/Rubikon/

Artikuj te ngjashem

• TV Kolumna Ditore – E mërkurë, 08 shkurt 2012
• TV Kolumna Ditore – E premte, 03 shkurt 2012
• TV Kolumna Sportive – E premte, 03 shkurt 2012
• TV Kolumna Ditore – E mërkurë, 01 shkurt 2012
• Rikthehen Rebelët në KTV

Ngjarjet tek BinBir Gece kanë hyrë në fazën e fundit, ndërsa ashtu siç prisja RTK nuk shfaqi dokumentar për ditëlindjen e Placido Domingos siç kishin paralajmëruar, por përsëri debat, kësaj radhe për vet RTK-në. RTV21 vazhdoi me episodin vijues të Ezel. Klan TV dhe Vizion Plus patën seriale, derisa arrita të shoh pak 100 milionë në Top Channel, një format që e konsideroj sukses për Top Channel.

RTK sonte ka programe kulturo-informative, përfshirë edhe titujt e njohur si Pro et Contra, dhe Gruaja Sot. KTV transmeton ndeshjet e Real Madrid dhe Barcelona, ndërsa RTV21 vazhdon me serialin Ezel.

Edhe sonte Klan TV vazhdon me CSI:NY, derisa në Vizion Plus mund të ndiqni një film romantik. Top Channel pas përfundimit të Luther, sonte ka dy episode të Skuadra Antimafia.

TV Kolumna Ditore përgatitet nga Luan Morina

Skema programore

E mërkurë – 21 shtator 2011

RTK

20:20 Program kulturor: Profili i ri i juristit

20:50 Bllok muzikor

21:50 Pro et Contra

22:20 Gruaja sot

23:00 Lajme

23:20 Zëri ynë

KTV

20:00 Futboll: Santander – Real Madrid

22:00 Futboll: Valencia – Barcelona

00:00 Interaktiv

RTV21

20:00 Serial: Ezel

22:00 21 Minuta

22:30 Serial: Favoritja

——————–

TV Klan

20:10 Kutia

21:00 Serial: CSI:NY, ep.79

22:00 Lajme

22:30 Opinion

Top Channel

20:05 Fiks Fare

20:40 Serial: Skuadra Antimafia 2

22:30 Lajme

23:00 Top Show

Vizion Plus

19:30 Çudira shqiptare

20:00 Forca e fatit – telenovelë

21:00 Film: Dashuri e dhimbshme

22:30 Dokumentar: Të padukshmit

23:00 Lajme

Artikuj te ngjashem

• TV Kolumna Ditore – E mërkurë, 08 shkurt 2012
• TV Kolumna Ditore – E martë, 07 shkurt 2012
• TV Kolumna Ditore – E hënë, 06 shkurt 2012
• TV Kolumna Ditore – E premte, 03 shkurt 2012
• TV Kolumna Ditore – E mërkurë, 01 shkurt 2012

Tani të kaloj tek renditja sipas mendimit tim personal duke mos u bazuar në sondazh, renditje të cilën e kam bërë para sondazhit dhe që paraqet, edhe njëherë përsëris, vetëm mendimin tim personal.

10. BonBon (RTV 21)

RTV21 përsëri ka vetëm një program në Top 10. Por, për ndryshim nga viti i kaluar, BonBon meriton një vend në Top10 dhe nuk është vendosur vetëm për të “nderuar” RTV21. BonBon është i vetmi program televiziv origjinal pasdite në kanalet tona, kur edhe do të duhej të kishte më shumë programe të tilla. Ofron informata të freskëta, mysafirë në studio, dhe tema interesante, sidomos për shtëpiaket dhe shtëpiakët, të cilët në kushtet tona të papunësisë janë goxha shumë.

9. Matinee (KTV)

Ngjashëm si BonBon vetëm pse transmetohet më herët gjatë ditës ishte edhe Matinee. Gjatë sezonit të kaluar ka qenë ndër emisionet më të rregullta që kam shikuar në mëngjes (puna ime zakonishte fillonte në 10). Ka patur mysafirë shumë me vend, të duhur, për të gjitha temat të cilat kanë patur një shpërndarje të sinkronizuar. Ka prekur tema mjaft të rëndësishme dhe me interesim për shikuesit duke ofruar informata të bollshme, përfshirë edhe opinionet e shikuesve me anë të telefonatave. E kur jemi tek opinionet mos të harrojmë rubrikën Hajt Pak që ka qenë dhe vazhdon të jetë tani për shumë vite njëri nga TV segmentet më të pëlqyera nga shikuesit. Pra edhe një mirënjohje për Hajt Pak që së bashku me Matinee-n vendosen në pozitën e nëntë këtë sezon televiziv.

8. BinBir Gece (KTV)

Seriali më modern turk që kemi parë në ekranet tona deri më sot. Është një fenomen botëror, nuk është diçka që ka “dhez” vetëm tek ne, por i gjithë Ballkani dhe bota arabe (Lindja e Afërt dhe Afrika Veriore) kanë qenë të pasionuar nga ky serial. Në rregull, seriali s’është një fenomen i tillë tek ne, thjesht mendoj që askush s’mund të tejkalojë Aci Hayat tek audienca kosovare, por tema që shtjellohet, mënyra e realizimit, në përgjithësi i tërë seriali ofron një shije të re, më moderne më perëndimore dhe pasqyron në mënyrë më konkrete realitetin e sotëm turk. Më shumë përqëndrohet në problemet jetësore të përditshme, intrigat që do të përfshinin çdo familje të zakonshme turke, duke mishëruar trashëgimin dhe modernizimin e shoqërisë. Nuk kemi aksione të superheronjëve të ‘80tave siç ndodhte tek Aci Hayat, apo aktorë jo shumë të provuar si tek serialet pasardhëse. Është e kundërta e asaj që ndodh tek Ezel dhe Kurtlar Vadisi. Për mendimin tim, edhe pse nuk e përcjell vazhdimisht, gjëja më e mirë turke në televizionet tona, pas reklamave të PandasJ.

7. Taxi Show (KTV)

Oh, sa më pëlqen ky emision. Dy arsye: i thjeshtë dhe jo i shtrenjtë për t’u realizuar. Është aq i thjeshtë sa kjo e bën edhe më të shkëlqyeshëm. Koncepti është i thjeshtë, paskript, një mini-reality show, me shumë më pak para krahasuar me të tjerat, jo më shumë se 200 euro për pasagjerët, dy vetura dhe disa kilometra rrugë, të gjitha këto për një javë dhe një emision 30 minutësh. E ndër të tjera kanë edhe një moderator shumë të sjellshëm, shumë miqësor me udhëtarët që vetëm sa e bën këtë emision më të shikueshëm. Nuk ka më lirë dhe më mirë. Pa marrë parasysh anën financiare, unë konsideroj emisionin si një sukses i jashtëzakonshëm për KTV-në, por termini i transmetimit mund të jetë më i mirë, megjithatë ndoshta në këtë kohë do të mbledhtë shikueshmërinë maksimale duke patur parasysh programacionin që ofrojnë kanalet tjera në të njëjtën kohë. Pozita e shtatë këtë vit për Taxi Show.

6. Jeta në Kosovë (RTK)

Vazhdon të trajtoj tema të rëndësishme për publikun kosovar, por këtë vit mendoj që ka patur një rrëshqitje sa i përket shikueshmërisë. Nuk kam parë shumicën e emisioneve, por, kam zgjedhur disa nga më të rëndësishmet që janë transmetuar. Si për ironi mendoj që majën dhe fundin ka prekur me dy mysafir serb. Së pari intervistuesi i Vuk Draskovic ishte pa njohuri të mjaftueshme të gjuhës që e bënte një “fitore” të mysafirit, dhe një intervistim që të bënte nervoz sa shkonte koha. Jo-profesionalizëm nga ana e Jeta Xharras, jo-përgatitje e duhur, dhe mbi të gjitha përzgjedhje e gabuar. Ai gazetari, që nuk po më kujtohet emri për momentin, është shumë i zoti, ka bërë intervista dhe debate të shkëlqyeshme, por jo në gjuhën serbe. E në anën tjetër ishte intervista me përfaqësuesin serb në bisedimet Kosovë-Serbi. Tani ishte Jeta Xharra dhe fliste anglisht, dhe ishte një bisedë shumë e mirë, e frytshme, dhe mjaft informative. Sigurisht që ka pasur edhe intervista e debate tjera gjatë tërë vitit, shumë mirë të realizueshme, por edhe një dështim për JNK ishte votimi në debatet parazgjedhore, i cili pa fajin e tyre filloi të keqpërdorej nga persona të caktuar. Sidoqoftë nëse krahasoj me vitin e kaluar mund të them që JNK pati një rënie në krahasim me emisionet tjera.

5. Oxygen (RTK)

Një program i shkëlqyeshëm i cili u shkatërrua falë politikave jo aq me vend të programimit të RTK-së. Të premteve ishte absolutisht zgjedhja e parë, para gjithçka tjetër që kishte në TV, Albanians Got Talent, VIP Shpija, apo edhe ndonjë filmi. Por, me kalimin në të dielën pasdite, personalisht unë dhe shumë familje që njoh, kanë humbur “lidhjen” dhe me këtë edhe shikueshmërinë. Personalisht për mua ky orar nuk funksionon, ka futboll shumë më cilësor se të premteve, dhe gjithashtu më pas është e hëna e cila kërkon shumë për t’u përgatitur për ata pak veta që punojmë në këtë shtet. Në rregull, e kuptoj që RTK ka dashur të ringjall pasditet e fundjavës, dhe ka provuar të ngjaj më shumë në emisionet shqiptare të së dielave, por megjithatë emisioni origjinal i Oxygen s’funksionon, repriza ndoshta, por episodet origjinale s’do të funksiononin. E sa i përket vet emisionit ka qenë në nivel. Ndoshta më mungon pak Sinani, por Jehona duket të jetë bashkëmoderatorja më e mirë që ka patur Besimi deri më tani. Ka mënyrën e tij të satirës që prek tema të rëndësishme me mysafirë të rëndësishëm duke mos humbur atë balancën e nevojshme.

4. Interaktiv (KTV)

Interaktiv është pjekur këtë vit. Xhemajl Rexha është shndërruar në një personalitet kryesor në redaksinë e lajmeve në KTV, dhe më kujtohet shumë mirë hera e parë që e pata parë në TV, në janar të vitit 2006 në vdekjen e ish-presidentit Rugova, raportonte nga selia e tij në Velani. Tashti është figura kryesore dhe e fundit që shumica e kosovarëve shohin para se të bëjnë gjumë. Me të vërtetë ai ka kaluar Interaktivin në një shkallë më të lartë, ka bërë një emision që ka filluar të lë kosovarët pa gjumë. Të jem i sinqertë, Interaktiv ka qenë më pak i pranishëm në televizorin tim këtë vit, por edhe ato edicione që kam shikuar më kanë ofruar “siguri” që ky është njëri ndër emisionet më të shikuara në TV-të kosovare. Në krahasim me vitin e kaluar rrëshqet për dy pozita, por në fakt përparon në cilësi dhe kjo rrëshqitje është pasojë e përparimit të madh që kanë shënuar emisionet që gjenden më lartë. Interaktiv është këtu për të mbetur një kohë të gjatë, dhe për të mbajtur orën e fundit të ditës në KTV ndër më të shikuarat gjatë tërë ditës, që nga kohët e Allo Allo’s.

3. Milioneri (RTK)

Vit pas viti Milioneri vazhdon të përmirësohet dhe të kaloj në njërin ndër programet më të shikuara në trojet tona. Grand Media ka zhvilluar formatin nga një version testues në një lider në regjionin tonë, sidomos këtë vit me ardhjen e Agron Llakajt. Edhe vitin e kaluar kam lavdëruar Fehmi Feratin që ka sjell ndryshime rrënjësore në moderimin e emisionit në krahasim ne paraardhësin e tij. Por, megjithë punën e shkëlqyeshme të Fehmiut, Agron Llakaj e ka ngjitur Milionerin në një shkallë edhe më të lartë. E kam përmendur kontributin e tij tek përmbledhja e programeve më të mira në kanalet shqiptare duke theksuar që “shton atë shijen e komedisë dhe është shumë më miqësor dhe më i lirë në udhëheqjen e emisionit, kemi një publik më aktiv që bën edhe garuesin të ndjehet më i qetë dhe më i lirë në karrige që s’besoj se është aq e “freskët”. E mira e Llakajt është që kuptohet shumë mirë edhe nga kosovarët të cilët flasim një gjuhë pak më ndryshe, pasi edhe ai flet shqip pa provuar të shtoj terma “italo-evropian” për të pasqyruar kinse “inteligjencën” e një moderatori, siç bëjnë shumica e moderatorëve të tjerë. Për më tepër, në një emision edhe vet ai u ishte kundërvu këtyre “banalizimeve” të gjuhës shqipe. Sidoqoftë, për momentin është moderatori më i mirë që mund ta shihni në ekranet tona shqipfolëse.

2. Rubikon (KTV)

Rubikoni këtë vit ka shënuar një “revolucion”. Pos që është shtuar numri i transmetimeve, 3 herë e ndonjëherë edhe 4 herë në javë, brenda emisionit ka filluar një mini-seri, ose spin-off, sido që ta quaj mendoj për Rubikon Pa Kravatë. Dhe t’u them të drejtën ka hasur në shikueshmëri të lartë, ndoshta pos emisionit të parë të kësaj serie emisionesh, të tjerat kanë qenë jashtëzakonisht interesante, të perceptuara për shikuesit, sidomos ajo me komedienët dhe këngëtarët. E mos të flasim më për politikanët. E din ata sa vështirë është të qëndrosh dhe të përgjigjesh para Adriatikut. Më së miri këtë e di kryeministri ynë i cili nuk guxoi asnjëherë këtë vit të përballej me të, pasi vitin e kaluar nuk i ndihmonin as përgjigjet e parapërgatitura më herët dhe shpesh i përziheshin në ata krahë letrash që kishte marrë me veti. Nejse, ka patur biseda jashtëzakonisht interesante, por edhe me mysafir të bezdisshëm si Edita Tahiri, që të shkatërronte nervat me përgjigje aspak të lidhura me pyetjet dhe sjelljen e saj arrogante në disa raste. Pikërisht këtu del në pah profesionalizmi i pashoq i Adriatik Kelmendit, i cili nuk ka nevojë të ngrit zërin, apo të ndërhyj në fjalë që të kthej bisedën në binarë, ashtu siç bëjnë disa të tjerë. Qetësi, kulturë, mirësjellje, të gjitha këto japin një moderator briliant, një Larry King kosovar.

Dy ngjarje që do të mbesin në kujtesën time do të jenë nga Rubikon pa kravatë. Hera e parë ka qenë pyetja për “sakrificën” e Genta Ismajlit, dhe e dyta ka qenë përgjigja në “vajtimin” e Fehmi Feratit për kushtet e vështira në RTK, pas largimit nga KTV. Ndoshta nuk quhet Larry King, por për momentin ka më shumë shikues se ai dhe pasardhësi i tij, Piers Morgan, në mënyrë proporcionale me numrin e shikuesve potencial.

1. Kafeneja Jonë (RTK)

Seriali Kafeneja Jonë mbetet në pozitën e parë edhe këtë vit. Është i pazëvendësueshëm të hënave, por duhet të përmend që skenari kohëve të fundit ka filluar të lëviz në drejtim jo të duhur. Urrej ta them, por ndoshta ky serial ka filluar të plaket dhe duket se skenarist kanë mungesë idesh ose bllokadë shkrimtarësh (shumë mirë e di çka është kjo!), por sidoqoftë është një gjëja më e mirë që krijohet për televizionet tona. Është një emision familjar që do të shihni të gjithë familja dhe vjen në ditën më të mërzitshme të javës, e hëna që fillon javën e punës. Nëse filloj të përmbledh në mënyrë kronologjike të gjitha ato që ndodhën sezonin e kaluar do të më duhet shumë kohë dhe rreshta dhe nerva të juaja për të lexuar në fund, dhe për këtë do të zgjedh më të mirat dhe ato më pak të mira. Ndër të mirat do të konsideroja restaurimin e objektit, dhe më në fund këtë vit kemi mysafirë të vërtetë në kafene, rikthimi i Sarandës pas mungesës në pjesën e dytë të sezonit të kaluar, karakteri i Avniut ka qenë më komik këtë vit shkaku i marrëdhënieve të tija me nënën e Naimit, si dhe shumë mysafirë në këtë sezone përfshirë edhe Ulrike Lunachek, e cila mori propozim martese në emision, që është deri diku diçka e jashtëzakonshme. Ajo çfarë nuk më pëlqeu definitivisht është storia për Shqiponjin i cili për një vit është zhvilluar shumë vite, ka shkuar në çerdhe, ka filluar të ec, të flas, është bërë gjigant, e edhe është “rehatuar”. Me këtë tempo vitin e ardhshëm kismet do ta martojnë dhe kushedi, del ndonjë nip për Bekimin!

*Ja vlen të përmenden edhe shumë emisione tjera, por do t’i përshkruaj vetëm shkurt:

Lagjja e re – serial solid me shumë aktor interesant dhe që premton “karrierë” të gjatë në TV. personalisht e kam shikuar më shumë se Familja Moderne, por një gjë që më ka dëshpëruar dhe e kam përmendur edhe më herët ka qenë kastingu që ka vendosur nënë e bijë pothuajse të një moshe.

Drejtësia në Kosovë – ka filluar furishëm, interesant me disa aksione të policisë, tema mjaft të rëndësishme, por orari i transmetimit ka shkatërruar këtë emision, së paku për mua. Të lutem kush dëshiron të shoh politikë të dielën në ora 9 në mbrëmje! RTK duhet të rregulloj punën e programimit.

2me1 – ka mbetur programi sportiv më kualitativ në transmetim. Debate me mysafirë profesionist, të rëndësishëm, dhe mjaft tema interesante. Në krahasim me dy emisionet e ngjashme tjera, është një nivel më lartë.

Filmat në KTV – filmat që kemi parë në KTV, shumë veta nuk i kanë parë akoma në kanalet kombëtare, duke filluar nga shqiptarët. KTV ka sjell kryeveprat e kinematografisë, sidomos gjatë verës, të premtave, dhe gjatë festave të fundvitit. Të lumtë KTV.

Koha për muzikë – e KTV-së duhet ti them të lumtë edhe për koncertet e superyjeve botërore të muzikës. Ka qenë një orar i papërshtatshëm (kundër serialit Kafeneja Jonë) por, nganjëherë edhe më ka detyruar të DVR (incizojë) Kafeneja… për disa nga këngëtarët e mi favorit. Ndër koncertet që më kanë pëlqyer tejmase ka qenë Eminem, Shakira, U2, dhe nëse s’gaboj Beyonce. Më ka munguar koncerti i mrekullueshëm i Robbie Williams në Knebworth, dhe nëse dikush nga KTV lexon këtë (që ka pak gjasa të ndodh) ju lutem mos harroni Robbie Williams për sezonin e ardhshëm.

Futbolli – një falënderim në emër të të gjithë kosovarëve shkon edhe për RTK edhe për KTV, që kanë sjell ndeshjet më të mira të Ligës së Kampionëve dhe kampionatit spanjoll, La Liga. Mos të harrojmë që në Shqipëri nuk kanë mundur të shijojnë as gjysmën e ndeshjeve që ne kemi shijuar gratis, e e njëjta gjë ka ndodhur edhe në shumicën e vendeve të Ballkanit dhe Evropës.

Në fund shpresoj që sezonin e ardhshëm të kem emisione edhe më të mira dhe kënaqësi më të mëdha për të gjithë teleshikuesit kosovar. Mos harroni televizioni është mjeti kryesor i argëtimit për shumicën dërrmuese kosovare dhe televizionet kanë një “përgjegjësi” për të ofruar cilësi dhe emisione moderne, që së paku ato të na afrojnë me Evropën.

Luan Morina

Autori është themelues i uebfaqes Telekomanda.com – uebfaqja e parë në shqip dedikuar botës së televizionit dhe kolumnist i rregullt për televizion dhe filma në Shqipmedia.com

*Ky shkrim është në dispozicion edhe për uebfaqet tjera përderisa nuk humbin autorësinë origjinalitetin e shkrimit

Opinionet dhe renditja e lartshënuar paraqesin qëndrimet personale të pavarura të autorit.

Artikuj te ngjashem

• TV Kolumna Ditore – E mërkurë, 08 shkurt 2012
• Pink shet të gjitha kanalet
• TV Kolumna Ditore – E martë, 07 shkurt 2012
• TV Kolumna Ditore – E hënë, 06 shkurt 2012
• TV Kolumna Ditore – E premte, 03 shkurt 2012

Sonte në emisionin Rubikon mysafir do të jetë udhëheqësi i KPJ-së, Veton Surroi. Tema do të jetë Pse Kosova është një shtet në gjysmë të rrugës. Ndërsa Adriatik Kelmendi sonte do të ketë edhe një panel ekspertësh dhe gazetarësh tjetër që do të bëjnë pyetje në lidhje me temën. Rubikon transmetohet në ora 20:15 në KTV, dhe në ora 22:00 në Arta.

Artikuj te ngjashem

• TV Kolumna Ditore – E mërkurë, 08 shkurt 2012
• TV Kolumna Ditore – E martë, 07 shkurt 2012
• TV Kolumna Ditore – E hënë, 06 shkurt 2012
• TV Kolumna Ditore – E mërkurë, 01 shkurt 2012
• Rubikon pa kravatë – Adelina Ismaili

Pse nuk zgjatet Rubikonin në 90 minuta. Ose në dy orë kur ka debate aq të nxehta siç ishte mbrëmë. Ti lëje ata do të flisnin 4 orë qysh filluan në fund të “nxehen”. Sidoqoftë ka qenë një debat shumë interesante, edhe pa dorëza si gjithmonë në Rubikon. Në këtë ka ndikuar edhe zgjedhja e mysafirëve nga udhëheqësi i emisionit, z. Adriatik Kelmendi. Po të kishin qenë disa tjerë nga po ato parti, nuk do të kishte qenë debat i njëjtë. Jeta në Kosovë, ka pasur temën e njëjtë, por edhe dy mysafirë që do të zgjonin kurreshtjen e publikut, Ilir Deda dhe Glauk Konjufca. Megjithatë zgjedhja ime Rubikon, pasi ishte ma nxehtë. Tek JNK, përshtypje më ka lënë Ilir Deda, i cili dukej një personalitet krejt më ndryshe, nuk ndërhynte në fjalën e të tjerëve, nuk ngrinte zërin, për të fituar ndonjë debat të vogël me ndokënd, por, thjeshtë, qetë, lehtë, me fakte ua mbyllte gojën.

Më habit fakti që në Zoom, ishin përfaqësues të njëjtë sikurse në JNK. Të dy partitë qeverisëse deri para disa ditësh kanë mjaft njerëz në kryesitë e tyre që mund të mbulojnë tri debate televizive. Apo ndoshta frikësohen nga aftësitë e tyre. Sidoqoftë, nuk më brengos fortë çfarë bëjnë ata. Por, mendoj se pak kush do të kishte shikuar dy debatues të njëjtë për një natë. Pra një hap jo i mençur i Zoom.

21 është dashur të vendos emisionin Zëra e hite ndër vite në një termin tjetër. Por, duke e ditur se e enjta është nata më e dobët për ata, pasi kanë konkurrencë të fortë nga KTV dhe RTK, kanë vendosur Zëra e hite… po atë natë, pasi nuk kanë dashur të rrezikojnë netët e tjera. Krejt e kundërta, Zëra e hite… është një emision shumë i mirë, shumë më ka pëlqyer, dhe do të funksiononte, dhe do të kishte shikueshmëri shumë më të lartë të premten ose edhe në fundjavë se sa të enjten, sidomos kur dihet fakti se situata politike e krijuar do të sjellë shumë debate gjatë muajve të ardhshëm, bile ky emision mund të përfundojë para zgjedhjeve të parakohshme. Orari më i përshtatshëm është  të shtunën, pasi që Shpija 2 do të shkatërrojë konkurrencën të premtave.

Fundjava në TV

3 orë film në KTV. Është filmi Amadeus, një biografi për njëri ndër krijuesit më të mëdhenj artistik të gjitha kohërave. Është film i gjatë, por kur të kuptoni temën do të shikoni deri në fund. Oxygen fillon vonë sonte, për shkak të debatit, ndërsa në TV21 kemi serialet dhe emisionin për ekonomi Standardi ynë. Në qoftë se mund të shihni Top Channel, provojeni Albanians Got Talent. Javën e kaluar, emisioni debutues ka qenë katastrofal për shumë arsye. Unë nuk do ta shikoja më, por ndoshta duhet t’i jap edhe një shansë. Në Vizion Plus është Zonë e Lirë me Arjan Çanin, ndërsa në Klan TV, Njerëz të Humbur.

Futbolldashësit kanë mundësinë të shohin një derbi ndeshje në SuperSport dhe kanalet tjera satelitore, Hamburg – Bajern Mynih që fillon në ora 8:30. Sigurisht edhe unë do të kem si zgjedhje të parë këtë ndeshje.

Të shtunën, në KTV dy ndeshje, të dyja mjaft interesante, dhe pritet të jetë më të shikuara se nga ato që ofron konkurrenca. Në TV21, Unë jam Top-Model, ndërsa në RTK, debat. Top Channel transmeton emisionin argëtues Me and You, një emision mjaft i mirë, ndërsa Klan TV, po ashtu një emision cilësor, Këngët e Shekullit.

Të dielën, në RTK pas Familjes Moderne, shfaqet reportazhi nga edicioni i sivjemë i njërit nga festivalet më të njohura në botën e muzikës, Glastonbury. Ja vlen të shikoni. Në TV21 shfaqet Twin Peaks. Ndërsa në KTV, dy ndeshje, më interesante se të shtunën, dy derbi.

Të shtunën në KTV, në mesnatë mund të ndiqni filmi The Wrestler me Mickey Rourke në rolin kryesor. Është një film fantastik, i nominuar për Oskar, dhe një ndër rolet më të mira jo vetëm në karrierën e Rourke, por edhe në kinematografinë mbarëbotërore. Personalisht e kam parë këtë film dhe ju garantoj se është mjeshtëri. Kujdes: Filmi ka notën R, është i përshtatshëm vetëm për të rritur për shkak të dhunës, gjuhës dhe nudizmit.

Të dielën në program është filmi American Beauty, që transmetohet pas emisionit Sporti Total.

Në EuroSport mund të ndiqni fillimin e sezonit të ri dimëror, kupës botërore në skijim alpik, të shtunën dhe të dielën në ora 9:45, dhe 12:45, në mëngjes. Të dielën transmetohet drejtpërdrejtë finalja e WTA turneut nga Kremlini, në ora 10:45 në EuroSport.

Në Top Channel, dhe kanalet tjera ndërkombëtare si RTL, TF1, e TRT mund të ndiqni garën në Formula 1 për Shpërblimin e Madh të Koresë Veriore. Kualifikimet transmetohen të shtunën në ora 7 në mëngjes, ndërsa të dielën gara është në program drejtpërdrejtë në ora 8 në mëngjes.

Kalofshi një fundjavë sa më argëtuese.

TV Kolumna Ditore përgatite nga Luan Morina.

E premte – 22 tetor 2010

RTK

08:20 Debat

09:35 Oxygen

11:15 Film: Picture Claire

KTV

07:50 Film: Amadeus

11:00 Interaktiv

RTV21

08:00 Ihlamurlar Altinda

09:20 Standardi ynë

10:40 India

TV Klan

08:05 Kutia

09:00 Njerëz të humbur

Top Channel

08:05 Fiks Fare

08:45 Akbanian’s Got Talent

Alsat

08:00 Lajmet

09:00 Dossier

Vizion Plus

07:50 Telenovelë – Një grua e hekurt

09:00 Zonë e lirë

——————–

E shtunë – 23 tetor 2010

RTK

08:25 Evropa më afër

09:55 Bllok muzikor

10:30 Kamera e fshehur

KTV

07:30 Automen

08:00 Futboll: Real Madrid – Rasing Santander

10:00 Futboll: Valensia – Majorka

11:00 Lajmet

11:15 Film: The Wrestler

RTV21

08:00 Unë jam top model

10:00 21 Minuta

10:40 Film: Under Influence

TV Klan

08:05 House MD ep.34

09:00 Këngët e Shekullit – nata 2 Live

Top Channel

08:15 Komuna e Parisit ep.19 (R)

08:45 Program muzikor: Me and You

Alsat

08:00 Lajmet

08:30 Shpirtra të lirë

10:30 Skaner kampionat

Vizion Plus

08:00 Mos e beso po deshe

——————–

E diel – 24 tetor 2010

RTK

08:20 Familja Moderne – serial

09:00 Aveny: Glastonbury Festival

10:00 AS

11:15 Film: Cool World

KTV

07:00 Futboll: Sevila – Bilbao

09:00 Futboll: Vijareal – Atletiko Madrid

11:00 Lajmet

11:15 Sporti Total

00:00 Film: American Beauty

RTV21

08:00 Twin Peaks – serial

10:00 21 Minuta

10:30 2 me 1

TV Klan

08:05 Cane ep.10

09:10 Histori me zhurmues

Top Channel

08:15 Exclusive

08:45 Portokalli

Alsat

08:00 Lajmet

09:00 Itinerar

10:30 Takim eksluziv

Vizion Plus

08:45 Aparamenti 2XL

Artikuj te ngjashem

• TV Kolumna Ditore – E mërkurë, 08 shkurt 2012
• TV Kolumna Ditore – E martë, 07 shkurt 2012
• TV Kolumna Ditore – E hënë, 06 shkurt 2012
• Chronicle më i shikuari
• Chronicle (2012)

Të premten filloi formati i ri i Ti Vlen. Tani nën logon e Britain’s Got Talent të krijuar nga Simon Cowell, Albanian’s Got Talent duhet të ishte një sukses në radhë. Kjo dëshproi shumë veta, e më së shumti mua. Thjesht ashtu si ishte episodi i parë më mirë të mos vazhdoj më. E vetmja gjë pozitive ishte sigla origjinale që më bënte të ndjeja nostalgji për cilësinë e edicionit anglez të këtij formati. Sidoqoftë, pjesëmarrësit ishin solid. Ajo që nuk funksiononte për mendim tim ishin organizatorët.

Në RTK patëm 3 orët e Hashim Thaqit në prime-time që shtyu Oxygenin shumë vonë, siç po ndodh zakonisht këtë sezonë. Në KTV është transmetuar filmi Annie Hall i Woody Allen, dhe më pas One Tree Hill.

Të shtunën patëm dy mbrëmje muzikore. Në RTK ishte gala koncert për ikonat e muzikës kosovare, Muharrem Qena. Ishte mirë të dëgjoje disa nga këngët më të mira të historisë kosovare, por, ishte edhe turp “mundin” që kishin bërë disa nga pjesëmarrësit për t’i mësuar tekstet përmendsh. Ajo që po ka sukses dhe po më pëlqen mjaft është emisioni Me&You në Top Channel. Këtë javë mysafirë ishin grupet më të njohura kosovare të rok&roll-it, Minatori me Naser Gjinovcin, dhe Ilirët me Agim Gërgurin. Kënaqësi të dëgjosh përsëri duke kënduar “live” këto dy legjenda të rokut kosovar.

KTV transmetoi ndeshjet e dy gjigantëve të futbollit spanjoll, dhe ishin mjaft ndeshje të mira, sidomos ajo e para në mes të Barselonës dhe Valensias. Edhe e dyta sigurisht që kënaqi tifozët kosovar të Realit. Në TV21 ishte i dështuari Unë jam Top Model që personalisht e konsideroi si reklamë të keqe për këngëtaret (po këndojnë “playback”) dhe një grumbull individësh që na tregojnë për modën me anë të një sfilate të thjeshte. America’s Next Top Model, është me vite-drite larg kësaj kopje amatoreske.

Të dielën në KTV u transmetua ndeshje jo shumë intersante Gijon – Sevilla, ndërsa më parë në program ishte një dokumentar mjaft i mirë, Gold Fever. Kur jemi tek dokumentarët KTV, çdo ditë po transmeton serinë dokumentare të produksionit të BBC-së, Blue Planet. Është një dokumentar që sjell më të mirët e botës ujore, ambientetet magjepsëse, krijesat më të çuditshme, që jetojnë ne thellësi ku nuk arrin drita e diellit.

Sidoqoftë, RTK, vazhdoi me Familjen Moderne, dhe pastaj me një debat (edhe pse ishte e diel), me të ftuar Bujar Bukoshin dhe katër gazetarë nga mediat kosovare. TV21, nëse nuk gaboi transmeoi serialin Twin Peaks nën skenar të të njohurit, Stephen King.

Në kanalet shqiptare ishte derbi ndërmjet Top Channel, që trasmetoi Portokallin, që këtë vit nuk më duket shmë komike, dhe Vizion Plus që në program kishte Apartamenti 2XL, që për çudi këtë sezonë ka filluar të më pëlqejë.

Sonte Kohavision transmeton edicionin special të Rubikonit. Mysafir i Adriatik Kelmendit është kryetari i LDK-së, Fatmir Sejdiu, ndërsa temë pritet të jetë dalja e kësaj partie nga koalicioni qeverisës. Në Asist do të debatohet për situatën aktuale në basketbollin kosovar, dhe për Euroligën që fillon gjatë kësaj jave. Koha për Gola, fillon në ora 10:45.

Në RTK vazhdon të transmetohet seriali Kafeneja Jonë, dhe më pas në program është Milioneri dhe Subvencion. Pa Skenar është në program në ora 11:15, pas lajmeve Blic.

RTV21 shfaq kabare programin Varietete Prishtina, ndërsa në kanalet shqiptare është skema e zakonshme e të hënës. Në Top Channel, shfaqet Shqip me Rudina Xhunga, në Klan transmetohet Kutia dhe EuroKlan, ndërsa në Vizion Plus, Bypass Show.

TV Kolumna Ditore përgatitet nga Luan Morina

E hënë – 18 tetor 2010

RTK

08:20 Kafeneja Jonë

09:00 Kush do të bëhet milioner

10:00 Subvencion

11:00 Blic

11:15 Pa Skenar

KTV

08:00 Rubikon – Speciale

09:00 Joshje Magjike

10:00 Asist

RTV21

08:00 Kabare – Variete Prishtina

——————–

TV Klan

08:00 Kutia

09:00 EuroKlan

Top Channel

08:15 Fiks Fare

09:00 Shqip

Alsat

08:00 Lajmet

09:00 Kontrast

Vizion Plus

07:40 Një grua e hekurt – telenovelë

08:50 Bypass Show

Artikuj te ngjashem

• TV Kolumna Ditore – E mërkurë, 08 shkurt 2012
• TV Kolumna Ditore – E martë, 07 shkurt 2012
• TV Kolumna Ditore – E premte, 03 shkurt 2012
• TV Kolumna Ditore – E mërkurë, 01 shkurt 2012
• Rubikon pa kravatë – Adelina Ismaili