Tag: lajme

rubikon 12Për vitin e 12të, Adriatik Kelmendi dhe ‘Rubikon’ kthehen për të intervestuar dhe debatuar temat më aktuale në jetën kosovare dhe ndërkombëtare.

Mysafire e parë në sezonin e dymbëdhjetë sonte është mbesa e Faik Mehmet Konicës, Randa Al Azem Konica.

Rubikon shfaqet nga e marta deri të enjten në ora 20:15 në Kohavision.

Read Full Article

Është mbyllur edicioni i tretë i zgjedhjes së më të mirëve në botën e televizioneve kosovare. Këtë vit në bashkëpunim me Maniakat.com, përzgjedhja e më të mirëve ka pasur një hapësirë më të re, por megjithatë rezultate kanë mbetur pak a shumë të ngjashme me vitin e kaluar.

KTV, Klan Kosova, dhe Digitalb kanë dominuar kategoritë e sondazhit që për dallim nga dy edicionet e para që kishin përfshirë vitin kalendarik 2012 dhe 2013, ky sondazh ka përfshirë sezonin televiziv 2014-2015 për tu përshtatur më mirë me programet dhe ndryshimet eventuale të verës.

Klan Kosova është gjetur si kanali më i mirë kosovar me 47% të votave, para KTV me 36.7%. RTK ka pasur 9%, derisa RTV21 4%.

Rreth 70% mendojnë që Top Channel është kanali më i mirë nga Shqipëria, derisa 91% mendojnë që Alsat-M është më i miri kanal shqiptar në Maqedoni.

Digitalb ka qenë më i miri tek kanalet filmike, sportive, kanalet e fëmijëve dhe kanali më i mirë lifestyle me T.

Kanalet e Fox International Channels kanë qenë më të mirat në dokumentarë me NatGeo/NGWild dhe seriale me tri kanalet Fox. RTL-i gjerman ka qenë kanali më i mirë i huaj.

Tek kategoritë e programeve, betejë e një vote ka qenë ndërmjet Cka ka Shpija dhe O Sa Mirë. Në fund, kjo e dyta, ndoshta për shkak të përvojës arriti të jetë më e mira me 47.1% para 46.5% për projektin e fundit të Naser Rafunës që ka arritur një shikueshmëri të madhe për një kohë kaq të shkurtër. Dekalogu Kuqezi renditet i treti me 3.2%, 1.1% për Stinë Dashurie, dhe askush nuk është interesuar të votoj për LabyrinthX.

RubikonKTV, Interaktiv, dhe Te Linda i sjellin disa tituj Kohavisionit, derisa Ora 7, Ora e Pasdites, Prive bëjnë të njëjtën për Klan Kosova. Të vetmet tituj të shpërblyer me vota nga kanali RTK janë Kuizi 1,2,3 fillo, Vikendi, dhe Telekino.

Në sondazhin e realizuar online kanë qenë pjesëmarrës 74% meshkuj e 26% femra, 64% të moshës 19-29 vjeç, dhe 44% nga regjioni i Prishtinës, ndjekur nga Gjilani me 16%, dhe Ferizaji me 11%. Diaspora ka kontribuar me 5%. Kanë qenë 210 respodentë me 4784 vota në total nëpër të gjitha kategoritë.

 

Më të mirët sipas kategorive

Kanalet

Kanali më i mirë kosovar – Klan Kosova

Kanali më i mirë shqiptar – Top Channel

Kanali më i mirë shqiptar në Maqedoni – Alsat M

Kanalet më të mira filmike – Digitalb Filmat

Kanalet më të mira dokumentare – National Geographic/NG Wild

Kanalet më të mira sportive – SuperSport Kosova

Kanali më i mirë kulturor/lifestyle – T Digitalb

Kanali më i mirë muzikor – My Music

Kanalet më të mira për fëmijë – Bang Bang/Cufo TV/ Junior TV

Kanali më i mirë informativ – Top News

Kanali më i mirë argëtues/seriale – Fox/Fox Life/Fox Crime

Kanali më i mirë i huaj – RTL Deutschland

 

Programet

Seriali më i mirë vendor – O sa mirë (Digitalb)

Programë më i mirë debutues-politik – Rubikon (KTV)

Edicioni më i mirë i lajmeve – Interaktiv (KTV)

Programi më i mirë kultutor/lifestyle – Prive (Klan Kosova)

Talk Show më i mirë i pasdites – Ora e Pasdites (Klan Kosova)

Programi më i mirë i mëngjesit – Ora 7 (Klan Kosova)

Talk Show më i mirë argëtues – Oxygen (KTV)

Programi më i mirë i sportit – Sporti Total (KTV)

Programi më i mirë për fëmijë – Kuizi 1,2,3 Fillo (RTK)

Programi më i mirë muzikor – Top Koha Music (KTV)

Programi më i mirë ekonomik – Ekonomia me Erëzen (Klan Kosova)

Programi më i mirë i kuzhinës – Te Linda (KTV)

Programi më i mirë për filmin – Telekino (RTK)

Programi më i mirë argëtues – Vikendi (RTK)

Read Full Article

Është radha për shpërblimet e treta të televizionit Telekomanda Awards.

Për dallim nga dy edicionet e kaluara, kësaj radhe për shkak të përshtatjes më të mirë me përfundimin e sezonit televiziv sondazhi është shtyrë për fund të sezonit, më saktë tani në maj.

Gjithashtu, ky sondazh do të organizohet në bashkëpunim me grupin e Maniakave në Facebook. Në sondazh do të kontribuojnë edhe anëtarët e grupit TVMA (TV Maniakat – grup i njohësve të përzgjedhur të televizionit tek Maniakat).

Janë kategoria e kanaleve dhe ajo e programeve më të mira në kanalet e pranishme në Kosovë.

Sondazhi është i hapur deri më datë 20 maj 2015, derisa mund ta plotësoni në uebfaqen tonë direkt, apo edhe duke vizituar bit.ly/TVSondazhi2015

Read Full Article

Filmat e përzgjedhur për sonte:

06:25 Million Dollar Arm (2014) HBO Comedy Adria
06:45 Public Enemies (2009) Tring Max
09:00 Direct Contact (2009) B92
09:00 Saving Mr. Banks (2013) Tring Super
09:00 Omar (2013) Film Autor
09:00 Sex Tape (2014) Film Hits
10:40 Get Him to the Greek (2010) Tring Comedy

 

Episodet e përzgjedhura për sonte:

08:05 Pride and Prejudice 4 BBC Entertainment
08:05 The Blacklist 1×02 FOX
09:00 Castle 7×12 FOX
09:00 The Lady Vanishes 1×01 BBC Entertainment
09:00 Secrets & Lies 1×06 AXN Adria
09:55 Salem 1×03 FOX Life
10:00 Backstrom 1×04 FOX Crime
10:25 DCI Banks: Aftermath 1×01 BBC Entertainment
11:10 DCI Banks: Aftermath 1×02 BBC Entertainment

US Episodet (pas mesnatës)

01:00 Harvey Beaks 1×06 Nick
01:30 Liv and Maddie 38 Disney
Sanjay & Craig 2×14 Nick
02:00 Austin & Ally 73 Disney
Call the Midwife 4×04 PBS
Once Upon a Time 4×18 ABC
The Simpsons 26×11 FOX
02:30 KC Undercover 09 Disney
03:00 AD The Bible Continues 1×03 NBC
Ax Men 8×19 History Channel
Family Guy 12×12 FOX
Game of Thrones 5×02 HBO
I Didn’t Do It 28 Disney
Mr. Selfridge 4 PBS
Nurse Jackie 7×02 Showtime
River Monsters 7×03 Animal Planet
Secrets and Lies 1×08 ABC
03:30 The Last Man on Earth 1×11 FOX
04:00 The Lizzie Borden Chronicles 1×03 Lifetime
Revenge 4×19 ABC
The Royals 1×06 E!
Salem 2×03 WGN
Silicon Valley 2×02 HBO
American Odyssey 1×03 NBC
04:30 Veep 4×02 HBO
05:00 Last Week Tonight with John Oliver 34 HBO

 

Dokumentarët e veçuar për sonte:

04:40 Rusia e egër 1×06 Tring Planet
06:00 Wild Indonesia: Islands of Monsters NG Wild
06:05 Timber Kings 1×08 Viasat Explorer
07:00 Wild Borneo NG Wild
07:05 Radnicki pokret i politika – 1 Al Jazeera Balkans
08:05 Planet Earth 1×02 Viasat Nature
08:30 Angels Among Us 1×01 TLC
09:00 Ax Men History Channel
09:00 Blind Taste Living HD
09:20 Orë kritike 1×03 Tring History
09:35 Paqësori i jugut 1×03 Tring Planet

 

Read Full Article

interstellar+trailer

Pas një vozitjeje plotë adrenalinë në një ambient me ngjyra verbuese nga bukuria, pyetja e parë që më shkoi në mendje ishte:

Kush dreqin e ka bërë muzikën e filmit?

Për shkak të frikës nga spoilerat e mundshëm, kam pasur vetëm njohuri bazike në lidhje me filmin e Christopher Nolan që në rolin kryesor kishte Matthew McConaughey, Anne Hathaway, Michael Caine, dhe Jessica Chastain.

Një mision tjetër i pamundshëm do të jetë edhe recensimi i këtij filmi pa përmendur fare ndonjë informatë që mund të shkaktoj spoilera për ata që ende nuk e kanë parë, dhe krejt qëllimi i recensimit është shtyrja e lexuesit për të (mos)shikuar filmin, jo një analizë e gjerë.

Ajo çfarë do të përmend nga përshkrimi i filmit dhe që nuk është ndonjë informatë e tepërt është që:
Planeti Tokë është në shkatërrim. Nga bimët ka mbetur vetëm misri të kultivohet. Njerëzimi është përgatitur për shpërngulje në planetë tjerë, por akoma nuk ka arritur të bëj asgjë reale. Tani, papritmas i vije radha Cooper (McConaughey) të eksploroj mundësitë e gjetjes së një ambienti të përshtatshëm për jetën, një ambient që nuk do të jetë i lehtë për tu gjetur, një mision që kërkon të bëj zgjedhje të vështira, ndërmjet më të dashurve të tij dhe racës së njerëzimit.

Kur jemi tek aktrimi, Matthew McConaughey ka qenë i përkryer. Ka arritur të shpreh për merak emocionet që kërkohen gjatë tërë filmit, adrenalinën, dashurinë familjare, racionalitetin e vendimeve, etj. Aktrimi i tij arrin kulmin disa herë gjatë filmit duke na përpirë në karakterin e tij edhe neve si shikues personalisht.

Anne Hathaway vjen në rolin tjetër kryesor. Ajo mundohet të portretizoj një karakter më racional se sa ai i McConaughey. Ka disa skena tronditëse që testojnë deri në kufijtë e fuqisë kryesore të karakterit të saj – arsyeshmërinë ndaj vendimeve që duhet marrë. Ngjashëm si McConaughey edhe ajo ia del me zell të përmbush të gjitha detyrat e aktrimit.

Mackenzie Foy e Jessica Chastain sjellin karaktere edhe më emocionale se ai i Hathaway. Që të dyja arrin të mishërojnë karakterin e tyre me përpikëri. Derisa nuk kam dyshuar kurrë në aftësitë e Chastain, Foy tregon talent dhe potencialin e një aktoreje të madhe në të ardhmen. Casey Affleck e John Lithgow janë dy emra tjerë të preferuar nga unë në botën e kinemasë që nuk dëshpërojnë ngjashëm si Michael Caine dhe pjesa e mbetur e kastit. Aktrimi është i shkëlqyeshëm.

Por, ka edhe më mirë se aktrimi në këtë film. Skenari është i mahnitshëm. Dialogët përgjatë gjithë filmit sjellin të thjeshtuar, deri në një shkallë, kompleksitetin e termeve fizike, por mbi të gjitha arrijnë të nxjerrin emocionet dhe dashurinë që vazhdimisht anojnë sikur një peshore ndërmjet dobësisë dhe fuqisë së racës njerëzore. Kjo peshore pos në dialogë pasqyrohet për merak edhe në shumicën e karaktereve në film.

Pastaj vjen përgatitja vizuale. Christopher Nolan është mjeshtër i magjepsjes vizuale të shikuesit. Pamjet që ofron ky film të lënë gojëhapur, sikur për të futur gjithë ato pamje mahnitëse të cilat nuk duket se sytë tanë janë të aftë ti përpijnë. E të gjitha këto pamje vijnë të shoqëruara me kolonën zanore, më shkurt muzikën e filmit të lustruar për mrekulli nga Hans Zimmer. Muzika e Zimmer është faktori kyç në suksesin, madhështinë e atij filmi. Ajo ndikon sa si shoqëruese e emocioneve tona si shikues, aq edhe si plotësuese e një rrugëtimi të magjishëm në këtë mrekulli filmike.

Sa me fat jemi që po jetojmë në një periudhë ku vit pas viti po kënaqemi me tituj si ‘Gravity’ e ‘Interstellar’. Nuk besoj që mund të del diçka edhe më e mirë, së paku jo për një kohë të shkurtër.

Nota personale: 5/5 apo siç thonë në fillore pesëshe me yll.

Luan Morina
Kritik filmi

Read Full Article

wintersleep

Filmi i radhës i Nuri Bilge Ceylan na merr e na dërgon në një ëndërr të një gjumi dimëror, një ëndërr që na ri-njofton me bukuritë e kinematografisë, duke sjell çdo segment të saj në përsosmërinë e skajshme. Për tri orë të këtij tregimi, ne si shikues notojmë në një botë të thellë që depërton thellë nën lëkurën e karakterit kryesor, Aydinit të cilin ky tregim nga fillimi deri në fund do ta bëj të rishqyrtoj gjithçka për të cilat konsiston se jeton e vepron.

Aydini është një artist i cili në Anadollin e skajshëm, tani bën punën e një kolumnisti dhe shkrimtari njëkohësisht duke qenë edhe pronar i një hoteli dhe disa pronave të fshatit. Ai e sheh veten si një njeri që kontribuon për popullin me shkrimet e tij, pikëpamjet e tij mbi shoqërinë, e që në fakt është një lloj snobi, fakt që nis të trajtohet që nga momenti kur një fëmijë thyen xhamin e veturës së tij. Që nga ky moment nis të sfidohet qëndrimi dhe personaliteti i tij, sfidë që bëhet më e rëndë me çdo pëllëmbë bore që mbulon sipërfaqet e mbyll rrugët me civilizimin, pjesë e të cilit pretendon se është Ajdini.

Ai jeton me gruan e tij më të re në moshë, dhe motrën e porsa ndarë nga burri. Edhe pse të dyjat admirojnë punën e tij, ato gjithashtu janë edhe brutalisht të sinqerta, sinqeritet që shfaq plasaritjet si në lidhjet ndërmjet tyre, edhe më shumë në karakterin e tij sipërfaqësor.

Me anë të familjes së djaloshit i cili i thyen xhamin e veturës dhe gjithashtu është banor në pronën e Ajdinit, skenari sjell paralele ndërmjet dy botëve të shoqërisë, paralele që provojnë të ndeshen në një pikë vazhdimisht, me karakterin e Hamdiut si katalizator.

Aktrimi është i përkryer me një mjeshtër të kinematografisë moderne turke si Haluk Bilginer. Melisa Sozen e Demet Akbag në rolet e gruas dhe motrës kanë një hapësirë të konsiderueshme në film, me të parën që dominon në disa skena me dialogje të fuqishme, skena të cilat edhe e bëjnë këtë film aq të përsosur. Serhat Mustafa Kilic, Nadir Saribacak, e Nejat Isler më pak se dy të parët, kanë disa pjesë tepër të mira në film, edhe pse dytësore.

Inspiruar nga shkrimet e Anton Chekhov, çifti bashkëshortor Ebru e Nuri Bilge Ceylan sjellin një nga kryeveprat e kinematografisë së kësaj dekade. Derisa dialogët janë thjesht të përkryer duke ndihmuar zhvillimin e një tregimi, një jetë që ndryshon, edhe më mbresëlënëse është pjesa teknike. Me regji të realizuar nga Nuri Bilge, filmi sjell kënde statike duke lënë anash karakteret në skenë për tu përqendruar në hapësira të ndriçuara për bukuri. Ndriçimi, rrjedhimisht ngjyrat sjellin një interier që shpesh na thith brenda sikur një pikturë që është duke u komentuar me një dialog të përkryer, por i cili mbetet në plan të dytë, dhe dalëngadalë zhduket në largësi. Kërcimet e kamerës sa brenda sa jashtë, vetëm që na kënaqin sytë dhe epshin kinematografik, duke zhgroposur arsyet e dashurisë ndaj filmit, dhe në të njëjtën kohë duke mohuar faktin që ‘dashuria është e paarsyeshme’.

Mbi të gjitha bora… bora e përsos këtë mjeshtri të Ceylanit. Film i përkryer 5/5

Luan Morina
Kritik filmi

Read Full Article

Filmat e përzgjedhur për sonte:

04:35 The Incredibles (2004) HBO Adria
06:30 Gravity (2013) HBO Adria
09:00 Unforgiven (1992) B92
09:00 Broken City (2013) Tring Super
09:00 Nightwatching (2007) Tring Life
11:15 Never Let Me Go (2010) Tring Life

 

Episodet e përzgjedhura për sonte:

08:15 Doctor Who 5×02 BBC Entertainment
09:30 Last Week Tonight with John Oliver HBO Comedy Adria
10:00 House of Lies 4×02 HBO Comedy Adria
10:15 Him & Her 3×07 BBC Entertainment
10:30 Modern Family 6×16 HBO Comedy Adria

US Episodet (pas mesnatës)

02:00 The Good Witch 1×08-10 Hallmark
Henry Danger 1×23 Nick
02:30 Bella and the Bulldogs 1×14 Nick
03:00 Orphan Black 3×01 BBC America
Outlander 1×11 Starz
The Universe 8×01 History Channel
04:00 Engineering Disasters 1×02 History Channel
Tatau 1×01 BBC America

 

Dokumentarët e veçuar për sonte:

07:05 Rijekama ka zapadu – 18 Al Jazeera Balkans
08:00 Wild Canada – katër episode NG Wild
08:00 Coppelia Muse
08:20 Misteret e Biblës 1×03 Tring History
09:10 The Universe 3×11 Tring World
09:50 Storm City 1×04 Viasat Explorer
10:00 Brazili Tring Planet

 

Read Full Article

top five

Ndryshe nga dy filmat e tij të parë si regjisor, Chris Rock sjell ‘Top Five’ në një frymë tjetër komedie, sidomos në aspektin e skenarit.

Filmi sjell jetën e karakterit të Rock, Andre Allen i cili është një komedien i njohur që tashmë thjeshtë është zaptuar nga bota e biznesit modern të argëtimit. Gjithçka ka shkuar mirë për Allen, ka pasur një trilogji të suksesshme me një franshizë komike që ka kënaqur më shumë shikuesit e thjeshtë se kritikët, është martuar e ndarë, tani është përsëri afër martesës, ndodhi kjo që po përshkruhet në një reality-show, yll i të cilës botë është e fejuara e tij.

Tani, ai provon të rigjej veten duke bërë film më serioz, për kryengritjen e skllaveve në Hawaii në shekullin e XVIII, dhe si pjesë e promocionit ai duhet të bëj një intervistë me New York Times, me të cilën gazetë nuk i ka marrëdhëniet e mira për shkak të kritikave gjithnjë negative që ka marr nga ky medium. Për të realizuar revistën është ngarkuar Chelsea Brown, portretizuar nga Rosario Dawson.

I tërë filmi përqendrohet tek lidhja e këtyre dyve në aspektin reporter-aktor, një lidhje e dominuar nga dialog shumë mençur të shkruar që shërbejnë si nyje lidhëse ndërmjet skenave të historisë së jetës të Andre Allen. Derisa këta dialogë dominojnë pjesën kryesore të filmit, ata ofrojnë edhe një komedi më ‘serioze’ që kërkon më shumë nga dialogu, bisedat e dy karaktereve kryesore. Ndërkohë pjesa e historisë së Allen që vjen si video-tregime në sfond, ka më shumë nga komedia e zakonshme e Chris Rock dhe elitës së komikëve si ai.

Harmonia skenike ndërmjet Dawson dhe Rock është e shkëlqyeshme. Qysh në fillim vërehet një fërkim i përkryer që na dërgon në një rrugëtim të këndshëm 100 minutësh. Kontribut të madh japin edhe karakteret dytësore që shfaqen kohë pas kohe, si në tregime në sfond, ashtu edhe duke ndërhyrë në rrugëtimin aktual të këtyre dyve. Këto karaktere vijnë nga aktorë të njohur si JB Smoove, Cedric the Entertainer, Gabrielle Uninon, Kevin Hart, Sherri Shepherd, Tracy Morgan, e Ben Vereen. Gjithashtu për të dhënë Top 5shin e tyre shfaqen edhe emra si Jerry Seinfeld, Adam Sandler, Whoopi Goldberg, Taraji P Henson, e DMX.

Në përgjithësi, ‘Top Five’ është një komedi e shkruar për merak nga Chris Rock, i cili sjell një lloj (auto)biografie të një ylli të sinqertë Hollywoodi, të kapluar nga modernizimi snobist i kësaj industrie, që detyron shumicën e yjeve të bëjnë atë që kërkon tregu, e jo atë çfarë dëshirojnë vet ata. Është një betejë me vetveten, një betejë që kërkon sinqeritet nga dy karakteret kryesore, sinqeritet që ofrohet jo nga të dy.

Personalisht, mendoj që ‘Top Five’ është një nga komeditë më së miri të shkruara të vitit. Nota personale: 4/5

Luan Morina
Kritik filmi

Read Full Article

Si fans i filmave për sportin, me të dëgjuar për përfshirjen e Bennett Miller në regjinë e ‘Foxcatcher’, pritjet për këtë film kanë qenë më të mëdha se zakonisht, duke mos harruar ngazëllimin për një tjetër sukses kinematografik siç ishte rasti i ‘Moneyball’.

Por, të dy filmat ndryshojnë në disa fusha, duke nisur nga trajtimi i temës thelbësore të filmit. Kësaj radhe Miller sjell një tregim më ndryshe, duke u përqendruar në sportet amatore si mundja që nuk janë aq rentabile sikur bejsbolli në SHBA. Kjo është arsyeja pse biznesmen si John du Pont kanë investuar në projekte si ‘Foxcatcher’, për të ndihmuar sportistë amator që nuk fitojnë as mjaft për të mbijetuar që të sjellin suksese për vendin. John du Pont është pasardhës i njërës nga familjet më të pasura në vend që nga ajo që mund të mësojmë nga filmi, merret me prodhimin e armatimit. Për të përkrahur mundësit amerikan ai themelon projektin Foxcatcher duke ndihmuar mundësit të kenë kushtet më të mira për përgatitje. Në mesin e këtyre mundësve është edhe Mark Schultz, kampion aktual olimpik që synon të përsërit suksesin në Olimpiadën e Seulit më 1988. Marku ka një vëlla më të mëdha, mentor të tij, Davidin i cili nuk është i gatshëm të heq dorë nga jeta e tij për tu bashkuar me du Pont në vilën e tij për Foxcatcher. Pak a shumë kjo është tema që trajtohet, dhe pasi bazohet në ngjarje të vërtetë, do sugjeroja të mos kërkoni më shumë informata, pasi vet anonimiteti i tregimit është anë e fortë e këtij filmi.

Tashti, Steve Carell, të cilin e njohim nga tituj si ‘The Office’, ‘Get Smart’, ’40 Years a Virgin’, ‘Crazy Stupid Love’ vjen në rolin më serioz të karrierës me një transformim fizik të mahnitshëm për karakterin e John du Pont. Ai sjell një paraqitje të shkëlqyeshme aktrimi që na bën të dyshojmë nëse me të vërtetë është i njëjti person që kemi njohur deri tani, dhe kjo nuk është vetëm rezultat i makijazhit. Transformim në pamje ka edhe për Mark Ruffalon, por i cili ngjashëm si Carrell sjell një aktrim të shkëlqyeshëm. Megjithatë për dallim nga Carrell, Ruffalo vetëm se është dëshmuar në drama edhe më parë, së fundmi tek ‘The Normal Heart’.

Në role tjera, ti quaj më normale, më të zakonshme vjen Channing Tatum si Mark Schultz. Karakteri i tij kalon më shumë kohë në skenë me du Pont, duke ofruar një harmoni interesante përgjatë gjithë filmit. Megjithatë tërë kohën shihet një lakmi e du Pont për rekrutimin edhe të vëllait të madh. Lidhja e tyre zhvillohet nga fillimi i filmit duke arritur pikun më herët që ndoshta mund të presim, por përgjatë tërë filmit, tensioni ndërmjet tyre nuk humbet. Aktrimi i tyre dhe kjo marrëdhënie e bën filmin atë çfarë është, një tregim i përpunuar shumë mirë për dy miq që shpien deri tek rrethana të palakmueshme.

Vanessa Redgrave ka një rol minimal, derisa më shumë kohë para kamerës kalon Sienna Miller, që vijnë në role dytësore krahas treshes. E derisa Bennett Miller ka bashkëpunuar me Dan Futterman në skenarin e ‘Capote’-s, është hera e parë që bashkëpunon me E. Max Frye. Skenari është në nivel, përkundër kritikave të vet Mark Schultz. Është e zakonshme që të devijohet tek filmat artistik, dhe jo diçka tragjike. Edhe Miller bën punë të mirë në regji, por ‘Foxcatcher’ mbetet mbrapa ‘Moneyball’ dhe ‘Capote’ në listën time nga filmat e tij.

Në përgjithësi, ‘Foxcatcher’ është tregim i realizuar mirë, por vet tema nuk e bën shumë të kënaqshëm. Aktrimi është fenomenal, sidomos nga ana e Steve Carrell. Nota personale: 4/5.

Luan Morina
Kritik filmi

Read Full Article

theory of everything‘Teoria e gjithçkasë’ sjell nga pak nga gjithçka që ka të bëj me jetën e shkencëtarit, ndër më të njohurit të kohës sonë, Stephen Hawking. Filmi në regji të James Marsh që deri më tani është i njohur vetëm me dokumentarë – ‘Man on Wire’ më i njohuri pa dyshim, është në gërshetim i përkryer i jetës personale dhe profesionale të Hawking. Filmi nis në momentin e duhur, e ngjashëm përfundon në momentin e duhur, në mënyrën më të përkryer të mundshme.

Marsh sjell tregimin e përpunuar nga Anthony McCarten bazuar në librin e autobiografinë e Jane Hawking. Ngjashëm si Marsh, edhe McCarten është relativisht jo shumë me përvojë në zejen e skenaristit, por sikurse Marsh edhe ai bën një punë të shkëlqyeshme në portretizimin e ngjarjeve kryesore nga jeta e Hawking. Tregimi nis nga mosha rinore e Hawking, mosha që nuk njihet për publikun e gjerë, pasi sëmundja e kishte kapluar në moshë tepër të re dhe mbijetesa e tij deri në këtë ditë është një mrekulli në vete, ngjashëm si gjërat që i ka sjell shkencës vet Hawking. Skena e parë sjell Hawking duke vozitur biçikletën, për të vazhduar me vallëzim dhe aheng, që nuk duket të ngjasoj aspak në atë që presim si fillim.

Çereku i parë shërben si një hyrje në botën e Hawkingut, në botën që e njohim. Këtu nis filmi të bëhet më emocional, tashmë kur vetëm jemi të zhytur në temën e filmit dhe të lidhur si me tregimin ashtu edhe me karakteret. Ngjarja vazhdon të zhvillohet në paralele të njëtrajtshme duke trajtuar si jetën profesionale ashtu edhe atë private, bile kjo e fundit zë një hapësirë më të madhe gjatë tërë kohës. Ndërkohë jeta profesionale provohet të sillet me thjeshtësinë më të madhe të mundshme duke shpjeguar disa nga teoritë dhe punën që bën Hawking edhe në tryezën e darkës, me thikë, pirun e patate. Shumica e ngjarjeve nuk ngjasojnë në mënyrë të përkryer me realitetin, siç është edhe ndihma e mikut të familjes, Xhonathanit. Por, si gjithnjë për ata që kërkojnë fakte dhe ndoshta nënçmojnë shpjegimet e thjeshtuara, nuk është dokumentar, është film artistik. Dhe si i tillë ka një skenar dhe regji të përkryer.

E kur jemi të aktrimit, vetëm sa ngjitemi disa shkallë më lartë se sa puna e njerëzve pas kamerave. Eddie Redmayne bën një aktrim fenomenal përgjatë gjithë filmit. Përgatitja e tij për këtë rol ka qenë serioze dhe me një përkushtim që vërehet më së miri gjatë dy orëve. Ka një performancë të mahnitshme, një aktrim të pashoq që nuk do të mund të ishte më i përkryer se sa ky që ofron Redmayne. Hiq mbrapa nuk mbetet as Felicity Jones. Edhe ajo si Redmayne, bën aktrimin e karrierës së tyre që akoma është vetëm në fillin e saj. Ka një harmoni të mrekullueshme në skenë me Redmayne, dhe arrin të sjell karakterin e një gruaje të vendosur që përkundër të gjithave vazhdon të mbetet e përkushtuar ndaj detyrave dhe dashurisë së saj. Është një mishërim i përkryer me rolin nga të dy. Një rol më shumë dytësor se të tjerët ka Charlie Cox si Xhonathani, miku i familjes. Edhe ai bën punë të mirë, për atë pjesë sa i takon dhe shërben mirë si ‘elementi i tretë’ në shtjellimin e tregimit. Por, ngjashëm si pjesa tjetër e kastit mbetet në hije të Eddie Redmayne dhe Felicity Jones që bëjnë një punë të denjë për Oskar.

‘The Theory of Everything’ ka gjithçka që duhet të ketë një film i kompletuar. Skenari sjell një tregim të shkëlqyeshëm, emocional në pjesën më të madhe, një biografi të plotë të Hawking. Ndërkohë aktrimi është i nivelit më të lartë të mundshëm me Felicity Jones dhe Eddie Redmayne që janë thjesht të pameta. Nota personale 5/5.

Luan Morina
Kritik filmi

Read Full Article