Filmi që ka bërë gumëzhimë këtë vit është filmi The Artist, një film pa ngjyra e pa zë që tregon storien e një artisti të madh në kohën e këtyre filmave, i cili kategorikisht kundërshton filmat me zë duke i quajtur jo-artistik. Filmi ka fituar shumë shpërblime, si filmi më i mirë, regjia, skenari, dhe aktori më i mirë në rol kryesor. I vetmi film që duket se mund ta përballoj konkurrencën e The Artist, duket të jetë filmi The Help, që tregon historinë e errët amerikane ndaj racizmit. Filmi ka dominuar në SAG Awards, dhe s’dyshoj që kasti i këtij filmi ka qenë më i miri nga të gjithë filmat tjerë. Këtë e dëshmojnë tri nominime për aktoret më të mira në rol kryesor dhe dytësor. Në mesin e filmave tjerë konkurrues është edhe The Tree of Life, fitues i Festivalit të Kanës dhe një mjeshtri e veçantë e Terrence Malick. Mendoj që është ndër filmat më të mirë dhe më të komplikuar të vitit. Storie interesante shfaq edhe The Descedants që ngrit George Clooney në nivelet më të larta të aktrimit, ngjashëm siç ndodh me Brad Pitt tek filmi Moneyball. Hugo është një film me regji më të mirë se sa aktrim dhe storie, e War Horse është film me skenar emocional interesant, regji interesant dhe pa aktrim special. Extremely Loud and Incredible shfaq një storie prekëse, derisa Midnight in Paris sjell edhe një kryevepër skenari dhe regjie të Woody Allenit.

A është The Artist filmi më i mirë i vitit? Është filmi më i mirë i vitit bardhë e zi, por jo edhe filmi më i mirë i vitit. The Descedants, Tree of Life e edhe Moneyball janë të një niveli më të lartë për shikuesin, e sidomos filmi The Help, por ndoshta kritikët duhet të vlerësojnë një film pa ngjyra e pa zë si më të mirë, ashtu që të ndjehen me lartë. Por, jo të gjithë kritikët janë njësoj. Ne që mendojmë se ka filma më të mirë se The Artist këtë vit jemi më të paktë në numër, por megjithatë jemi.

Ngjashëm do të kemi edhe tek kategoria për regjinë më të mirë. The Artist do të fitoj edhe këtë kategori e edhe skenarin origjinal, edhe pse ka një konkurrencë të fortë në të dyja kategoritë. Tek skenari i adaptuar The Ides of March mendohet të jetë ndër favoritët kryesor, që do të sjell një Oskar për Clooney si skenarist.

Por, Clooney siç duket nuk ka ofruar mjaft në filmin The Descendants për të fituar Oskar si aktori më i mirë në rol kryesor. Këtu shpërblimi do ti shkoj Jean Dujardin për të cilin s’dyshoj që do të jetë nominimi i vetëm për këtë shpërblim. Për Clooney është bërë zakon nominimi, e kësaj rruge po shkon edhe Brad Pitt. Ai shkëlqen në filmin Moneyball, dhe asgjë pos Oskar s’do të vlerësonte sa duhet paraqitjen e tij në këtë film. Gary Oldman dhe Demian Bichir janë dy kandidatët tjerë që duhet të pajtohen vetëm me nominimin.

Tek aktorja në rol kryesor, Meryl Streep siç duket edhe këtë vit do të shtoj të marr Oskarin e parë pas gati 30 viteve. Streep dominohet pothuajse çdo vit, por mungon triumfi. Ajo ka qenë e mahnitshme në rolin e Margaret Thatcher në filmin The Iron Lady. Ajo që do të marr shpërblimin duket të jetë Viola Davis me The Help. Padyshim që me paraqitjen e saj e meriton Oskarin, ka portretizuar një karakter mjaft të vështirë me një mjeshtri të madhe. Glenn Close do ti bartë pasojat e një skenari të dobët tek filmi Albert Nobs. Në fakt ajo së bashku me aktoren Janet McTeer e nominuar në kategorinë për rol dytësor i kanë dhënë kuptim filmit. Rooney Mara e Michelle Williams shkëlqejnë në rolet e tyre që janë karaktere mjaft të komplikuara, por Oskarin duhet ta kërkojnë në vitet në vijim.

E pos McTeer në rol dytësor janë të nominuara edhe Berenice Bejo nga The Artist, të dyja s’mund të arrijnë më shumë se veç nominimin, Melissa McCarthy nga Bridesmaids, në të cilin film ka mrekulluar, dhe dy aktoret që i kanë dhënë shije filmit The Help, Jessica Chastain dhe Octavia Spencer. Spencer ka fituar gjithkund ku ka qenë e nominuar në këtë kategori.

Ngjashëm si Spencer, në të gjitha shpërblimet kinematografike në kategorinë për rol dytësor tek meshkujt ka triumfuar Christopher Plummer. Është mëkat që Max von Sydow ka pasur një paraqitje po aq të shkëlqyeshme në filmin Extremely Loud and Incredibly Close, pasi luftën e këtyre dy 82 vjeçarëve duket se do ta fitoj Plummer për rolin e tij në filmin Beginners. Kenneth Branagh e Nick Nolte janë emra të njohur në industrinë e filmit që janë nominuar në këtë kategori, e sukses i veçantë është për Jonah Hill që kalon në elitën kinematografike me rolin e tij në Moneyball.

Oskarët transmetohen sonte pas mesnate në Klan TV, e duhet të shfaqen edhe në RTK dhe shumicën e kanaleve kombëtare. Për tonin origjinal mund të zgjedhni kanalin turk CNBC-e në satelitin Turksat, e nëse dëshironi gjermanisht e keni ProSieben në Astra.

Analizë e përgatitur nga

Luan Morina

Kritik për TV&Film

Më poshtë e gjeni listën e plotë të të nominuarve. Gjithashtu mund të gjeni informata shtesë për filmat më të mirë nëse shtypni në linkun përkatës:

Filmi më i mirë

War Horse
The Artist
Moneyball
The Descendants
The Tree of Life
Midnight in Paris
The Help
Hugo
Extremely Loud & Incredibly Close

Aktorja më e mirë

Glenn Close, Albert Nobbs
Rooney Mara, The Girl With the Dragon Tattoo
Viola Davis, The Help
Meryl Streep, The Iron Lady
Michelle Williams, My Week With Marilyn

Aktori më i mirë

Demian Bichir, A Better Life
George Clooney, The Descendants
Jean Dujardin, The Artist
Gary Oldman, Tinker Tailor Soldier Spy
Brad Pitt, Moneyball

Aktorja më e mirë në rol dytësor

Berenice Bejo, The Artist
Jessica Chastain, The Help
Melissa McCarthy, Bridesmaids
Janet McTeer, Albert Nobbs
Octavia Spencer, The Help

Aktori më i mirë në rol dytësor

Kenneth Branagh, My Week With Marilyn
Jonah Hill, Moneyball
Nick Nolte, Warrior
Christopher Plummer, Beginners
Max von Sydow, Extremely Loud & Incredibly Close

Regjisori më i mirë

Michel Hazanivicus, The Artist
Alexander Payne, The Descendants
Martin Scorsese, Hugo
Woody Allen, Midnight in Paris
Terrence Malick, The Tree of Life

Skenari më i mirë origjinal

Michel Hazanivicius, The Artist
Kristen Wiig and Annie Mumulo, Bridesmaids
Woody Allen, Midnight in Paris
J.C. Chandor, Margin Call
Asghar Farhadi, A Separation

Skenari më i mirë i adaptuar

Alexander Payne, Nat Faxon and Jim Rash, The Descendants
John Logan, Hugo
George Clooney, Beau Willimon and Grant Heslov, The Ides of March
Steven Zaillian, Aaron Sorkin and Stan Chervin, Moneyball
Bridget O’Connor and Peter Straughan, Tinker Tailor Soldier Spy

Filmi më i mirë i huaj

Bullhead
Footnote
In Darkness
Monsieur Lazhar
A Separation

Filmi më i mirë i animuar

A Cat in Paris
Chico & Rita
Kung Fu Panda 2
Puss in Boots
Rango

Regji artistike

The Artist
Harry Potter and the Deathly Hallows Part 2
Hugo
Midnight in Paris
War Horse

Kinematografia

The Artist
The Girl With the Dragon Tattoo
Hugo
The Tree of Life
War Horse

Dizajn kostumesh

Anonymous
The Artist
Hugo
Jane Eyre
W.E.

Dokumentari më i mirë

Hell and Back Again
If a Tree Falls: A Story of the Earth Liberation Front
Paradise Lost 3: Purgatory
Pina
Undefeated

Dokumentari më i mirë i shkurtër

The Barber of Birmingham: Foot Soldier of the Civil Rights Movement
God Is the Bigger Elvis
Incident in New Baghdad
Saving Face
The Tsunami and the Cherry Blossom

Editimi më i mirë

Anne-Sophie Bion and Michel Hazanavicius, The Artist
Kevin Tent, The Descendants
Kirk Baxter and Angus Wall, The Girl With the Dragon Tattoo
Thelma Schoonmaker, Hugo
Christopher Tellefsen, Moneyball

Makiazhi më i mirë

Martial Corneville, Lynn Johnston and Matthew W. Mungle, Albert Nobbs
Edouard F. Henriques, Gregory Funk and Yolanda Toussieng, Harry Potter and the Deathly Hallows Part 2
Mark Coulier and J. Roy Helland, The Iron Lady

Muzika më e mirë

John Williams, The Adventures of Tintin
Ludovic Bource, The Artist
Howard Shore, Hugo
Alberto Iglesias, Tinker Tailor Soldier Spy
John Williams, War Horse

Kënga më e mirë

“Man or Muppet” from The Muppets, Bret McKenzie
“Real in Rio” from Rio, Sergio Mendes, Carlinhos Brown and Siedah Garrett

Editimi zanor më i mirë

Drive
The Girl With the Dragon Tattoo
Hugo
Transformers: Dark of the Moon
War Horse

Miksimi zanor më i mirë

The Girl With the Dragon Tattoo
Hugo
Monyeball
Transformers: Dark of the Moon
War Horse

Efektet më të mira vizuale

Harry Potter and the Deathly Hallows Part 2
Hugo
Real Steel
Rise of the Planet of the Apes
Transformers: Dark of the Moon

Filmi më i mirë i shkurtër i animuar

Dimanche/Sunday
The Fantastic Flying Books of Mr. Morris Lessmore
La Luna
A Morning Stroll
Wild Life

Filmi i shkurtër më i mirë (Aksion i drejtpërdrejt)

Pentecost
Raju
The Shore
Time Freak
Tuba Atlantic

Titulli origjinal:

Zhanri: Aventurë, Komedi, Animacion, Familjar

Regjia: Carlos Saldanha

Skenari: Don Rhymer

Premiera e shfaqjes: 15 prill 2011

Produksioni: Twentieth Century Fox Animation

Kohëzgjatja: 96 minuta

Rejtingu: Preferohet mbikëqyrja e prindërve për shkak të humorit të fortë në disa raste

Kasti: Jesse Eisenberg, Anne Hathaway, George Lopez, Jamie Foxx, Will I Am, Bernardo de Paula

Ndoshta filmi më i mirë i animuar i këtij viti. Shumë më i mirë se Rango nëse më duhet ti krahasoj pasi kemi të bëjmë me zogj, dhe mbretërit e komedisë, majmunët. Kudo që ka majmunë ka komedi, e shembull i përkryer për këtë ishte edhe Rio. Edhe pse nuk janë në qendër të temës, në çdo skenë ku do të shihni majmunët do të shkriheni së qeshuri. Në fakt ndoshta këta janë ata që e ngjyrosin këtë film me komedi pasi do të ishte një dramë, ndoshta romantike e animuar! Sido që të jetë filmi është i mrekullueshëm. Skenar shumë i mirë, zëra të përshtatur për merak dhe një animim i përkryer.

Blu ka qenë viktimë e kontrabandës së zogjve dhe nga vendlindja Rio, tani jeton në Minesotan e ftohtë në SHBA. Ai është rritur nënë përkujdesjen e Lindas dhe në krahasim me shpezët e tjerë konsiderohet si më “trunor”, inteligjent. E ajo që e dallon edhe më shumë nga lloji i tij është paaftësia për të fluturuar. Tulio është një kujdestar shpezësh në Rio, ku në mesin e shumë shpezëve ka edhe një të vetme të gjinisë femërore të llojit të Blusë. Për të vazhduar racën e tyre, ai kërkon të rikthej Blunë në Rio. Pasi Linda refuzon në fillim, dikur ajo vendos të shkoj për të mirën e Blusë. Në Rio, Blu përsëri do të bie në dorën e kontrabanduesve të cilët ndihmohen nga një shpend ish-yll estrade, i cili tani është një gjahtar shpezësh. Nga këtu fillojnë aventurat e Blusë dhe Jewelit në Rio, ku takojnë shumë miq dhe shijojnë atmosferën e Karnavalit, ngjashëm si Linda.

Ka zëra të mrekullueshëm në këtë film që janë përshtatur shumë mirë me karakteret e tyre. Jesse Eisenberg e Anne Heatheway janë në rolet kryesore, por nuk mungojnë as talente si Jamie Foxx, George Lopez dhe Tracy Morgan, komedien të sprovuar në karrierën e tyre.

Në përgjithësi është një film i shkëlqyeshëm për argëtim familjar. Do të kënaqeni me aventurat dhe animacionin e përkryer të realizuar nga njëra prej studiove më të famshme në këtë industri.

 Luan Morina

Traileri

Titulli origjinal:

Zhanri: Biografi, Dramë

Skenari: Peter Morgan

Regjia: Stephen Frears

Premiera e shfaqjes: 02 shtator 2006

Kohëzgjatja: 103 minuta

Rejtingu: +13, për shkak të gjuhës së fortë

Kasti: Helen Mirren, Michael Sheen, James Cromwell

Para dy ditëve, të premten, ishte martesa e princit Uilliam, ndërsa të gjithë mbetem të mahnitur nga një numër aq i madh njerëzish që festonin dhe i bënin një nder të madh familjes më të madhe mbretërore në botë. Ishte një ngjarje e organizuar për lakmi. Por, ka qenë një kohë kur familja mbretërore ishte në skaj të respektit të popullit të saj. Ishin kohë të zymta dhe mjaft komplekse për të gjithë. E portretizimi i asaj kohe në film kërkon talent, guxim, dhe përkushtim. Kjo nuk i mungoi Stephen Frears dhe skuadrës së tij të cilët realizuan njërin nga disa filmat modern që i dedikohet familjes mbretërore, e të cilët kohëve të fundit nuk ishin të paktë në numër.

Filmi “Mbretëresha” përshkruan ngjarjet fiktive që kanë ndodhur në Mbretërinë e Bashkuar në kohën e vdekjes së princeshës Diana. Kontroversat kishin filluar para kësaj tragjedie, me princeshën e divorcuar nga princi Charles, me aventurat e saja jashtë-martesore duke lënë mbretëreshën në një pozitë të palakmueshme dhe mjaft nënçmuese. Me vdekjen e saj kontroversat sa vijnë e shtohen, familja mbretërore injoron vdekjen e saj duke provuar ta konsideroj si një person të rëndomtë, pa bërë homazhet e zakonta mbretërore, ndërsa populli u kundërvihet këtyre vendimeve në mënyrën e tyre. Popullariteti i mbretëreshës prek dyshemenë, dhe përderisa vendi shkon në një krizë institucionale që ringjallën epshet për republikanizëm është vetëm një njeri që mund të shpëtoj vendin e tij. Kryeministri i parë laburistë pas shumë vitesh, Tony Blair ndërhyn në këtë vakum konfuz duke provuar të afroj popullin me mbretëreshën e saj, duke lënë anash principet e tij personale dhe partiake, ai rrezikon edhe përkrahjen e votuesve të tij.

Roli kryesor në film, roli i mbretëreshës portretizohet nga dama Hellen Mirren, që ka bërë një punë të shkëlqyeshme në këtë film. Të portretizosh një mbretëreshë në çastet më të rënda të jetës së saj nuk është punë që bëhet lehtë, por, dama Hellen Mirren e realizoi këtë në një mënyrë të veçantë duke sjell një mbretëreshë më të modernizuar se ajo që portretizonte në filmin “Elizabeta e parë”. Tashti të luash mbretëreshën një herë mund të bëhet disi, por dy herë, dy mbretëresha të ndryshme kërkon goxha përvojë dhe talent. Dama Hellen Mirren kishte më shumë se që nevojitej nga të dyja këto.

E hera e parë që portretizonte kryeministrin Toni Blair nuk ishte as për aktorin Michael Sheen. Njeriu që ngjan dhe realizon shumicën e filmave që përfshijnë Tony Blair, duket se është familjarizuar me rolin e tij të kryeministrit. Hiq më keq më se herët e kaluar, pra si gjithnjë një aktrim i shkëlqyeshëm nga “Tony Blair” i filmave artistik.

Pra filmi pak a shumë rrotullohet rreth këtyre dy personazheve, duke mos anashkaluar edhe personazhet tjera të portretizuara nga James Cromwell, burri i mbretëreshës, Helen McCrory, gruaja e kryeministrit, si dhe Alex Jennings që luan rolin e princit të Uellsit.

Ti kthehem edhe një herë ngjarjes që fillon menjëherë pas fitores së Tony Blair në zgjedhjet, i cili si një president laburist premton modernizime, që brengos edhe mbretëreshën. Nga një lidhje e tensionuar që ishte në atë kohë, ngjarjet vetëm sa përkeqësohen me vdekjen e princeshës. Filmi arrin pikat më të ndjeshme gjatë pushimit të princeshës në kështjellën Balmoral, e gjithashtu edhe në bisedën e parë të tensionuar dhe “pa dorëza” të kryeministrit me mbretëreshën, ku pak a shumë ndërrojnë edhe rolet e tyre. Ka dhe disa çaste të tjera mjaft interesante përgjatë gjithë filmit, dhe nuk besoj që do të zhgënjeni nëse shikoni këtë dramë autobiografike, sidomos nëse jeni admirues të filmave mbretëror.

Filmi ka qenë një sukses jo vetëm artistik por edhe ekonomik, ndërsa dama Hellen Mirren ishte nominuar për çmimin Oscar për aktoren më të mirë në rol kryesor. Gjithashtu filmi ka qenë në Top 10 filmat më të mirë të vitit në një numër të madh revistash ndërkombëtare.

Luan Morina

Recensues filmash në Telekomanda

Traileri

Titulli origjinal: Stranger Than Fiction

Zhanri: Komedi, Dramë, Fantazi, Romancë

Skenari: Zach Helm

Regjia: Marc Foster

Premiera e shfaqjes: 10 nëntor 2006

Kohëzgjatja: 113 minuta

Rejtingu: +13, për disa imazhe shqetësuese, seksualitet, gjuhë dhe nudizëm të shkurtër.

Kasti: Will Ferrell, Maggie Gyllenhaal, Queen Latifah, Dustin Hoffman, dhe Emma Thompson

Si do të ju dukej vetja të ishin karakter i ndonjë romani. Romeo, Frodo, apo edhe Harri Poter. Interesante, a po? Sigurisht që do t’u pëlqente juve, por të ishit në rolin e Harold Krikut nuk do të dëshironit asnjë.

Haroldi (Will Ferrell), jeton i vetëm, kryen punën e tij që e bën të urryer nga të gjithë, dhe për më tepër e do punën e tij.

Ai është një mbledhës taksash për IRS. Jeta e tij është aq e mërzitshme sa që ka të bëjë gjithçka me numra. Është e bazuar në numërim dhe orën e tij. Për 12 vite, çdo dite pune ai ka pastruar 32 dhëmbët 76 herë. 38 herë para-mbrapa, 38 herë lartë-poshtë. Tërë këto vite ai do të zinte autobusin për punë në ora 8:17. Çdo javë ai do të mbikqyrte 7.134 dosje taksash. 45.7 minuta ishte pushimi i drekës, 4.3 minuta pushimi i kafes. Mos të ju lodhi me numra, por janë fakte interesante të përmenden. Çmenduri.

Gjërat komplikohen kur ai fillon të dëgjoj një zë që del të jetë zëri i autores, në librën e të cilin ai është karakteri kryesor. Me kalimin e kohës ai e kupton këtë, por nuk e di se çfarë zhanri i librit është pjesë ai. Për këtë kërkon ndihmën nga një profesor letërsie dhe më në fund disi arrijnë të zbulojnë. Por, problemet e tij sa vijnë e bëhen më të mëdha. Çfarë do të ndodh kur ai të takohet me autoren e librit, çfarë kërkesash do të ketë ndaj saj?

Sidoqoftë ne jemi mësuar të shohim Will Ferrellin në role kryesisht komike. Të shohësh Will Ferrell në rolin kryesor dhe të mos qeshësh është diçka e pazakontë. Për këtë nuk është diçka që më pëlqeu në këtë film. Megjithatë edhe pse një rol me serioz Will Ferrell ka aktuar mirë. Nuk është keq, megjithatë dukej paksa i shtrënguar. Ndoshta edhe roli i tij ka qenë asisoji.

Maggie Gyllenhaal ka qenë mjaft e mirë në rolin e saj të një biznesmeneje të mërzitur me taksat. Është hera e parë për mua që e shoh atë në një rol kryesor. Ka bërë një punë shumë të mirë në rolin e saj.

Megjithatë më shumë më kanë pëlqyer rolet dytësore në këtë film sa ato kryesoret. Dustin Hoffman dhe Emma Thompson kanë qenë të shkëlqyeshëm në rolet e tyre. Edhe Queen Latifah nuk ka qenë jo e mirë, por nuk ka pasur shumë hapësirë në këtë film.

Emma Thompson ka luajtur një rol vërtetë të komplikuar dhe e ka bërë për mrekulli. Rolin i shkrimtares e cila gjithnjë ka shkruajtur libra tragjik, ku personazhet kryesore vdesin në fund, tani është në udhëkryq kur zbulon se personazhi i saj i fundit është një njeri i vërtetë, që ekziston. Ta vrasë apo ta lërë të jetoj. Një shkrimtare e komplikuar e cila nuk ka shkruar libër me vite të tëra dhe vuan nga një stres i madh që rezulton me pirje të vazhdueshme të duhanit. Aktorja më e mirë në film. Padyshim, Emma Thompson edhe një herë më ka mahnitur me aktrimin e saj.

Edhe Dustin Hoffman, ashtu si Emma Thompson është një aktor nga më të mirët. Ai luan rolin e profesorit i cili do të mundohet të zbuloj se karakter i cilit shkrimtar është Harolldi. Që nga mëdyshjet në fillim të filmit, kur mendon se Harolldi është një lunatik e deri në fund kur takohet me shkrimtaren e ëndrrave të tij, profesori Xhulls Hillbert kalon nga roli i tij i një profesori komik, deri tek një njeri shumë serioz. Është një veti që mund ta aktrojnë pak aktorë të mirë, si Dustin Hoffman.

Queen Latifah ka një rol dytësor, por nuk vërehet aq shumë sa Hoffman dhe Thompson. Ajo është ndihmësja e shkrimtares Karen Ajfell, e cila ka ngecur në fund të romanit, dhe nuk gjen një mënyrë të përsosur për të përfunduar atë.

Dhe në fund, mund të them se padyshim filmi Stranger Than Fiction apo në shqip si e kam përkthyer Më i çuditshëm se trillimi mbetet një film shumë i mirë. Ja vlen ta shikoni, dhe besomëni do të kënaqeni me storien e filmit. Është vërtetë diçka mjeshtërore.

Luan Morina

Kritik filmash

Traileri