Bllogu për televizionin
Mbrëmë në kanalin Kohavision ka vazhduar sezoni i gjashtë i serialit ‘O Sa mirë.’ Episodi i radhës vazhdon me kontestimin e pronës së fakultetit dhe rekrutimin e studentëve e stafit. Edhe në këtë episod prezent janë Stupcat.
Episodin e plotë mund ta shihni në kanalin zyrtar në YouTube – https://www.youtube.com/watch?v=k7jJmJZTK8o
Read Full Article
Pos përmbledhjeve të zakonshme sportive, KTV sjell edhe shumë programe festive për teleshikuesit kosovar.
Nata e fundit e dhjetorit do të mbyllet me koncertin e Genc Salihut dhe me edicionin festiv të Oxygenit, për të vazhduar me filma artistik pas mesnate. Programi i fëmijëve është me 1 janar në 17 dhe 2 janar në 9. Ndërkohë Gena’s Show, Latino Band, e Elina Duni Quartet do të përshkruajnë natën e parë të vitit të ri pas Express Shopping.
Të enjten në mbrëmje vjen 038 Festive, Top Koha Festive, e KTV Frymë.
Skemën e plotë festive të Kohavision e gjeni tek TV Programi në Telekomanda.
Read Full Article
Kanali i parë kosovar që gati 4 vjet transmeton 24 orë lajme, ARTA, nga sot ka ndryshuar pamjen. Me një dizajn grafik të ri, kanali që ju sjell lajme në çdo minutë, freskon pamjen vizuale me ndryshimin e ngjyrës nga e kuqe në të bardhë. Shikuesit e kanalit ARTA do të vazhdojnë të informohen në kohë reale me lajmet e fundit për ngjarjet në vend, rajon dhe botë. Imazhi me grafikë të re ofron edhe më shumë informacione të shkruara.
Kanali ARTA përveç në platformat kabllore në Kosovë mund ta ndiqni edhe 24 orë online në internet nëpërmes ueb faqes koha.net. /Koha.net/
Read Full Article
Të martën me 25 shtator, nis sezoni i nëntë i emisionin debatues më të vlerësuar në televizionet kosovare, Rubikon me Adriatik Kelmendi.
Për nëntë vite të transmetimit në kanalin më alternativ në Kosovë, Rubikon ka ofruar një pasqyrë krejt ndryshe nga emisionet tjera duke krijuar një kredibilitet dhe besueshmëri, që rrjedhimisht ka sjell edhe shikueshmërinë më të madhe të Rubikon në këtë zhanër të programeve televizive. Mysafirë të Adriatik Kelmendit kanë qenë disa nga emrat më të njohur në politikën shqiptare dhe atë ndërkombëtare.
Për të diskutuar për sezonin e ri kemi realizuar një intervistë me autorin e këtij programin dhe njërin ndër personalitetet televizive më të preferuar për publikun kosovar, z. Adriatik Kelmendi.
Telekomanda: Z. Kelmendi, sezoni i ri televiziv tashmë ka ardhur. Është gjithçka gati për Rubikon?
Adriatik Kelmendi: Për Rubikon ende nuk është gjithçka gati, pasi që s’është ende gati skena e re . Por, edicioni i ri starton të martën, më 25 shtator, pasi që mjafton që unë jam gati, ekipi në KTV është gati dhe vullneti për t’i dhënë intervista dhe debate interesante shikuesve besnikë është aty. Kështu që, motorrat nxizen të martën.
Telekomanda: Do të ketë skenë të re për emisionin. Mund të na tregoni çfarë do të jetë më ndryshe, apo mbetet befasi për shikuesit?
Adriatik Kelmendi: Do të jetë më e madhe se zakonisht dhe do të ofrojë më shumë mundësi për emisionin. Për të tjerat, do t’i lë shikuesit që ta vlerësojnë.
Telekomanda: Po formati do të pësoj ndonjë ndryshim. Do të ketë ndonjë risi, apo cikle të reja siç kishte vitin e kaluar?
Adriatik Kelmendi: Natyrisht se Rubikon vjen edhe këtë sezon me risi dhe aktualitete, por gjithnjë origjinal dhe i pakompromis. Në sezonin e ri, do të zhvillohen edhe debate e intervista të lidhura me përvjetorët e rëndësishëm, siç është 100-vjetori i Pavarësisë së Shqipërisë dhe 5-vjetori i pavarësisë së Kosovës.
Në kuadër të ciklit “Rishikimi i historisë”, do të vazhdohet me temat lidhur me lëvizjet, grupacionet dhe individët e ndryshëm drejt pavarësisë, prej mesit të shekullit të kaluar e tutje.
Njësoj, edhe në sezionin e ri do të vazhdojë cikli I popullarizuar “Rubikon Pa Kravatë”, si dhe shumë intervista e debate ekskluzive e me shumë interes për publikun. E ndërkohë do të ketë edhe disa cikle të reja, të cilat momentalisht nuk do t’i shpalos, për arsye objektive.
Telekomanda: Formati ‘Pa kravatë’ ka treguar të jetë i suksesshëm në bazë të statistikave tona, sipas të cilave emisioni me Adelina Ismailin ka qenë një ndër programet më të shikuara në Kosovë vitin e kaluar. Do të vazhdoj dhe do të ketë yje të tilla nga bota e argëtimit?
Adriatik Kelmendi: Po. Do të vazhdojë të ketë intervista “ndryshe” nga bota e argëtimit. Ideja e “Pa Kravatë” që nga fillimi ka qenë që t’i sjell në studio njerëzit që zakonisht i shohim në skenat tona, por që s’i kemi parë ndonjëherë në debate dhe analiza të fenomeneve të ndryshme shoqërore e kulturore. Këto emisione besoj kanë arritur shpesh që publikut t’ia tregojnë edhe anët e panjohura të idhujve të tyre, të personaliteteve publike e të tjerë.
Telekomanda: Pasi që politika është tema kryesore e emisionit, si e shihni situatën politike në vendin. Pritni të keni ‘punë’ më shumë se zakonisht këtë sezon?
Adriatik Kelmendi: Jam duke i fërkuar duart, pasi që priten zhvillime dramatike e dinamike gjatë muajve në vazhdim. Por për të gjitha këto zhvillime, personazhet, analizat e detajet e tjera rreth tyre gjithsesi se do të informoheni në Rubikon
Telekomanda: Z. Kelmendi, faleminderit për intervistën dhe suksese.
Adriatik Kelmendi: Kënaqësi e veçanë të flas për faqen e vetme në gjuhën shqipe dedikuar analizës së televizionit dhe filmit. Shumë suksese edhe në të ardhmen.
*Intervistën për Telekomandën e realizoi Luan Morina, kryeredaktor dhe themelues i Telekomanda.com
Read Full Article
Java më e mbushur me ngjarje sportive në EuroSport gjatë këtij viti. Kampionati botëror në atletikë ka filluar të shtunën dhe do të vazhdoj deri të dielën me gara jashtëzakonisht interesante. Tashmë gara çiklistike rreth Spanjës, Vuelta ka hyrë në javën e dytë dhe as këtu nuk mungojnë emocionet. E këtë javë fillon, së paku pritet të filloj nëse nuk ka ndonjë shtyrje për shkak të uraganit Irene, grand slam turneu i fundit në tenis për këtë vit, US Open. Të dy kanalet do të transmetojnë dy ndeshjet më interesante çdo ditë duke filluar nga ora 17:00 deri herët në mëngjes, pos nëse ka ndonjë transmetim atletike apo Vueltas. Pra, EuroSport është destinacioni juaj kryesor këtë javë nëse dëshironi sport cilësor.
RTK për mbrëmjen e fundit të Ramazanit ka përgatitur program fetar. Subvencion fillon në ora 22:00. KTV shfaq episodin e ri të BinBir Gece para se të përmbyll javën e parë të kampionatit spanjoll me ndeshjen Barcelona – Vilarreal. RTV21 vazhdon me emisionin Kabare.
Top Channel shfaq filmin Two Lovers ndërsa pas lajmeve transmetohet emisioni për sportin, Procesi Sportiv. Edhe Vizion Plus ka në program film artistik, Vrasjet. Klan TV shfaq episodet e reja të serialeve, Grey’s Anatomy dhe Ris.
Për ngjarjet sportive, mund të mësoni më shumë në artikullin e veçantë për transmetimet sportive gjatë javës.
TV Kolumna Ditore përgatitet nga Luan Morina
E hënë – 29 gusht 2011
RTK
20:10 Dokumentar: Dituria e fshehur e Islamit
21:00 Program muzikor
22:00 Subvencion
23:00 Lajme
23:15 Serial: Kafeneja Jonë ep.239
KTV
20:00 Serial: Binbir Gece ep.156
21:00 Futboll: Barcelona – Villarreal
23:00 Interaktiv
RTV21
20:05 Kabare
22:00 21 Minuta
22:45 Serial: Favoritja
——————–
TV Klan
20:05 Serial: Grey’s Anatomy ep.75
21:00 Serial: RIS – Provat e Krimit ep.4
22:00 Lajme
22:30 Opinion
Top Channel
20:15 Vetëm për të qeshur
20:50 Film: Two Lovers
22:30 Lajme
23:05 Procesi Sportiv
Vizion Plus
19:30 Çudira shqiptare
20:00 Tereza – telenovelë
21:00 Film: Vrasjet
23:00 Lajme
Read Full Article
Është fundjava e fundit e kampionateve kombëtare para ndeshjeve të kombëtareve që do të zhvillohe të premten e ardhshme. Në kampionatet kryesore veçojmë këto ndeshje. Në kampionatin gjerman derbi i javës do të luhet të dielën në ora 5:30, kur takohen Dortmund – Bajern. Në të njëjtën kohë ndeshen Leverkuzen dhe Verder.
Në Spanjë kryendeshja zhvillohet të shtunën në ora 10, në mes të Valensias dhe Bilbaos që do të transmetohet edhe në KTV. KTV do të transmetoj edhe dy ndeshje tjera të La Ligës, të dielën në ora 7, Barselona – Majorka, dhe në ora 9, Real Madrid – Deportivo. Ndeshja më interesante zhvillohe në ora 5, ku ndeshen Sevija dhe Atletiko Madrid.
Në Angli të shtunën në ora 4, zhvillohen dy ndeshje interesante, Totenhem – Aston Villa, dhe Sanderlend – Mançester Junajted. Të dielën në ora 2:30, ndeshen Mançester Siti dhe Njukastëll, ndërsa në ora 5, kryendeshja e javës zhvillohe në mes të Çelzit dhe Arsenalit.
Në Itali të shtunën në mbrëmje, 8:45, Parma e pret Milanin. Napoli – Roma dhe Fiorentina – Palermo janë ndeshjet më interesante të dielës në ora 3. Kryendeshja Inter – Juventus zhvillohet të dielën në ora 8:45.
Listën e ndeshjeve që transmetohen në kanalet shqiptare do ta gjeni më poshtë në tekst.
Në ndërkohë nga sportet tjera veçojmë kampionatin botëror në volejboll për meshkuj në Itali që transmetohet në kanalet Rai Sport në satelit, dhe në kanalet tjera kombëtare të ekipeve pjesëmarrëse. Të shtunën zhvillohen gjashtë ndeshje ndërsa më interesantet janë Egjipti – Spanja (ora 5, JSC+6) dhe Brazili – Bullgaria (ora 9, JSC+6).
Në EuroSport mund të ndiqni garat botërore të ngjashme me kampionatin botëror në hipizëm, sport me kuaj. Të shtunën duke filluar nga ora 5 deri në ora 9:45, shfaqet drejtpërdrejtë nga Kentaki, gara në kros kauntri. Të dielën, transmetimi fillon më vonë, në ora 7 deri në ora 10:15 pasdite, ndërsa në program është gara e kërcimeve.
Të dielën në EuroSport mund të ndiqni garat në Superbajk dhe Supersport, nga ora 11:45 paradite.
Në EuroSport 2, të shtunën në mesditë, drejtpërdrejt mund të ndiqni ndeshjen e ligës japoneze në futboll, Jamagata – Gamba Osaka. Në mbrëmje në ora 8:15, transmetohet ndeshja nga Liga e Kampionve në hendboll për meshkuj ku ndeshen Pivovarna Lashko nga Sllovenia dhe Rajn Nekar Loven nga Gjermania.
Fansat e sporteve amerikane, veçanërisht Futbollit Amerikan këtë javë do ta kenë një fundjavë të pasur kryesisht falë kanalit ESPN Amerika, që për fat të keq akoma nuk është aktiv në operatorët kabllor kosovar. Të shtunën në program janë ndeshjet e ligës së kolegjeve, ku ESPN Amerika transmeton dy ndeshje, ora 6:00 pasdite, Klemson – Majami, ora 9:30 në mbrëmje, Teksas – Oklahoma, dhe ora 2 në mëngjes, Alabama – Florida. Të dielën ESPN Amerika transmeton ndeshjet e vlefshme për ligën profesioniste, NFL. Ndeshen Pitsburg – Balltimor, ora 7; Filadelfia – Uashington, ora 10, dhe Nju Jork – Çikago, ora 2:20.
Kohavision
E shtunë – 25 shtator 2010
10:00 Valensia – Atletik Bilbao
E diel – 26 shtator 2010
07:00 Barselona – Majorka
09:00 Real Madrid – Deportivo La Korunja
SuperSport
E shtunë – 25 shtator 2010
03:30 SS3 Nyrnberg – Shalke
03:30 SS4 Besa – Vllaznia
04:00 SS5 Kristal Palas – QPR
06:00 SS2 Udineze – Çezena
06:30 SS1 Hamburg – Kaiserslautern
06:30 SS4 Basketboll KB për femra: Çekia – Bjellorusia
07:00 SS3 Nansi – Lion
08:00 SS2 Sosiedad – Espanjol
08:15 SS4 Basketboll KB për femra: SHBA – Spanja
08:45 SS1 Parma – Milan
09:00 SS3 Sent Etjen – Marsej
10:00 SS2 Valensia – Bilbao
E diel – 26 shtator 2010
05:00 SS3 Moto GP: GP e Japonisë
12:30 SS3 Ajaks – Utreht
12:30 SS1 Leçe – Katania
02:30 SS3 Skënderbeu – Tirana
03:00 SS4 Lacio – Bresha
03:00 SS1 Napoli – Roma
03:00 SS2 Fiorentina – Palermo
03:30 SS5 Shtutgart – Frankfurt
04:30 SS3 PSV – VVV Venlo
05:00 SS2 Sevija – Atletiko
05:30 SS4 Basketboll KB për femra: Pozita ¾
05:30 SS1 Dortmund – Bajern
05:30 SS5 Tvente – Groningen
06:30 SS3 PSZH – Nisa
07:00 SS2 Barselona – Majorka
08:00 SS4 Basketboll KB për femra: Finale
08:45 SS1 Inter – Juventus
09:00 SS2 Real Madrid – Deportivo
09:00 SS5 Ren – Tuluz
09:15 SS3 Benfika – Braga
Tring
E shtunë – 25 shtator 2010
01:45 Uigan – Uollvs (Tring Sport)
04:00 Totenhem – Aston Villa (Tring Shqip)
04:00 Sanderlend – Mançester Junajted (Tring Sport)
04:00 Uest Hem – Fulhem (Tring Planet)
04:00 Birmingem – Everton (Tring World)
E diel – 26 shtator 2010
02:30 Mançester Siti – Njukastëll (Tring Sport)
04:00 Liverpul – Bllekpul (Tring Shqip)
05:00 Çelzi – Arsenal (Tring Sport)
Read Full ArticleLuan Morina numëron
10 programet televizive më të suksesshme në sezonin e kaluar
10. Një kafe me Labin – RTV21
Kështu: Labi ndoshta ju shkon nerva. Mirëpo formati i ri i emisionit është treguar mjaftë i suksesshëm. Ai po sjell përvojën nga vise krejt të ndryshme, nga vise që kurrë nuk do të dilnin në televizion. Tani aty po tregohen histori të ndryshme, mjaft interesante nga njerëz të thjeshtë si ne. Edhe sponzori është zgjedhur me mend. Motoja e e emisionit dhe sponzorit po lidhet për bukuri.
Një sukses i Labit, dhe i vetmi i 21-shit këtë sezon.
9. SpitaliKS – KTV
Sezoni i parë ishte ashtu-kështu. Sezoni i dytë ndryshoi tërësisht për të mirë. Arsyeja kryesore është inkuadrimi i Ard Islamit në përgatitjen e skenarit. Gjithashtu roli i tij dhe i motrave të tij ishte një katalizator i suksesit serialit. Së fundmi ardhja e Ryva Kajtazit në rolin e Evës, (gruaja e Hitlerit) ishte “qershia mbi tortë”. Me këtë tempo SpitaliKS ka shumë sezone tjera të suksesshme përpara.
8. Oxygen – RTK
E premta mbrëma nuk është e lehtë për të zgjedhur cilin kanal të shikoni. Megjithatë, Besim Dina, ka vazhduar të mbaj Oxygenin në të njëjtin tempo që ka qenë viteve të kaluara. Mysafirët e tij të veçantë këtë sezon, e kanë bërë të identifikohet si një emision shumë më tepër serioz se emisionet tjera të ngjashme.
7. That’s 70s Show – KTV
Allo Allo, ka qenë seriali më i suksesshëm i transmtuar në këtë termin në KTV ndonjëherë. Megjithatë ai nuk ka qenë i caktuar vetëm për adoleshentët. Me Neighbours KTV, ka hasur pak probleme. Është një serial i gjatë që duhet kohë të njihet me shikuesit.
Megithatë That’s 70s Show, ka rikthyer nivelin e shikueshmërisë së Rebelëve, e ndoshta edhe e ka tejkaluar atë. Ndoshta e mira ka qenë, se ke mundur të shohësh 4 episode radhazi.
6. Milioneri – RTK
Ardhja e Fehmi Feratit në Milioner ka ndryshuar gjithçka. Ai ka sjellur atmosferë më të gjallë, duke e larguar zymtësinë dhe seriozitetin që ka pasur ky shou sezonin e kaluar. Këtë vit shou thjesht ka qenë më i gjallëruar, më i hareshëm. Kemi pasur kohë pas kohe ndonjë shaka me vend. Pse nuk ka fituar askush 50.000 euro nuk ka faj askush.
5. Kujdes nga Engjëlli – KTV
Mariqui është personazhi më me ndikim në televizionin dhe jetën e kosovareve këtë vit. Shumë femra , dhe shtëpiake nuk janë zgjuar në ora 8 të mëgjesit. Por, këtë vit gjërat kanë ndryshuar. Përveç se ka marrë një termin mjaft të mirë për të filluar ditën, KTV, ka detyruar RTV21 që të shfaq serialet e mëngjesit më vonë, dhe me shikueshmëri më të vogël se Mariqui.
4. Rubikon – KTV
Adriatik Kelmendi, është gazetari më i mirë që ka Kosova sot. Cilësitë e tij i dijmë të gjithë ne që e përcjellim çdo të enjte. Është një gazetar i përkryer. I mençur, i qetë, i përgatitur, i ditur, etj. Mysafirët e tij vërtetë kanë qenë në siklet shumë herë. Biles duhet të them se shumë herë është vërejtur se Adriatiku i di gjërat më mirë se mysafirët që ishin përballë tij. E kam fjalën për mysafirë që duhet të ishin ekspert në fushën dhe punën e tyre. Thjeshtë është njeri profesionist, me përvojë, ka pasur përballë njerëzit më me ndikim në politikën ndërkombëtare. Është i zoti. I lumtë.
3. Jeta në Kosovë – RTK
Është emisioni më i mirë informativ në Kosovë për vite. Për dallim nga Rubikoni, shpesh kemi mysafirë të shumtë, pra jo vetëm një. Kemi raporte nga terreni, dhe tema që prekin jetën e njeriut të thjeshtë. Për këtë është emision që të gjithë e duan. Thjesht e duan, e përkrahin, e shikojnë, sepse është në anën e shikuesit. Dhe për të qenë i shikuar duhet të jesh në anën e drejtë.
Më parë ishte ndoshta vetëm Jeta Xharra, por tani ajo ka krijuar një skuadër gazetarësh të zot, profesionist, të cilët kanë bërë një përvojë të lakmueshme. Janë një superskuadër, gardian të zërit të popullit.
2. Interaktiv – KTV
Emisioni i ri më i suksesshëm këtë vit. Askush nuk e ka pritur një sukses të tillë, por emisioni i udhëhequr nga Xhemajl Rexha, që është duke u bërë figura kryesore në deskun informativ në KTV, për një kohë të shkurtër, ka shpërthyer këtë vit. Rubrikat si ikoha, dhe mysafiri në studio kanë ndikuar në shikueshmëri edhe më të madhe. Vetë struktura e emisionit është e ndërtuar në atë mënyrë që përmbushë kërkesat e çdo moshe të shikuesve.
KTV mund të krenohet me punën që kanë bërë me Interaktiv.
1. Kafeneja Jonë – RTK
Padyshim Kafeneja vazhdon të mbetet emisioni më i shikuar në Kosovë. Me këtë tempo ata do të vazhdojnë të jenë emisioni më i shikuar në televizion. Ilir Bokshi dhe Astrit Kabashi kanë bërë një punë fantastike këtë sezon. Mungesa e Labinotit është mbuluar shumë mirë me futjen e karaktereve epizodike të cilat i kanë dhënë një shtytje serialit. Për të vërejtur se sa ndikim ka ky serial në popullin tonë dy-milionësh dëshmon e famshmja (të cilën e urrej personalisht) “flej, flej”. Gjithashtu kemi parë më shumë nga Muharremi, me ardhjen e Fifit. Ka munguar edhe Saranda, por edhe ajo është mbuluar nga personazhet episodike.
Sidoqoftë, Kafeneja Jonë ka mbetur seriali më i shikuar në televizionet kosovar, dhe është një gjë që nuk mund të fillojmë javën pa të.
Luan Morina
luan.morina@telekomanda.com
Read Full Article
Nga krijuesit e “Guri i tretë nga dielli” vjen edhe një serial komik i nivelit më të lartë. Tani do të kthehemi në vitet e ‘70ta. Janë gjashtë shokë në vitet e tyre të adoleshencës. Seriali shtjellon çështjet shoqërore të viteve të ‘70ta si feminizmidhe dhe sjelljet e e Gjeneratës më të Madhe, recesionin ekonomik, mosbesimin në qeverinë amerikane, drogën tek të rinjtë, dhe përparimin e teknologjisë argëtuese duke filluar nda loja Pong.
Karakteret e serialit janë Eriku, protagonisti kryesor i serialit; Dona, fqinja, e pëlqyera e tij, dhe një feministe; Stiveni, shoku më i mirë i Erikut dhe një përdorues droge me probleme familjare; Majkëlli, një djalosh i vajzave që shpesh thirret sipas mbiemrit, Kelso; Xheki, një tifoze e shkollës e preokupuar me pasurinë dhe statusin shoqërore; si dhe Fezi, një i huaj pervers nga një vend që kurrë nuk është identifikuar. Ngjarja ndodh në Point Place, në shtetin Viskonsin, në periudhën maj 1976 – 31 dhjetor 1979.
Këto karaktere portetizohen nga Topher Grace, Mila Kunis, Ashton Kutcher, Danny Masterson, Laura Prepton, dhe Wilmer Valderama.
Seriali ka 200 epizode 22 minutëshe, ndërsa në vende tjera identifikohet edhe si “’70tat – Vitet e çmendura”.
Seriali do të shfaqet çdo ditë nga e hëna deri të premten në ora 17:30, në KTV.
Duke filluar nga sonte në Kohavision, çdo mbrëmje mund të ndiqni serialin mjaft të popullarizuar turk, Kurtlar Vadisi (Lugina e ujqërve). Më ndryshe nga dy serialet e kaluara ky serial nuk bazohet kryesisht në storie dashurie. Seriali përqëndrohet më shumë në mafian turke. Pollati është një agjent i shërbimit sekret turk i cili infiltrohet në mafian turke duke u ngritur deri në pozitën e liderit të tyre.
Së bashku me Sylejman Çakërin, një mafioz i respektuar në mafian turke, Pollati synon të futet në Këshillin e Ujqërve që kontrollon organizatën nëntokësore të drejtuar nga Baroni, që është Mehmet Karanili. Aventurën e Pollat Alemdarit do ta ndiqni në 98 episodet që do të transmetohen katër herë në javë, nga e hëna deri të enjten në Kohavision në ora 21:00.
Filmi është prodhim i regjisorit Osman Sinav, të njohur tek ne me serialin “Aci Hayat”, ndërsa në kastin e aktorëve bëjnë pjesë aktor të rinj për publikun tonë si Necati Shashmaz, Kenan Çoban, Gyrkan Ujgun etj.
Seriali përfshinë shumë skena dhune si luftime, vrasje dhe tortura. Për këtë vazhdimi i dytë i serialit, është ndërprerë pas vetëm një episodi. Më vonë vazhdimi tjetër, Lugina e ujqërve: Pusia, ka pasur një sukses të jashtëzakonshëm në Turqi, ku akoma vazhdon të shfaqet në kanalin Show TV. Lugina e uqjërve është realizuar edhe në film. Filmi Lugina e ujqërve: Irak, ka arritur një sukses të madh si në Turqi ashtu edhe në Evropë, kryesisht për shkak të pikëpamjeve anti-amerikane, dhe anti-semitike.
Insert nga episodi i parë