Që nga sot në Telekomanda mund të gjeni kolumnen ditore që do të vazhdojë të botohet në vend të kolumnes që deri më sot është botuar si Sot në TV.
TV Kolumna Ditore do të përbëhet nga pjesa që do të japë informata se çfarë do të ketë në TV gjatë ditës, një recensim të programeve nga dita paraprake si dhe lajme tjera shtesë që kanë të bëjnë me programet e asaj dite.
Kolumna do të përqëndohet në kanalet kombëtare Kosovare, por gjithashtu do të përfshijë edhe kanalet shqiptare si dhe kanale tjera të transmetuara në sistemet kabllore apo satelitore.
Kolumna do të redaktohet nga unë, Luan Morina. Për çfarëdo informate apo sugjerimi mund të më kontaktoni në luan.morina@telekomanda.com, apo përmes aplikacionit për kontakt në uebfaqen tonë.
Tani ti kthehemi kolumnës ditore.
Në RTK sonte shfaqet episodi i dytë i serialit Kafeneja Jonë. Seriali këtë vit premton të jetë shumë më interesant me disa ndryshime thelbësore në rolin e karaktereve. Do të jetë shumë ngazëllyese të shohim Bekimin të punoj nën udhëheqjen e Okit. Saranda akoma nuk është kthyer, dhe gjithashtu do të jetë interesante të shohim se kur do të fillojnë të futen personazhe episodike në serial. Nuk kam pasur mundësi të shoh promon e kësaj jave, pra nuk kam shumë informata se çfarë do të ndodh.
Milioneri akoma nuk ka filluar me sezonën e re prandaj në vend të saj në skemën është paralajmëruar emision muzikor. Subvencion është në program në ora 22:00. Ndërsa pas lajmeve në program është emisioni Pa Skenar.
KTV akoma nuk ka filluar sezonën e re programore, prandaj do të jetë krejt seriale sonte. Kapri të cilin nuk e përcjelli fare, shfaqet në ora 20:00, pastaj telenovela Joshje magjike, dhe seriali që ka gjetur një audiencë mjaftë të gjerë, One Tree Hill.
RTV21, sonte do të transmetojë Kabaren, dhe pastaj India.
Në kanalet shqiptare, Klan TV, pas Kutisë do të transmetojë serialin vijues të House MD.
Mos harroni të shikoni Proçesin sportiv në Top Channel sonte në ora 23:05. Personalisht shumë më intereson se çka do të thotë Manushi pas humbjes së Barselonës.
Më herët Top Channel do të transmetoj emisionin Shqip me Rudina Xhungan. Tema e sontme do të jenë alpet shqiptare, më saktë udhëtimi në Theth.
E hënë – 13 shtator 2010
RTK
08:20 Kafeneja Jonë
09:00 Bllok Muzikor
10:00 Subvencion
KTV
08:00 Kapri
09:00 Joshje Magjike
10:00 OneTree Hill
RTV21
08:00 Kabare – Variete Prishtina
——————–
TV Klan
08:00 Kutia
09:00 House MD (R)
Top Channel
08:15 Fiks Fare
09:00 Shqip
Alsat
08:00 Lajmet
09:00 Kontrast
Vizion Plus
07:40 Një grua e hekurt
08:50 Flokët e parë të dëborës – film
