Tag: Seriale

Televizioni maqedonas përgatitet furishëm për sezonin vjeshtor. Siç lajmëron TV Paket, MRT ka përgatitur një grumbull serialesh amerikane për të sjell falas tek shikuesit maqedon.

Pas njoftimit për nisjen e tri versioneve të serialit CSI – CSI – CSI Miami, CSI New York, dhe CSI Las Vegas; pritet të vijnë edhe Spartacus, Gossip Girl, dhe Supernatural.

Titujt e ri që ka paralajmëruar televizioni maqedonas janë The Mentalist dhe Fringe. Të gjitha këto seriale pritet të nisin në shtator të këtij viti.

TV Paket njofton që mund të vijnë edhe dy seriale të reja, dhe njëra ndër to pritet të jetë The Vampire Diaries.

Read Full Article

Aktori turk, Halit Ergenç i njohur për shikuesit tanë me rolet e tij në serialin ‘100 net’ dhe ‘Sulejmani i Madhërishëm’ ka një zë të përkryer këngëtari.

Aftësia e tij e këndimit është për lakmi. Më poshtë mund të gjeni dy interpretime të tij, një popullore turke dhe këngën e njohur të Rolling Stones – ‘Angie’ të cilën e kishte kënduar në programin ‘Beyaz Show’.

Ergenç që kishte regjistruar Fakultetin Teknik në Stamboll për anije-ndërtim dhe oqeanologji, ka ndryshuar drejtimin duke kaluar në Akademinë Muzikore, drejtimi këndim opere, e më vonë në drejtimin solo këndim në mjuzikël.

Pas dy viteve ai kishte shkuar në SHBA me ansamblin dhe ka bërë shfaqje nëpër tërë vendim. Më vonë ka punuar edhe si kamerier kur i është kthyer familjes dhe miqve.

Muzika duket të jetë në gjenet e tij. Dashurinë për muzikën duket ta ketë trashëguar nga babai Sait Mehmet Ali, një tekst-shkrues shumë i njohur dhe muzikant i cili kishte publikuar dhjetëra albume duke shkruar mbi 40 këngë për këngëtarë të ndryshëm turk. Edhe i biri tre vjeçar i Halitit, të cilin e ka nga martesa  me Berguzar Korel (bashkë-aktoren nga ‘1001 Net’) e dashuron muzikën. Siç thotë vetë Berguzar, Aliu i vogël (i emëruar si babai i Halitit) pëlqen të dëgjoj muzikën jazz, këngëtar si Michael Jackson, Lenny Kravitz dhe senzacionin e ri turk, Imany.

Falë rolit të tij në serialin ‘Sulejmani i madhërishëm’, Halit ka një popullaritet të jashtëzakonshëm në Turqi. Në rrugë njerëzit shpesh e përshëndesin me ‘Rroftë Mbreti!’ duke aluduar në rolin e tij nga seriali i lartpërmendur.

Edhe pse në fillim seriali kishte shkaktuar kritika të shumta për pasaktësinë historike të periudhës së Sulltan Sulejmanit, me kalimin e kohës seriali është futur në histori të televizionit turk si programi më i shikuar.

Seriali transmetohet në dhjetëra shtete të Ballkanit, Lindjes së Afërt dhe Afrikës Veriore. Në Kosovë seriali transmetohet në RTV21 derisa në Shqipëri në Albanian Screen TV.

/TeVe Portal/RTL Hrvatska/Telekomanda/

Read Full Article

Filmi The Help ka fituar një mori çmimesh në shpërblimet SAG. The Help u shpall filmi më i mirë, aktorja më e mirë në rol kryesor me Viola Davis dhe aktorja më e mirë në rol dytësor me Octavia Spencer. Aktori më i mirë në rol dytësor u shpall Christopher Plummer nga filmi Beginners, derisa aktori më i mirë në rol kryesor Jean Dujardin nga filmi The Artist.

Tek serialet televizive, ansambli i Modern Family fitoi në konkurrencën e komedive, derisa Boardwalk Empire në konkurrencën e dramave. Alec Baldwin dhe Betty White ishin më të mirët në komedi, derisa Steve Buscemi dhe Jessica Lange në dramë. Aktori Paul Giamatti u shpërblye për rolin e tij si aktor kryesor në Too Big to Fail në film për televizion ose miniserial, derisa tek femrat kjo i takoi Kate Winslet për rolin e saj në Mildred Pearce.

Ishin këto shpërblimet e 18ta SAG. Screen Actors Guild është një union amerikan i punëtorëve që përmbledh mbi 200 mijë aktorë filmi dhe televizioni. Misioni i unionit është të negociojë dhe siguroj kushte më të mira kolektive për aktorët.

Read Full Article

RTK për mbrëmjen e fundit të Ramazanit ka përgatitur program fetar. Subvencion fillon në ora 22:00. KTV shfaq episodin e ri të BinBir Gece para se të përmbyll javën e parë të kampionatit spanjoll me ndeshjen Barcelona – Vilarreal. RTV21 vazhdon me emisionin Kabare.

 

Top Channel shfaq filmin Two Lovers ndërsa pas lajmeve transmetohet emisioni për sportin, Procesi Sportiv. Edhe Vizion Plus ka në program film artistik, Vrasjet. Klan TV shfaq episodet e reja të serialeve, Grey’s Anatomy dhe Ris.

 

Për ngjarjet sportive, mund të mësoni më shumë në artikullin e veçantë për transmetimet sportive gjatë javës.

 

 

TV Kolumna Ditore përgatitet nga Luan Morina

 

E hënë – 29 gusht 2011

RTK

20:10 Dokumentar: Dituria e fshehur e Islamit

21:00 Program muzikor

22:00 Subvencion

23:00 Lajme

23:15 Serial: Kafeneja Jonë ep.239

 

KTV

20:00 Serial: Binbir Gece ep.156

21:00 Futboll: Barcelona – Villarreal

23:00 Interaktiv

 

RTV21

20:05 Kabare

22:00 21 Minuta

22:45 Serial: Favoritja

——————–

 

TV Klan

20:05 Serial: Grey’s Anatomy ep.75

21:00 Serial: RIS – Provat e Krimit ep.4

22:00 Lajme

22:30 Opinion

 

Top Channel

20:15 Vetëm për të qeshur

20:50 Film: Two Lovers

22:30 Lajme

23:05 Procesi Sportiv

 

Vizion Plus

19:30 Çudira shqiptare

20:00 Tereza – telenovelë

21:00 Film: Vrasjet

23:00 Lajme

 

 

Read Full Article

BBC ka porositur sezonin e pestë për dramën fantastike Merlin që prodhohet nga Shine Television.

Sezoni i pestë që do të ketë 13 episode 45 minutëshe dhe do të filmohet në Uells dhe Francë në mars të vitit 2012. Aktualisht sezoni i katërt është në produksion para se të shfaqet premierë në transmetuesin publik britanik BBC1 këtë vjeshtë.

Seriali është shpërndarë në 183 vende në mbarë botën nga kompania FremantleMedia Enteprises, përfshirë vende si Gjermania (RTL), Amerika Jugore (Disney), SHBA (SyFy), Francë (Canal+), dhe Australi (Ten Network).

Javën e kaluar kanali amerikan SyFy njoftoi që kishin arritur marrëveshje për të transmetuar sezonin e katërt në fillim të vitit të ardhshëm.

Read Full Article

SuperBowli i të dielës ka patur shikueshmërinë më të lartë në histori të televizionit amerikan. Ndeshja është shikuar nga një mesatare prej 111,01 milionë shikues. Në përgjithësi numri i shikuesve që së paku për një moment kanë shikuar ndeshjen ka arritur deri në shifrën rekorde prej 163 milionë shikuesve duke tejkaluar SuperBowlin e vitit të kaluar për 9 milionë. SuperBowli i vitit të kaluar ishte programi më i shikuar deri të dielën me një mesatare prej 106 milionë shikues, duke tejkaluar episodin special të serialit M*A*S*H të transmetuar me 28 shkurt 1983 në CBS që pati arritur të mbledh 105 milionë shikues.

SuperBowli i 45të u zhvillua në Dallas ku në finale u ndeshën skuadra e Green Bay Packers dhe Pittsburgh Steelers, ku Packersat fituan me rezultat 31-25. Vlen të theksohet që ndeshjen e shikuan afër gjysma e të gjithë banorëve amerikane 48.6%, dhe afër më shumë se tri të katërtat e atyre që shihni televizion në atë kohë, 71% e të gjithë shikuesve. Edhe në këto shifra ky SuperBowl ishte më i mirë se i vitit të kaluar për vetëm 1%. Vitin e kaluar u ndeshën Indianapolis Colts dhe New Orleans Saints. Në stadiumin e Dallas Cowboys në Arlington ishin të pranishëm afër 100 mijë shikues, të cilët në pauzën e dy pjesëve u argëtuan nga grupi i njohur The Black Eyed Peas të cilët në skenë kishin ftuar edhe yje tjera të shoubizit si Usher dhe kitaristi Slash. Lea Michele nga seriali Glee e hapi ceremoninë hapëse pas të cilës Christina Aguilera këndoi himnin amerikan.

Megjithatë programi pas SuperBowl, seriali Glee nuk arriti ato që pritnin edhe pse kishte një shikueshmëri shumë më të madhe se zakonisht. Seriali u shikua nga 28 milionë amerikan, me një përqindje prej 28% të të gjithë shikuesve. Kjo është shumë më poshtë se sa post-SuperBowli i vitit të kaluar, kur reality-seriali Undercover Boss pati 38.65 milionë shikues me një share prej 36%.

SuperBowl i këtij viti u transmetua në kanalin Fox, pronë e Rupert Murdoch që ka në pronësi pakot satelitore Sky në Evropë. Vitin e kaluar finalja ishte transmetuar në kanalin CBS, ndërsa finalja e vitit të ardhshëm pritet të transmetohet në kanalin NBC. Them pritet të transmetohet nëse arrihet marrëveshje kolektive e futbollistëve me pronarët pasi kjo mund ta anulojë sezonin e ardhshëm.

Në përgjithësi ndeshjet e kësaj sezone kishin shënuar një ngritje të përgjithshme qysh nga parasezona, sezona e rregullt, dhe ndeshjet e përfundimtares. NBC kishte afër 2 milionë shikues më shumë se zakonisht, 21miionë në përgjithësi, FOX 20milionë (+1), CBS 18.7 milionë (+1.6), ESPN 14.6milionë (+0.3) dhe NFL Network 5.7milionë shikues për ndeshje (+0.2). Të përmend edhe që NBC ka transmetuar ndeshjet kryesore të dielën në mbrëmje, përderisa FOX dhe CBS kanë transmetuar ndeshjet e pasdites në ora 13 dhe 16 me kohë lokale. Përderisa këto të trija janë kanale kombëtare, ESPN dhe NFL Network janë kanale kabllovike, ndërsa NFL Network ka një përzgjedhje shumë më të vogël të ndeshjeve në krahasim me katër televizionet tjera.

Sezoni i NFL pritet të filloj në mes të muajit gusht me ndeshje përgatitore, gjithnjë nëse arrihet marrëveshja për kontratën kolektive e njohur si CBA.

Luan Morina

Read Full Article