasi unë nuk jam shumë i dhënë pas këtyre reality show. TV21 shfaqi serialet e saj, ndërsa në kanalet shqiptare në Vizion Plus ishte Arjan Çani me Zonë e Lirë, në Klan u shfaq Njerëz të humbur, ndërsa në Top Channel u transmetua gjysmëfinalja e dytë e Albanians Got Talent. Nuk më pëlqen si përgatite ky shou tek ne. Thjesht juria e ka prishur, shkatërruar këtë shou, pasi ka disa talente të mira sikur ajo pianistja që më pëlqeu shumë, por, thjesht organizatorët janë njerëz jo shumë me përvojë dhe kanë pëzgjedhur një juri që ka shkatërruar këtë emision.

Të shtunën ndoqa ndeshjen Milan – Bresha në SuperSport. SuperSport nuk po ecën me hapin e kohës kur jemi tek cilësia. Ata marrin qindra euro për të parë ato ndeshje ndërsa ofrojnë transmetimet në formatin 4/3 e jo në atë që ndodhin në të gjitha platformat në vendet evropiane, 16/9. Kjo është një mënyrë që të na shtyejë të marrim pakon në definicionin e lartë, njëherit më shumë para jashtë xhepave tanë të cekët. Shikova edhe Unë jam Top-Model në TV21. Një shou i dështuar. Si mund të vlerësoni një top-model apo top-modele vetëm duke u shëtitur në një pistë disa metërshe. Një shou me investime minimale nuk mund të ketë cilësi dhe sukses. Vazhdoj të ëndërrojë për ditën kur kosovarët të bëjnë një emision televiziv cilësor. KTV transmetoi futboll, RTK debate. Klan transmetoi Këngët e Shekullit që sinqerisht më pëlqejnë shumë. Është një ndër emisionet e pakta që mund të shikojnë grupmosha të ndryshme, dhe më mundëson të kalojë kohë të shkëlqyeshme me prindërit. Është një emision familjar.

Të dielën në mbrëmje nuk kishte çfarë të shikohej. Çfarë të shikohej tjetër pos Apartamenti 2XL. Mrekulli. Nuk mund të gjej fjalë të përshkruaj atë çfarë bëjnë ata njerëz aty. Mbinjerëzore, fantastike, e mrekullueshme… Ju lumtë! Para 2XL, shikova Exclusive në Top Channel. Kishte një temë interesante që kishte të bëjë me historinë e Lekë Dukagjinit. Një dokumentar i përgatitur mirë dhe më mësoi shumë gjëra që nuk kisha mësuar nga librat e historisë të shkollës fillore apo gjimnazit. Vërtetë më la përshtypje emisioni i mbrëmshëm i Exclusive dhe do të provoj ta shikoj edhe herave tjerë nëse kam mundësi. Klan transmetoi episodin e parë të Heroes, një ndër serialet më të mira sipas mendimit tim. Fatkeqësisht që nuk ka vazhduar të shohim skenën që do të ndodhte në të ardhmen, skënën me të cilin filloi volumi i katërt i këtij seriali.

Kanalet kosovare nuk ofruan diçka shumë cilësore. KTV transmetoi dy ndeshje futbolli, nuk ishte as Reali, as Barselona, pra nuk besoj që ka qenë shumë e shikuar. TV21, transmetoi serialin Twin Peaks dhe më pas më duket që ka patur dokumentar, ndërsa RTK debat zgjedhor, edhe të dielave.

Debati zgjedhor do të shtyej Kafenejën Tonë edhe për një javë në RTK, ndërsa edhe kanalet tjera kosovare do të kenë politikë këtë të hënë. Rikthehet seriali që ka filluar të thyej rekorde shikueshmërie në KTV (sipas KTV-së) e gjithashtu të gjithë po flasin për këtë serial, e edhe unë personalisht kam shikuar javën e parë dhe ndoshta do të vazhdoj me të dytën, pasi më ka bërë për vete edhe mua që thjesht urrej telenovelat së paku në prime-time. Por, më duhet ta pranoj ka diçka që na ngreh tek ky serial. Në kanalet shqiptare sonte kemi Shqip dhe Proçesin Sportiv në Top Channel, Kutinë dhe Euroklan në Klan, dhe në Vizion Plus Bypass Show dhe Zonë e ndaluar. Në Tring Shqip të gjithë ata që kanë humbur Apartamentin 2XL mbrëmë, mund ta bëjnë të hënën të diel dhe të kënaqen duke qeshur.

TV Kolumna Ditore përgatitet nga Luan Morina

E hënë – 6 dhjetor 2010

RTK

08:30 Intervistë 1 me 1

09:00 Jeta në Kosovë – Debat zgjedhor

10:45 Kronikë zgjedhore

11:05 Debat zgjedhor me panelistë

KTV

08:00 Debat zgjedhor

09:00 Serial: Binbir Gece

10:00 Asist

11:00 Interaktiv

RTV21

08:00 Kabare – Variete Prishtina

——————–

TV Klan

08:00 Kutia

09:00 EuroKlan

Top Channel

08:15 Fiks Fare

09:00 Shqip

Vizion Plus

07:40 Një grua e hekurt – telenovelë

08:50 Bypass Show

10:00 Zonë e ndaluar

Alsat

08:00 Lajmet

09:00 Kontrast