10. Big Brother – E shtunë

Padyshim që formatet e ngjashme me Big Brother kanë audiencë të madhe tek ne shqiptarët në përgjithësi. Ndoshta është e karakterit tonë që të kënaqemi me këto lloj formatesh, duke shikuar disa veta të cilët tërë ditën bëjnë gjëra të hijshme e të pahijshme në një shtëpi të mbyllur dhe në sy të mijëra shqiptarëve. Dikush ka pasur kanalet Big Brother në Digitalb apo Ipko dhe ka përcjell më shumë ngjarjen, por një numër shumë më i madh ka shikuar edicionin e të shtunës. Personalisht, nuk bëj pjesë në asnjërin prej dy grupeve të lartpërmendura. Pozita e 10të i takon vetëm për shkak të një audience aq të lartë, bazuar në fjalët dhe komentet e shikuesve, pa ndonjë mjet matës adekuat për audiencë.

9. Albanians Got Talent

Nëse shihni versionin britanik apo atë amerikan, apo ndoshta edhe atë turk e kroat, do të vëreni që versioni ynë debutues ishte i varfër për nga cilësia. Kuptohet që talentet nuk mund ti krijojnë producentët, por duhet të bëjnë një punë më të madhe për t’i kërkuar, më shumë audicione në më shumë vende. Dhe gjithashtu nevojitën juri e re, më pak poetike, dhe më pak e mërrolur. Në fakt është juria ajo që ka qenë e aftë për të prishur këtë spektakël. Në çdo koment të tij Armendi ka marr së paku 5 minuta kohë, nga të cilat 4 kanë qenë vargje poetike që s’kishin lidhje me atë çfarë ishte shfaqur, Altini mundohej të bëhej serioze, ndoshta duke provuar të imitoj Simonin, por dështonte në të gjitha aspektet, e solide ishte Rovena Dilo, që ishte në mes edhe për kah gjykimi, ishte një balancë ndërmjet Armendit dhe Altinit.

8. Dancing with the Stars

Pas një sezoni të parë që bëri shumë bujë, prisja shumë më tepër nga DWTSA, sidomos me ardhjen e Amit dhe Ermalit, dhe disa konkurrentë interesant. Nuk u dëshpërova. Emisioni akoma ka “vrimat” e veta, kryesorja është pjesa e tretë e jurisë me Arjan Çanin që s’ka lidhje me vallëzim. Absolutisht më shkatërroi nervat në episodin e fundit kur filloi të fliste për videon pa përmendur fare vallëzimin e Simones. Ilir Shaqiri është ekspert i kësaj lëmie dhe është ndoshta një lloj nënçmimi ta fusësh me një radhë me Arjanin. Ermali ka sjell pak më shumë komedi, gjallëri në emision, dhe gjithashtu edhe Ami që ndoshta akoma s’është adaptuar, por me kalimin e kohës besoj që do të arrij nivelin që kishte në Portokalli. Ajo çfarë nuk po më pëlqen nga ana e saj është përmendja e “Gold Room” e që për mrekulli shqip do të tingëllonte “Dhoma e artë”. Konkurrentët kanë qenë solid dhe ata që ngrehin shikuesit para televizionit, përzgjedhje shumë e mirë e producentëve.

7. E diell

E ndjeja si detyrim të fusja njërin nga programet e stërzgjatura të së dielës në këtë Top10. Dua të them pothuajse 15 orë ose më shumë programacion gjatë të dielës dhe të mos zë vend në këtë Top10 do të ishte, të them “e pavend”. Të dyja ndoshta bazohen në ato që shfaqen të dielave në kanalet italiane, por megjithatë kanë arritur në një mënyrë të mbijetojnë dhe të ofrojnë pak origjinalitet deri diku. E nëse duhet të zgjedh mes E Diela Shqiptare me Ardit Gjebrean dhe E Diell me Adi Krastan, atëherë unë do të shkoja me këtë të dytin. Ka patur një skuadër më të mirë, ka ofruar më shumë origjinalitet dhe kreativitet, dhe ma merr mendja që ka qenë më i pëlqyer nga publiku. Epo së paku mua më ka pëlqyer më shumë dhe besoj që meriton të vendoset para AGT dhe BB të Top Channel.

6. Gjeniu i vogël

Formati i emisionit ndoshta është ndër më të vjetrit në këtë Top10, dhe akoma po i mbijeton konkurrencës së madhe. Nuk është gjëja më e mirë në Klan, por të bëhemi të sinqertë që Klan ka goxha programacion cilësor. Vjen në një kohë pranvere dhe dedikohet tërë familjes, një mundësi për të parë televizor të gjithë së bashku, ashtu siç ndodh zakonisht të shtunave, por kësaj radhe me një dozë më të madhe dedikuar më të rinjve. Gjeniu… arrin të ofroj atë kënaqësinë që vështirë është të gjejmë këto kohë në TV, ofron mundësi suksesi për më të rinjtë që falë punës dhe angazhimit të arrijnë diçka të dobishme në jetë, ose së paku në adoleshencë. Realizimi i programit këtë vit ka qenë edhe më i mirë me Agron Llakajn kohë pas kohe në juri, dhe pjesën tjetër të jurisë që në krahasim me DWTSA (kam fjalën për Çanin) janë shumë më profesionist në atë që gjykojnë dhe kuptohet që gjykimet e tyre kanë një themel të fortë.

5. Exclusive

Në krahasim me programet tjera politike, nëse mund ta fus në atë rend, Exclusive ka një dallim dhe avantazh ta quaj superior. Përderisa emisione si Opinion, Top Story, Shqip, Debat me… e kanë patur vështirë t’u ikin ngjyrimeve politike Exclusive që është një format shumë më ndryshe se ato që përmenda dhe për këtë arsye zë vend në Top10, sjell diçka shumë më informuese, më të qartë dhe më interesante për shikuesit. Storie të veçanta, të vërteta, dhe shumë frytdhënëse për intelektin tonë janë shfaqur në këtë emision gjatë këtij sezoni, e ndër të tjera dua të përmend tregimin e përgatitur për Lekë Dukagjinin. Ka qenë diçka e realizuar në një mënyrë të shkëlqyeshme, e që të gjithëve na ka ofruar shumë më tepër njohuri se ato që kemi mësuar në librat e shkollës. Exclusive zë vend në Top 5 programet më të mira për sezonin e kaluar të shfaqura në kanalet shqiptare.

4. Portokalli

Padyshim që ky është sezoni më i rëndë në historinë e Portokallisë. Humbën themelin, bërthamën e emisionit, Agron Llakajn që pos moderimit fantastik kishte edhe një mori rolesh tepër komike. Pas tij erdhi edhe ikja e Amarda Toskas, ndër moderatorët më të mira në tregun shqiptar. Megjithatë shumica e aktorëve mbeten, dhe disi arritën të përballojnë ato goditje. Patën disa episode interesante, dhe mos të harrojmë aty janë akoma disa nga “veteranët” që përbëjnë themelin e emisionit dhe të cilët akoma kanë një kontribut të veçantë dhe një dashuri nga teleshikuesit që akoma preferojnë ti shohin ata. Kam parë disa episode, jo shumicën, dhe ka pasur skeqe që më kanë pëlqyer, kanë qenë të mira, por ja në episodin e fundit ndodhi që pashë edhe njërin që provonte të emitonte z.Sali Berisha, e që nuk ishte aspak afër asaj që bënte Agron Llakaj. Një porosi për Portokallinë do të ishte që mos të provojnë të zëvendësojnë Agron Llakajn, sepse vetëm do të sjellin dëshpërim për shikuesit dhe humbje audience dhe sepse kjo është humbje kohe pasi Gonin s’mund ta zëvendësojnë, por le të provojnë të krijojnë diçka të re që do të ngrehte audiencën.

3. Milioneri

Kam dëgjuar disa thashetheme televizive se kinse Grand Media përdor një rotacion në përzgjedhjen e moderatorëve të Milionerit, por nëse vërtetë ekziston diçka e tillë, atëherë kjo duhet të merr fund me Agron Llakajn. Dhe kur flas për Agron Llakajn e kam përnjëmend për Regis Philbin (moderatorin amerikan me prejardhje shqiptare) shqiptar që ka bërë revolucion jo vetëm në Milioneri, por në përgjithësi në televizionin shqipfolës. Me ardhjen e Llakajt dhe kalimin e Milionerit në Klan TV, Shqipëria më në fund u bë vërtetë me Milionerin. Periudha e transmetimit në Alsat duhet të pranoj që ishte jo kushedi sa e lavdërueshme, dhe as aq e shikuar besoj. Por, që nga ky vit me Agron Llakajn dhe transmetimin në Klan TV, Milioneri ka penetruar në mënyrë të shkëlqyeshme tregun shqiptar. Tani kemi më shumë “televizion shqiptar” në Milioner, pa ofenduar dy moderator paraardhës, por Goni shton atë shijen e komedisë dhe është shumë më miqësor dhe më i lirë në udhëheqjen e emisionit, kemi një publik më aktiv që bën edhe garuesin të ndjehet më i qetë dhe më i lirë në karrige që s’besoj se është aq e “freskët”. Milioneri në Klan TV, renditet në pozitën e tretë në listën e 10 programeve më të mira shqiptare në sezonin e kaluar televiziv.

2. Këngët e shekullit

Ah si më kujtohen ato mbrëmje! S’ishte zgjedhje e lehtë shumë herë, në mes të Këngëve të shekullit dhe ndonjë ndeshje futbolli. Megjithatë sakrifica duhej të bëhej shpeshherë, të heqja dorë nga futbolli për të parë Këngët e Shekullit. E di që emisioni zakonisht ngre më shumë audiencë që është më në moshë, por për mua është emisioni më i dytë më mirë në kanalet shqiptare që kam parë këtë sezone që posa përfundoi. Këngët e vjetra qytetare, më e mirë e kulturës tonë nga çdo rreth ku flitet shqipja, s’dua të bëhem “patriot” me ato fjalë por nëse nuk di diçka më shumë për popullin tim, atëherë jam i bindur që di më shumë së paku për muzikën e atyre regjioneve. Ka patur shumë net të veçanta, të hareshme, të shkëlqyeshme, por nëse duhet ta veçoj ndonjërën, atëherë padyshim që do të ishte ajo me Rosela Gjylbegun, dhe ajo me legjendën Ismet Peja. Këngët e Shekullit kanë dominuar të shtunat në televizorin tim, por jam më se i bindur që e njëjta ka ndodhur edhe në televizionin tuaj.

1. Apartamenti 2XL

Padyshim zgjedhja e parë të dielave dhe më vjen shumë mirë që nuk ndeshet drejtpërdrejt me Këngët e shekullit. Ka qenë dominues në skemën time të dielave duke qenë zgjedhja ime e parë para Portokallisë, e edhe para shumë ndeshjeve të rëndësishme futbollistike. Dy episodet që kanë përmbyllur pjesën vjeshtore dhe atë pranverore kanë qenë ndër më të mirat, por pjesa vjeshtore në përgjithësi, jo vetëm finalja ka qenë më cilësore. E cilësia nuk ka munguar as në pranverë. Ka qenë humor i shkëlqyeshëm nga një skuadër fantastike. Ndoshta formati mund të mos jetë origjinal, por mënyra se si e bëjnë ata në 2XL është origjinale, është e mahnitshme. Ka qenë emisioni që ka mbushur skemën e të dielës, ka përmbyllur një fundjavë, dhe të ka dhënë energjinë e mjaftueshme për të mbijetuar një javë të stërngarkuar me punë. Pra, Apartamenti 2XL është emisioni më i mirë në kanalet shqiptare për sezonin e kaluar televiziv 2010/2011 sipas mendimit tim personal, e jam i sigurt që qindra mijëra qëndrojnë pas këtij mendimi.

*Ia vlen të përmendet edhe…

100 milionë

Shpesh herë i ndërprerë ose në nxitim për shkak të Top Story apo programit vijues, Top Story nuk ishte aq i gjatë sa shikuesit do të dëshironin. Një format interesant, risi për ne, që për mendimin tim debutoi për mrekulli. Gjithashtu nën udhëheqjen e mrekullueshme të Adi Krastas emisioni kishte atë “krastologjinë” që di ta bëj vetëm ai. Kam përcjell shumë episode, duke preferuar këtë para Ligës së Kampionëve disa herë, dhe gjithnjë më ka lënë përshtypje. Kuizet janë diçka që gjejnë shikueshmëri tek ne, dhe jam i bindur që 100 milionë janë këtu për të qëndruar një kohë të gjatë.

Luan Morina

Autori është themelues i uebfaqes Telekomanda.com – uebfaqja e parë në shqip dedikuar botës së televizionit dhe kolumnist i rregullt për televizion dhe filma në Shqipmedia.com

Artikuj te ngjashem

• TV Kolumna Ditore – E martë, 07 shkurt 2012
• TV Kolumna Ditore – E hënë, 06 shkurt 2012
• TV Kolumna Ditore – E premte, 03 shkurt 2012
• TV Kolumna Ditore – E mërkurë, 01 shkurt 2012
• Sundance shpall fituesit, në mesin e tyre edhe Blerta Zeqiri

KTV, në ora 20:00, transmeton Rubikonin. Më pas në ora 21:00, shfaqet episodi vijues i serialit Joshje Magjike. Episod i ri, sonte do të shfaqet edhe nga seriali One Tree Hill, që fillon në ora 22:00.

RTV21, transmeton episodet e serialeve 100 Vitrinat dhe Gymysh. Në ora 21:20, transmetohet emisioni debatues Zoom.

Në Top Channel sonte në kuadër të emisionit Top Story që fillon në ora 21:00, bëhet një analize e ngjarjeve politike në Shqipëri gjatë vitit të kaluar.

Në Klan pas Kutisë transmetohet emisioni qëndror javor i Opinion.

Në kabllo…

Në EuroSport, në ora 11:30, transmetohet etapa e fundit malore e rrethit çiklistik Tour de France, ku pritet një ndeshje e dy favoritëve kryesor, Alberto Kontador, që kryeson në renditjen e përgjithshme, dhe Endi Shlek që është prapa vetëm 8 sekonda.

Sonte zhvillohen ndeshjet e kthimit të rrethit të dytë të kualifikimeve për Ligën e Evropës në futboll. Skuadra e Tiranës pret skuadrën holandeze të Utreht. Ndeshja e parë përfundoi me fitoren e holandezëve me rezultat 4:0. Transmetimi i ndeshjes bëhet në kanalin Tring Sport duke filluar në ora 19:30.

Skuadra e Besës së Kavajës është mysafire e Olimpiakosit të Athinës. Ndeshja parë kishte përfunduar me fitore 4:0 të grekëve në Tiranë. Ndeshja fillon në ora 20:30, dhe transmetohet në kanalin grek, Nova Sports 1.

Nga ndeshjet tjera veçojmë ndeshjen Vikingur – Beshiktash që transmetohet në ATV në ora 20:00, dhe ndeshjen Buduçnost – Baki, që transmetohet në TV Montenegro duke filluar në ora 21:00. Mos të harrojmë se për malaziasit luan futbollisti kosovar Fatos Beqiraj.

Artikuj te ngjashem

• TV Kolumna Sportive – E premte, 03 shkurt 2012
• Eurosport vazhdon me Grand Slam turne
• Jeta në Kosovë diskuton për bordet e ndërmarrjeve publike
• Tring Digital për vitin e ri
• TV Kolumna Sportive – E hënë, 05 dhjetor 2011

RTK, në ora 20:30, transmeton emisionin Jeta në Kosovë. Në ora 22:00, në program është Zëri ynë, ndërsa pas mesnate shfaqet filmi “Precidio”.

Kohavision, në ora 20:00, shfaq Rubikonin me Adriatik Kelmendin. Në ora 21:00, shfaqet episodi i ri i serialit “Lugina e ujqve”, ndërsa në ora 22:00, koha është për SpitaliKS.

RTV21, shfaq episodet e reja të serialeve, 100 vitrinat, dhe Gymysh, në orarin e zakonshëm. Në ora 22:45, në program është emisioni Zoom.

Top Channel, pas Fiks Fare, shfaq emisionin Top Story me Sokol Ballën. Tema e sontme e Top Show, do të jetë krahasimi në mes të dy artistëve italianë, Vasco Rossi, dhe Zucchero.

Vizion Plus, sonte transmeton show, Dancing with the Stars. Show final i javës fillon në ora 21:00, ndërsa më herë mund të ndiqni, emisionin Faktori Plus (19:30), dhe telenovelën, E dashur armike (20:10).

Alsat në ora 20:00, shfaq edicionin kryesore të lajmeve. Në ora 21:00, vjen emisioni Alsat Muzika, nga Stela Kotri, ndërsa në ora 22:30, është emisioni sportiv, Studio Sprint.

Film në TV

Në Klan TV, në ora 00:30, do të shfaqet filmi “Good Nigh, and Good Luck (Natën e mirë dhe fat të mbarë)”. Film në regji të George Clooney, me Jeff Daniels, dhe David Strathairn në rolet kryesore. I nominuar për 6 Oskarë, tregon storien për gazetardin Edward Murrow, i cili mundohet të largojë nga posti senatorin Joseph McCarthy.

Në KTV, në ora 00:50, shfaqet filmi komedi, romancë “The Wedding Planer(Planifkuesja e dasmave)@ i realizuar në vitin 2001. Filmi me regji të Adam Shankman, dhe me Jennifer Lopez dhe Matthew McConaughey në rolet kryesore. Tregon storien për Mary Fiore, një grua ambicioze, punëtore, dhe e organizuar që di ti kthej dasmat në ngjarje të përkryera. Kjo ndryshon kur ajo do të takojë një mjek të pashëm që quajtur Steve Edison.

Dokumentar në TV

Tring Planet, në ora 20:00, transmeton një dokumentar përshkrues të Kinës. Dokumentari do të ju shpie në historinë e popullit më të madh në botë, si dhe në mrekullitë natyrore që shijojnë ata.

Explorer Shkencë, në ora 21:00, shfaq dokumentarin, “Fëmija i parë në epruvetë”. Dokumentari tregon për revolucionin që bën dy mjekët britanikë, Steptou dhe Eduards.

Sport në TV

EuroSport në ora 10:00, fillon transmetimin e kërcimeve provuese nga Planica. Është gara e fluturimeve me ski, ku arrihen fluturime deri në 200 metra. Transmetimi në ora 11:00, vazhdon në EuroSport2. EuroSport në ora 11:20, transmeton garën e sprintit për femra, ndërsa në ora 14:05, për meshkuj në kuadër të kupës së botës në biatlon që mbahet në Oslo. Në ora 13:30, EuroSport 2, transmeton skijim të lirë nga Siera Nevada, ndërsa në ora 17:00, shfaq ndeshjen basketbollistike nga liga e Greqisë, në mes të Panathinaikosit dhe Kavalas. EuroSport në ora 20:00, transmeton ndeshjet çerekfinale nga turneu i tenisit për femra, WTA në Indian Wells.

Sonte zhvillohen ndeshjet e kthimit të 1/8 finaleve të Europa League. SuperSport, transmeton të gjitha ndeshjet në kanalet e tyre, ndërsa disa ndeshje mund ti shihni në kanale satelitore të lira dhe në disa kanale kabllovike.

Rrethi i 16 të fundit

19:00 Werder – Valencia       SAT.1, B92

19:00 Marseille – Benfica      M6, OBN

19:00 Fulham – Juventus       Ictimai TV

21:05 Wolfsburg – Rubin Kazan    OBN, SAT.1

21:05 Liverpool – Lille              B92, Ictimai TV, Slovenia TV2, HRT2

Artikuj te ngjashem

• TV Kolumna Sportive – E premte, 03 shkurt 2012
• TV Kolumna Ditore – E mërkurë, 01 shkurt 2012
• Eurosport vazhdon me Grand Slam turne
• Rubikon pa kravatë – Adelina Ismaili
• Jeta në Kosovë diskuton për bordet e ndërmarrjeve publike