Telekomanda » Familja Moderne

TV Kolumna Ditore – E hënë, 21 shkurt 2011

Luan Morina — Mon, 21 Feb 2011 08:05:48 +0000

Të premten ishte radha për serialin e dytë të ri në RTK. Shtëpia ime serial i bazuar në storien e fëmijëve të një shtëpie korrektuese nëse nuk gaboj. Një kast i ri aktorësh, mysafirë special, shumë fëmijë. Ishte vetëm episodi i parë dhe nuk di çfarë të them më shumë, le të shohim edhe disa episoda dhe më pas shohim se në çfarë destinacioni shkon. In&Out ishte emision i ri pas debatit. Emision solid, temë interesante. Pa Oxygen të premten do të jetë vështirë të adaptohen shikuesit, por më vjen mirë që RTK po vendos programe origjinale pasditeve të fundjavës. Me Shpija2 që mbaron javën e ardhshme e premta kosovare po i afrohet asaj shqiptare, me mungesë të emisioneve shumë të ndjekura, tashti pasi edhe Oxygen është larguar. Shpija2 është futur në javën e fundit, dhe të dielën shikova edhe përmbledhjen ditore. Pashë që akoma në shtëpi është Buci, njëri ndër favoritët e mi, edhe pse nuk e kam shikuar aq shumë, por ka qenë favoriti im që nga dita e parë dhe uroj të fitoj. Qopa dhe Ari janë ata që preferoj më pak se anëtarët e tjerë në këtë shtëpi. Nuk më pëlqen stili i tyre. RTV21 debatoi për buxhetin, ndërsa Rewind në Top Channel ishte solid për mendimin tim. Jo sikur Blue Jeans i mëhershëm, pak më ndryshe por jo më mirë se Blue Jeans. Më vjen mirë që ata garues të Etheve janë kthyer në ekran. VizionPlus pati Zonë e lirë, ndërsa Klan TV emisionin Njerëz të humbur. Nuk pata shumë kohë të shoh edhe ato, sidoqoftë nuk janë ndër emisionet e mija të preferuara, por kanë një shikueshmëri të mirë me sa di, sidomos në Shqipëri.

Të shtunën ishte seriali i fundit i ri i RTK-së, Qyteti pa lum. Nga të tre, ishte ai që më pëlqeu më së paku. Tema është aktuale, është reale dhe deri diku me vend, por është ky realiteti i errët të cilin nuk do ta doja ta shihja edhe në TV. Megjithatë, përsëri ishte vetëm episodi i parë dhe është herët për vlerësime. Megjithatë seriali Lagjja e re mendoj që ishte më e mira nga të trija. Ndoshta fakti që Naser Rafuna është në kastin e rregullt, dhe roli i tij ngjan me atë të Ganiut sado pak. Ajo që më habiti në serialin Lagjja e re ishte Driada Matoshi. Është një aktore shumë e mirë, nuk dyshoj në aftësitë e saja, por, ishte paksa si të them, e pazakonshme që Driadën e shohim si bashkëshorten 40 vjeçare në Familja Moderne, vajzën e lazdruar qytetare në Lagjja e re, dhe vajzën e trazuar adoleshente në Shtëpia ime. Do të më duhet pak kohë të përshtatem të shoh atë në rolin e tanishëm, por sidoqoftë mendoj që do të ishte më mirë sikur në Lagjja e re të luante rolin e motrës së re të Ilire Vincas pasi që përngjajnë shumë, dhe nuk dallojnë shumë në moshë, sa di unë. Megjithatë le të presim të shohim episodet tjera. KTV të shtunën pati dy ndeshje futbolli nga liga spanjolle që mendoj që është bërë jointeresante tashmë në bazë të renditjes. RTV21 pati dy filma, dhe do të ketë një të shtunë të ngjashme deri kur të rikthehet Unë jam Top-Model që nuk është ndër emisionet e pëlqyera nga unë, por megjithatë sjell më shumë shikueshmëri se sa filmat artistik. Top Channel transmetoi Big Brother4, ndërsa Këngët e shekullit ishiin në Klan TV. V+ transmetoi Ghost Whisperer, pas Mos e beso po deshe.

Të dielen ishte episodi i 300të i Familjes Moderne. Asgjë e veçantë pos përmendjes së numrit 300. Një rekord impresionues dhe nuk di se sa do të zgjatë por ndoshta më mirë do të ishte të bëhej ndonjë spin-off i këtij seriali pasi skenari tashti vetëm sa po shkon duke u pështjellur dhe i bërë në disa raste edhe i pakuptimtë. Sidoqoftë Familja Moderne do të mbetet si seriali i parë në Kosovën e pasluftës dhe identiteti i televizioneve kosovare. Kam deklaruar disa herë që kohëve të fundit ka filluar të humb shijen, por megjithatë janë disa karaktere që vazhdojnë ta mbajnë këtë serial gjallë, si daja Skënder i portretizuar nga Luan Jaha. Sidoqoftë urime për Familje Moderne dhe shumë suksese në të ardhmen. KTV pati ligën spanjolle që për çudi doli të jetë një pjesë e dytë interesante në mes të Barselonës dhe Bilbaos. RTV21 pati Twin Peaks, ndërsa kanalet shqiptare filma artistik, dhe Histori me zhurmues pas Heronjëve në Klan TV. Gjatë ditës ishte Oxygen në orarin e ri në RTK. Një episod tejet interesant, ku shkëlqeu edhe një herë Besim Dina. Ishte i shkëlqyeshëm, ndoshta për faktin që më argëtuese ishte edhe ardhja e Halil Budakovës i cili ishte objekt i shakave të tija të zakonshme. As kuizi nuk ishte i nivelit më të ultë e as mysafiri i parë Ahmet Shala. Oxygen do të funksionojë për mrekulli të dielave pasdite tek shikuesit e vjetër, por për të rinjtë do të ketë pak vështirë pasi shkon kundër Serie A, dhe është e diel pasdite dhe nuk shihet aq televizor sa të premtave. Sido që të jetë emisioni i djeshëm ishte fantastik.

Sot është skema e zakonshme e të hënës. Në RTK kemi Kafeneja jonë dhe më pas Milioneri që transmetohet edhe në Klan TV. Më herët Klan TV transmeton kuizin Kutia ndërsa më pas në program është Opinion. KTV transmeton koncertin e Nicole Henry. Ndërsa në ora 22:00 rikthehet programi i vetëm për basketbollin në Kosovë, Asist me Agon Fehmiun. Top Channel transmeton emisionin Shqip, dhe pas orës 23:00, Proçesin Sportiv, ndërsa Vizion Plus transmeton Bypass Show dhe Zonë e ndaluar.

Në Film Autor në ora 21:30, mund të shihni filmin Inglorious Basterds në regji të Quentin Tarantinos, me Brad Pitt e Christopher Waltz ndër rolet kryesore. Ndërsa në Film Dramë në ora 23:30 shfaqet filmi Elizabeta I me Cate Blanchett në rolin kryesor. Në 3Plus në ora 20:00 mund të shihni komedinë BarKafe.

Në EuroSport sot fillon WTA turneu nga Doha, ku pritet të marrin pjesë tenistet më të njohura në botë. Në ora 17:55 mund të shihni Eurogoals, ndërsa më pas në ora 18:30, në program është emisioni Champions Club që bën një përmbledhje të ngjarjeve futbollistike të fundjavës me analiza speciale nga Arsene Wenger. Mysafir në emisionin One to One sonte do të jetë mesfushori i Barcelonës, Xavi Hernandez. One to One fillon në ora 19:30. Ngjarjet më komike sportive mund ti shihni në WATTS që fillon në ora 20:45, ndërsa më pas si zakonisht të hënave do të ketë mundje amerikane, Wrestling.

Nga ora 12:00 në SuperSport1 mund të shihni përmbledhjet e kampionateve kombëtare, ndërsa në mbrëmje në program janë emsionet Zona Gol dhe Zoom.

E hënë – 21 shkurt 2011

RTK

20:20 Serial: Kafeneja jonë ep.231

21:00 Milioneri

22:00 Subvencion

23:00 Lajme

23:15 Pa Skenar

KTV

20:15 Koncert: Nicole Henry

21:15 Serial: Binbir Gece

22:00 Asist

22:30 Koha për gola

23:00 Interaktiv

RTV21

20:05 Serial: Nën hijen e blinajave

21:20 Paleta muzikore

22:00 21 Minuta

22:45 Serial: Wildfire

——————–

TV Klan

20:05 Kutia

21:00 Kush do të bëhet milioner

22:00 Lajme

22:30 Opinion

Top Channel

20:15 Fiks Fare

21:00 Shqip

22:30 Lajme

23:05 Procesi Sportiv

Vizion Plus

19:40 Dokumentar: Azia dhe Afrika

20:00 Tereza – telenovelë

21:00 Bypass Show

22:00 Zonë e ndaluar

23:00 Lajme

23:30 Film

Artikuj te ngjashem

TV Kolumna Ditore – E premte, 19 nëntor 2010

Luan Morina — Fri, 19 Nov 2010 13:04:44 +0000

Mbrëmë ishte një natë që prishi zakonin e të enjtave. Në RTV21 kishim një mbrëmje plotë me emisione muzikore, ndërsa në Klan TV filloi Kënga Magjike që kisha harruar ta përmendja në TV Kolumnen Ditore të ditës së djeshme. Shumë veta kanë shikuar Albin Kurtit në Rubikon në një intervistë goxha të mirë të udhëhequr nga Adriatik Kelmendi. SpitaliKS ka filluar të bëhet më shumë si një reklamë se sa serial dhe kjo nuk po më pëlqen. Sidomos në episodin e kaluar kur në një rrëmbim në spital flisnin për floktoret! Kjo është absurde dhe askujt nuk i pëlqen. Për herë të parë shikova edhe Projeksionin. Ishte interesant por nuk besoj se do të ngreh një shikueshmëri të lartë, pos atyre që merren më shumë me filmin.

Tani ti kthehemi fundjavës. Klan TV dhe TV21 do të transmetojnë Kënga Magjike në dy netët e ardhshme. Skandali i fundit me këngëtarët kosovar ndoshta do të ndikojë që ky edicion të shikohet edhe më shumë pasi që shumica e mediave kanë raportuar këtë lajm duke bërë një bujë në mediat kosovare. Sidoqoftë unë nuk do të jem njëri nga ata që do të shikoj Këngën Magjike. Në bazë të të dhënave në uebfaqen e TV Klan, të dielën do të transmetohet emisioni Këngët e Shekullit dhe seriali House. Nuk besoj se kjo informatë është e saktë, pasi ato zakonisht transmetohen të shtunën, dhe mendoj që bëhet fjalë për një gabim teknik në uebfaqe. Katër netë radhazi spektakle muzikore në TV Klan është e tepërt. Top Channel të premten transmeton Albanians Got Talent, të shtunën javëve të fundit kanë sjellur nga një film modern shqiptar, të njëjtën pres edhe këtë javë, ndërsa të dielën si zakonisht është Portokalli. Në Vizion Plus e premta është e rezervuar për Arjan Çanin dhe Zonën e Lirë, të shtunën ka film artistik, ndërsa të dielën në program është Apartamenti 2XL.

Ti kthehemi kanaleve kosovare. RTK sonte transmeton debat dhe më pas Oxygen që ka filluar të mos iu pëlqej njerëzve me këtë formatin e ri për shkak të kuizit shumë të gjatë. Besim Dina gjithnjë më i pëlqyer ka qenë në intervistat e tij se sa në kuizin. E shtuna nuk është e përcaktuar saktësisht. E vetmja gjë që dihet këtë ditë është transmetimi i emisionit Pa Rrotlla në ora 11:15 në mbrëmje. Sipas uebfaqes së RTK-së këtë të shtunë në program do të ketë koncert humanitar. Përndryshe, e shtuna është e rezervuar për emisionin Evropa më afër, dhe një dokumentar. E diela i dedikohet Familjes Moderne, dhe emisionit Drejtësia në Kosovë.

TV21 përmenda që edhe të premten edhe të shtunën do të transmetoj Këngën Magjike. Kjo do të mërzis ata që shikojnë Nën hijen e blinajave dhe Unë jam Top Model. E diela rikthehet me Twin Peaks dhe dokumentar.

KTV për herë të fundit këtë vit të premteve do të transmetoj film në orarin e parë të TV (prime-time). Dhe nuk është çfarëdo filmi, është vazhdimi i fundit i superheroit Betmen, Kalorësi i Errët (The Dark Knight). Filmi është bërë shumë i njohur pasi kishte debutuar pak kohë pas vdekjes së yllit kryesor të filmit, Heath Ledger që luan rolin e Xhokerit. Është një film shumë i mirë dhe shumë i pëlqyer nga të rinjtë në vendin tonë. Duke patur parasysh edhe emisionet në kanalet tjera, unë mendoj që do të jetë më i shikuari dhe atë bindshëm.

Të shtunën, KTV transmeton dy ndeshje futbolli nga liga spanjolle, ndeshjet e Barselonës dhe Realit të Madridit. Në mesnatë shfaqet filmi Trainspotting. Edhe e diela mbrëma do të jetë e mbushur me futboll në KTV, por me ndeshje jo aq interesante sa të shtunën.

Gjatë ditës në kanalet kombëtare për këtë fundjavë veçoj këto emisione. Të dielën në RTK në mesditë mund të shihni filmin e animuar shumë qesharak Madagascar. Është një argëtim jo vetëm për fëmijët por edhe për të rriturit. Mysafire e Express Day këtë javë është këngatarja Kaltrina Selimi. Ndërsa në TV21 kemi emisionet e përjavshme Rendez-Vous dhe RelaX.

Pas ndeshjeve të kombëtareve në mesjavë këtë fundjavë vazhdojnë kampionatet kombëtare në futboll si dhe disa ngjarje tjera sportive interesante. Në ESPN Classic të dielën në ora 10 në mbrëmje mund të ndiqni dokumentarin vijues në serin 30For30, The 16th Man që flet për historinë e presidentin jug-afrikan Nelson Mandela i cili me anë të sportit të ragbit ka arritur të kapërcejë barrierat e racizmit në këtë shtet. Sezona në futbollin amerikan ka filluar të arrij në majat e ngazëllimit, ndërsa këtë javë ESPN America transmeton 4 ndeshje. Të dielën në ora 7 pasdite transmetohet ndeshja Pitsburg – Okland, në ora 10 pasdite ndeshja Nju Inglënd – Indianapolis, dhe në ora 1 pas mesnate Filadelfia – Nju Jork. Të hënën pas mesnate, të martën në mëngjes në ora 2 transmetohet ndeshja San Diego – Denver. As basketbolli nuk do të mungoj këtë javë. NBA TV transmeton këto ndeshje: të shtunën në ora 2 në mëngjes, Minesota – LA Lejkers; të dielën në ora 2:30 në mëngjes Miluoki – Oklahoma Siti.

Nga ndeshjet më interesante në futboll këtë fundjavë që mund ti shihni të lira në satelit veçoj: të shtunën, CSKA – Spartak Moskë (12, ORT); Arsenal – Totenhem (1:45, Idman TV); Shalke – Verder (3:30, Dubai Sports 1; TRT Spor); Shefilld Junajted – Kristal Palas (6:20, Sport Italia); Leverkuzen – Bajern (6:30, Dubai Sports 1; TRT Spor); Tuluz – Marsej (7:00, TV5 Monde); Almeria – Barselona (8, Idman TV, NTV Spor); Milan – Fiorentina (8:45, TV8); Nisa – Monpelje (9, Kanal A); Real Madrid – Bilbao (10, Idman TV; NTV Spor).

Të dielën transmetohen këto ndeshje: Gjenova – Juventus (12:30, TV8); Bllekburn – Aston Villa (2:30, Idman TV); Kievo – Inter (3, TV8); Shtutgart – Këln (3:30, Dubai Sports 1; TRT Spor); Fulhem – Mançester Siti (5, Idman TV); Lil – Monako (5, Kanal A); St. Pauli – Uolfsburg (5:30, Dubai Sports 1, TRT Spor); Olimpiakos – PAOK (6:30, ERT World); Lens – Lion (9, Kanal A, Sport Italia2).

Të dielën në Londër fillon ATP turneu final në tenis për këtë vit ku do të marrin pjesë 8 tenistët më të mirë të këtij viti. SuperSport transmeton ndeshjet.

E premte – 19 nëntor 2010

RTK

08:30 Debat

10:00 Oxygen

11:00 Lajme

KTV

08:00 Film: The Dark Knight

RTV21

08:00 Ihlamurlar Altinda

09:20 Standardi ynë

TV Klan

08:15 Kënga Magjike 2010 nata 2 gjysmëfinale

11:00 Lajme

11:35 Seksi dhe Qyteti – ep.62

Top Channel

08:05 Fiks Fare

08:45 Albanians Got Talent – Ep.6

Alsat

08:00 Lajmet

09:00 Dossier

Vizion Plus

07:50 Telenovelë – Një grua e hekurt

09:00 Zonë e lirë

——————–

E shtunë – 20 nëntor 2010

RTK

08:20 Koncert humanitar

11:25 Pa rrotlla

KTV

08:00 Liga spanjolle: Almeria – Barselona

10:00 Liga spanjolle: Real Madrid – Atletik Bilbao

11:50 Film: Trainspotting

RTV21

08:00 Kënga Magjike – nata finale

10:00 21 Minuta

10:40 Kreatori më i mirë shqipëtar

TV Klan

08:15 Kënga Magjike 2010 nata finale

11:00 Lajme

11:35 Californication ep.13

Top Channel

08:15 Komuna e Parisit (R)

08:45 Film

Alsat

08:00 Lajmet

08:30 Shpirtra të lirë

10:30 Skaner kampionat

Vizion Plus

07:35 Heroi i shpikjes

08:10 Mos e beso po deshe

09:00 Film

——————–

E diel – 21 nëntor 2010

RTK

08:10 Familja Moderne – serial

09:05 Drejtësia në Kosovë

10:00 AS

11:00 Lajme

KTV

07:00 Liga spanjolle: Sevila – Majorka

09:00 Liga spanjolle: Sosiedad – Atletiko Madrid

11:00 Lajmet

11:15 Sporti Total

RTV21

08:00 Twin Peaks – serial

09:20 Dokumentar

10:00 21 Minuta

10:30 2 me 1

TV Klan

08:05 House ep. 38

08:45 Këngët e Shekullit – nata 6

Top Channel

08:15 Exclusive

08:45 Portokalli

Alsat

08:00 Lajmet

09:00 Itinerar

10:30 Takim eksluziv

Vizion Plus

07:50 Kamera të fshehta

08:45 Aparamenti 2XL

10:30 Film: Gjithçka Dua

Programi i javës në SuperSport:

Artikuj te ngjashem

TV Kolumna Ditore – E hënë, 01 nëntor 2010

Luan Morina — Mon, 01 Nov 2010 08:21:54 +0000

Tani do të bëjë një përmbledhje tri ditore TV. Të premten Oxygen në KTV ishte mjaft interesant. Kohëve të fundit Besim Dina po fton mysafirë që sjellin shikueshmëri. Albin Kurti nuk ishte para shumë kohe, dhe këtë javë ishte Jeta Xharra. Vërtetë po bëhet një shou shumë i mirë kohëve të fundit, megjithëse pjesa e kuizit po merr shumë kohë, dhe sigurisht ka shumë shikues që shkojnë në gjumë pasi për shkak të debatit, kuizi po fillon afër mesnatës. Sidoqoftë pjesa më e mirë e shout po bëhet biseda me mysafirë.

One Tree Hill është një serial që do të ketë shumë sukses tek audienca e re. E kam thënë para shumë kohë, dhe gjatë verës ka qenë vërtetë një serial i shikuar. Nuk di tashti pasi ka filluar sezoni shkollor, por megjithatë është një termin jo i keq. Problem është se po sfidohet nga Oxygen, dhe të jemi real nëse një familje shikon bashkë TV do të zgjedhin Oxygen para One Tree Hill. Sidoqoftë unë shikova epizodin e kaluar dhe ishte mbresëlënës. Do të vazhdoj ta shikoj përsëri, nëse jo origjinalin, atëherë reprizën të hënën në ora 4.

Gjatë fundjavës pasditja është bërë e mërzitshme. Sidomos kur reprizohen debatet! Një fakt i mirë për RTK është se transmetuan ndeshjen e kampionatit të Kosovës në volejboll. Sigurisht që nuk mund të zëvëndësojë Premier Ligën angleze, por është shumë më e shikuar se reprizat e debateve. Do të ishte shumë mirë nga ana e RTK, pasi është transmetuesi publik të transmetoj më shumë ngjarje sportive vendore, ndoshta do të ndikonte në rritjen e numrit të sportistëve.

Po mungojnë emisionet origjinale pasditave të fundjavës. Express Day të dielën më duket se ka mbetur i vetmi emision origjinal. Edhe KTV po transmeton repriza, por më pak se RTK, dhe gjithashtu ka më shumë emisione origjinale. TV21 po transmeton seriale të dorës së dytë, ashtu sikurse filmat. Cilësia e filmave dhe seriale në TV21 gjithnjë ka qenë jo e mirë. Dua të them janë disa seriale dhe filma që vështirë mund ti gjesh në transmetim ndokund. Filmat janë klasik, mund të shihen në TCM, por nuk di sa interesim zgjojnë tek shikuesit.

Të shtunën në mbrëmje personalisht shikova derbin Milan – Juventus. Ishte hera e fundit që e shikova në SuperSport dhe nën komentimin e Shakohoxhës. Nuk ka gjë të keqe Shako, por po humb paanshmërinë gjatë komentimit. Për më tepër, ekrani i SuperSport akoma është 4/3 të tmerrshme. Nuk mundohen as ta ngushtojnë 16/9 në 4/3. E gjithë kjo për të na shtyrë për të blerë Kaon HD. S’do të ndodh tek unë.

E diela ishte ndoshta natë e frikës, e shtrigave, por unë jam kënaqur duke qeshur. Ka qenë hera e parë në vite që Familja Moderne më bëri të qesh. Nuk e kam vërejtur më parë, më duket se mbrëmë ishte hera e parë që kishin ndryshuar intron. Por, edhe ngjarjet gjatë tërë epizodit kanë qenë komike. Akoma ka pak banalitet, dhe ndoshta situata jo shumë komike, por, epizodi i mbrëmshëm për mua është një shenjë ringjalljeje e Familjes Moderne. E di që e kam kritikuar shumë kohëve të fundit, por Visare Aliu me epizodin e mbrëmshëm ka bërë një punë të shkëlqyeshme.

Dhe për fund, Apartamenti 2XL. Ata djem nuk janë në terezi! Mund të alivanosesh duke qeshur me ata. Epizodi i mbrëmshëm dedikuar Halloween ishte fantastik. FANTASTIK! I lumtë Turjan Hyskos për këtë mjeshtri si dhe Gentianit, Julianit, dhe Ermalit. Po bëjnë të dielën parajsë për të gjithë shqiptarët.

Nuk ja vlen të krahasohen me Portokalli apo diç tjetër. Janë special.

Sonte në RTK kemi Kafeneja jonë dhe Milioneri. Më pas në program është emisioni për ekonomi Subvencion, dhe emisioni Pa Skenar. KTV transmeton Bursën e Kosovës në ora 8, ndërsa Asist në ora 10. TV21 transmeton Kabare me mysafirë Sabri Fejzullahun.

Në Vizion Plus kemi Bypass Show, dhe Zonë e ndaluar. Në Klan transmetohet Kutia dhe EuroKlan. Në Top Channel në ora 9 transmetohet Shqip me Rudina Xhunga.

TV Kolumna Ditore përgatitet nga Luan Morina

E hënë – 02 nëntor 2010

RTK

08:20 Kafeneja Jonë

09:00 Kush do të bëhet milioner

10:00 Subvencion

11:00 Blic

11:15 Pa Skenar

KTV

08:00 Bursa e Kosovës

09:00 Joshje Magjike

10:00 Asist

10:45 Koha për gola

RTV21

08:00 Kabare – Variete Prishtina

——————–

TV Klan

08:00 Kutia

09:00 EuroKlan

Top Channel

08:15 Fiks Fare

09:00 Shqip

Alsat

08:00 Lajmet

09:00 Kontrast

Vizion Plus

07:40 Një grua e hekurt – telenovelë

08:50 Bypass Show

10:00 Zonë e ndaluar

Artikuj te ngjashem

TV Kolumna Ditore – E premte, 29 tetor 2010

Luan Morina — Fri, 29 Oct 2010 09:11:55 +0000

Mbrëmë ishte një natë televizive përplot debate. Kulminacioni u arrit në intervistën e Bujar Bukoshit në Interaktiv. Kanë nisur të teprohen këto debate dhe e gjithë kjo politikë, por ndoshta situata e tanishme politike në vend e bën këtë. Të gjithë shpresojmë se sa më shpejt të mbaroj e tërë kjo. Megjithatë kishte edhe disa anë argëtuese në TV mbrëmë. ishte Zëra e hite ndër vite në 21, dhe SpitaliKS në KTV. Shumë prej neve ndoshta nuk kanë mundur të shikojnë shumë TV, falë KEK-ut, por është faji ynë që lejojmë kësi lloj torturash mbinjerëzore në shekullin XXI.

Sonte sipas të gjitha gjasave nuk do të kem rrymë në prime-time, 8-10, por nuk ka shumë çka interesante. Në KTV transmetohet filmi Legjenda e vjeshtës, më pas është episodi i 38 i One Tree Hill që kthehet pas dy javëve. Oxygen fillon në ora 10, dhe do të zgjat deri pas mesnate sipas skemës së RTK-së. TV21 mbyll javën me emisionin Standardi ynë, dhe serialet e zakonshme.

Në Klan kemi një edicion të shkurtuar të Njerëz të humbur. Për çudi zgjat vetëm 2 orë e gjysëm (më herët zgjaste deri 4 orë), pas Kutisë. Top Channel transmeton natën e tretë të Albanians Got Talent. Ndërsa e premta në Vizion Plus është rezervuar për Arjan Çanin dhe Zonën e tij të Lirë.

Të shtunën KTV transmeton ndeshjet e gjigantëve të futbollit spanjoll duke filluar në ora 8. Në ora 7.30, pas Lajmeve, në emisionin Automen testohet vetura Audi A8. Më herët pasdite mund të ndiqni filmin Lorenci i Arabisë.

Në RTK në mbrëmje transmetohet Evropa më afër, më pas është Telekino. TV21 transmeton Unë jam Top Model, dhe pas lajmeve filmi Rugged Gold.

Top Channel transmeton Me&You, ndërsa Klan, Këngët e Shekullit. Vizion Plus transmeton film artistik.

Të dielën RTK ndryshon skemën paksa. Në ora 8, transmetohet emisioni në lidhje me 10 vjetorin e Filarmonisë së Kosovës. Më pas është seriali Familja Moderne, dhe emisioni për film, Projeksion. AS do të filloj në ora 11.15, pas lajmeve Blic.

TV21, do të transmetoj Miss Kosova në ora 8, ndërsa 2 me 1, vjen në terminin e zakonshëm, 10.30

KTV, në ora 7:35, shfaq emisionin Një moto për foto, dhe në ora 8:10, Taxi Show. Ndeshja e vetme që do të transmetohet të dielën është Bilbao – Getafe që fillon në ora 9. Gjatë ditës, në ora 12:45, në KTV mund të ndiqni një film mjaft të mirë, Jersey Girl.

Nga ngjarjet sportive në kabllor dhe satelitor veçoj këto ndeshje që mund të ju intersojnë:

Të premten: Bajern – Frajburg (8.45, DubaiSports1, TRTSpor), Gjenova – Inter (8:45, TV8 Turqi);

Të shtunën: Volfsburg – Shtutgart (3:30, TRT Spor), Valensia – Saragosa (6, NTV Spor), Barnslli – Hall (6:20, Sport Italia), Shalke – Leverkuzen (6:30, TRT Spor), Lion – Sosho (7, TV5 Monde), Internasional – Santos (8, Al Jazeera Sport 1), Milan – Juventus (8:45, TV8 Turqi, Joy Sport, Iran TV3), PSV – Twente (8:45, Beyaz TV), Marsej – Ren (9, Kanal A, Sport Italia 2), Akademika – Porto (10:15, RTP Int).

Të dielen: Palermo – Lacio (12:30, TV8), Çezena – Sampdoria (3, TV8), Mainc – Dortmund (3:30, TRT Spor), Atletiko – Almeria (7, NTV Spor).

Frekuencat e kanaleve mund ti gjeni në uebfaqen KingofSat.

Shumica nga këto ndeshje dhe ndeshje tjera transmetohen në Digitalb dhe Tring.

Gjatë fundjavës zhvillohen ndeshjet gjysmëfinale dhe finalja e kampionatit botëror për femra në tenis, WTA turneut në Doha. Gjysmëfinalet zhvillohen të shtunën në ora 4:30, ndërsa finalja të dielën në të njëjtën kohë.

TV Kolumna Ditore përgatitet nga Luan Morina.

E premte – 29 tetor 2010

RTK

08:20 Debat

09:50 Oxygen

KTV

08:00 Film: Legend of the Fall

10:00 Serial: One Tree Hill ep.38

11:00 Interaktiv

RTV21

08:00 Ihlamurlar Altinda

09:20 Standardi ynë

10:40 India

TV Klan

08:05 Kutia

09:00 Njerëz të humbur

11:00 Lajme

11:35 Film: Kontesha e Kastiljoneve

Top Channel

08:05 Fiks Fare

08:45 Albanian’s Got Talent

10:30 Lajme

11:05 Serial: Tuneli i Lirisë

Alsat

08:00 Lajmet

09:00 Dossier

Vizion Plus

07:50 Telenovelë – Një grua e hekurt

09:00 Zonë e lirë

——————–

E shtunë – 30 tetor 2010

RTK

08:25 Evropa më afër

10:00 Telekino

10:35 Dokumentar: Luftë për jetën

KTV

07:30 Automen

08:00 Futboll: Herkules – Real Madrid

10:00 Futboll: Barselona – Sevija

12:00 Film: Lost in Translation

RTV21

08:00 Unë jam top model

10:00 21 Minuta

10:40 Film: Rugged Gold

TV Klan

08:05 House MD ep.35

09:00 Këngët e Shekullit – nata 3 Live

11:00 Lajme

11:30 Serial: Seksi dhe qyteti ep.56

Top Channel

08:15 Komuna e Parisit ep.19 (R)

08:45 Program muzikor: Me and You

Alsat

08:00 Lajmet

08:30 Shpirtra të lirë

10:30 Skaner kampionat

Vizion Plus

07:35 Çudira shqiptare

08:10 Mos e beso po deshe

09:00 Film

——————–

E diel – 31 tetor 2010

RTK

08:05 10 vjetori i Filarmonisë së Kosovës

08:55 Familja Moderne – serial

09:30 Projeksion

11:00 Blic

11:15 AS

KTV

07:00 Lajme

07:30 Një moto për foto

08:10 Taxi Show

09:00 Futboll: Bilbao – Getafe

11:00 Lajmet

11:15 Sporti Total

00:00 Film: Dhuntia

RTV21

08:00 Twin Peaks – serial

10:00 21 Minuta

10:30 2 me 1

TV Klan

08:05 Cane ep.11

09:10 Histori me zhurmues

11:00 Lajme

11:30 Serial: Seksi dhe qyteti ep.57

Top Channel

08:15 Exclusive

08:45 Portokalli

Alsat

08:00 Lajmet

09:00 Itinerar

10:30 Takim eksluziv

Vizion Plus

07:50 Kamera të fshehta

08:45 Aparamenti 2XL

10:15 Film

Artikuj te ngjashem

TV Kolumna Ditore – E hënë, 25 tetor 2010

Luan Morina — Mon, 25 Oct 2010 07:17:09 +0000

Amadeus ishte shumë i gjatë të premten, por edhe mjaft interesante. Nejse 3 orë të qëndroj pa ndryshuar kanalin është pak e vështirë për mua. Në RTK debat, si zakonisht, dhe më pas Oxygen, i cili po është mjaft argëtues, por më shumë është kthyer në një emision kuizi se sa argëtues dhe personalisht mua nuk po më pëlqen, ashtu si shumë shikuesve besoj. TV21, kishte serialet e përnatshme. E edhe ndeshja Hamburg – Bajern nuk ishte ndonjë ndeshje kushedi sa cilësore. Ndërsa kurseva veten nga një e premte nervozizmi, duke mos shikuar Albanian’s Got Talent.

Të shtunën mbrëmjen e dominioi Këngët e Shekullit. Ishte zgjidhja ime e parë për shumë arsye. RTK kishte debat, TV21 transmetonte Unë jam Top Model, ndërsa Reali shënoi shumë gola qysh në pjesën e parë, dhe ishte e mërzitshme të shikoja atë ndeshje. Nuk besoj se ndonjë tifoz tjetër pos ata të Realit do ta kenë shikuar atë ndeshje, ose çfarëdo ndeshje kur jepen aq shumë gola. Me&You nuk më pëlqeu shumë atë natë, së paku jo më shumë se Këngët e Shekullit. Ishte një emision shumë i mirë, dhe i qëlluar, ndoshta për një demografi më të vjetër se unë, por sidoqoftë edhe unë u kënaqa me ato paraqitje që ishin atë natë.

Edhe e diela më mbajti para ekraneve të televizioneve shqiptare. Apartamenti 2XL ishte fantastik. Treshja Gentiani, Juliani dhe Ermali, po dijnë si të argëtojnë shikuesit jo vetëm në Shqipëri. Për mua padyshim është zgjedhja e parë të dielën para Portokalli dhe të tjerave. Për shumë arsye ndodh kjo. E para humori nuk është banal, dhe e dyta shumë më i kuptueshëm dhe më i gjallë. Shumica e skeqeve tek Portokalli kanë për qëllim të përmendin gjëra banale në mënyrë që të qesh shikuesi. Kjo nuk ndodh tek Apartamenti 2XL. Punë fantastike e Turjan Hysko.

Disa fjalë edhe për Familjen Moderne. Gjithmonë kam thënë se ky serial është i harxhuar, i zbrazur. Me largimin e Fatos Berishas si regjisor, Visare Aliu ka dy punë mjaftë të rënda. Kjo ka bërë që tani të kemi një skenar jo shumë të pasur. Ka filluar të bëhet më shumë banale, dhe joedukative. Ky serial mund të ndikojë në mënyrë negative tek fëmijët për shumë arsye. Javën e kaluar kemi pasur pirje të duhanit në episod, ndërsa këtë javë kemi skena ku Ardi në një mënyrë shfaq dhunë familjare dhe Dini përdorë fjalë jo të mira në televizion sikur ato në fjalinë e fundit ndaj Korabit. Një lutje për stafin e Familjes Moderne. Ka shumë fëmijë që shikojnë këtë serial që i përkasin demografisë 3-6 vjet. Nuk është e shëndetshme këto të shfaqen një demografie të tillë. Familja Moderne ka qenë shembull dhe do të mbetet gjithmonë, nëse nuk vazhdojnë ta vetshkatërrojnë.

Mysafirë në Kabare e TV21 sonte ndër të tjerët janë edhe Sinan Vllasaliu e Nora Istrefi, në emisionin e parë për këtë sezonë. RTK transmeton serialin Kafeneja Jonë, pastaj në program është kuizi Kush do të bëhet milioner, dhe emisioni për ekonomi Subvencion. Emisioni për kulturë Pa Skenar është në program pas lajmeve Blic.

Në KTV, mbrëmja fillon me Bursën e Kosovës, që kthehet pas mungesës në javën e kaluar, seriali Joshje Magjike, dhe në ora 10 transmetohet Asisti legjendar. Në ora 10:45, në program transmetohet golat nga disa kampionate evropiane, në Koha për Golat.

Në televizionet shqiptare kemi Kutinë dhe EuroKlan në Klan TV. Në Top Channel transmetohet emisioni Shqip me Rudina Xhungan, ndërsa në Vizion Plus pas Bypass Show, transmetohet emisioni Zonë e Ndaluar, që sonte gërmon në historinë e kryetarit të partisë socialiste, Edi Rama, nga hapat e tij fillestar në politikë, e deri tek martesa e tij.

Në SuperSport sonte në ora 8:45, mund të ndiqni ndeshjen Napoli – Milan. Ndeshjen mund ta shihni edhe në kanalin e lirë turk, TV8 (ka mundësi të kodohet në sistemin Biss gjatë ndeshjes!). Frekuencat mund ti gjeni në uebfaqen për satelitë në gjuhën shqipe KingofSat.

TV Kolumna Ditore përgatitet nga Luan Morina

E hënë – 25 tetor 2010

RTK

08:20 Kafeneja Jonë

09:00 Kush do të bëhet milioner

10:00 Subvencion

11:00 Blic

11:15 Pa Skenar

KTV

08:00 Bursa e Kosovës

09:00 Joshje Magjike

10:00 Asist

10:45 Koha për gola

RTV21

08:00 Kabare – Variete Prishtina

——————–

TV Klan

08:00 Kutia

09:00 EuroKlan

Top Channel

08:15 Fiks Fare

09:00 Shqip

Alsat

08:00 Lajmet

09:00 Kontrast

Vizion Plus

07:40 Një grua e hekurt – telenovelë

08:50 Bypass Show

10:00 Zonë e ndaluar

Artikuj te ngjashem

Sot në TV – E diel, 30 maj 2010

Luan Morina — Sun, 30 May 2010 09:02:13 +0000

Prime-Time

Në KTV, sonte mund të ndiqni dy filma mjaft interesant. Në ora 20:05, shfaqet filmi Donnie Brasco, prodhim i vitit 1997, në regji të Mike Newell dhe me aktorë si Al Pacino dhe Johhny Depp në rolet kryesore. Më vonë, në ora 23:15, shfaqet filmi Deception me Ewan McGregor, dhe Hugh Jackman në rolet kryesore.

RTK, shfaq episodin e ri të Familjes Moderne në ora 20:15, ndërsa në ora 21:00, në program është emisioni për film Projeksioni.

RTV21, shfaq episodet e reja të serialeve Haunted, dhe Cimerave. Në ora 22:30, në program është emsioni sportiv 2 me 1.

Sporti Total shfaqet në ora 22:00, në KTV, në të njëjtën kohë kur në RTK, transmetohet emisioni AS.

Top Channel, sonte shfaq shoun Portokalli, duke filluar në ora 20:45, pas emisionit Exclusive.

Klan TV, transmeton natën e shtatë finale të Akademisë së Yjeve. Në ora 23:40, shfaqet emisioni Blue.

Në Vizion Plus, në ora 21:00, shfaqet emisioni për çmimet Kult, Post Çmimet Kult, ndërsa në ora 23:30, filmi Romane në dhjetor.

Gjatë ditës…

në Top Channel, në ora 14:00, transmetohet drejtpërdrejtë gara për shpërblimin e madh të Turqisë në Formula 1.

Në EuroSport transmetohet etapa e fundit e Giro d’Italia, dhe dita e tetë e turnetu të tenisit, Roland Garros.

Në ora 14:25, në Junior TV, mund të shihni filmin fantashkencë Eragon.