Titulli origjinal: Stranger Than Fiction

Zhanri: Komedi, Dramë, Fantazi, Romancë

Skenari: Zach Helm

Regjia: Marc Foster

Premiera e shfaqjes: 10 nëntor 2006

Kohëzgjatja: 113 minuta

Rejtingu: +13, për disa imazhe shqetësuese, seksualitet, gjuhë dhe nudizëm të shkurtër.

Kasti: Will Ferrell, Maggie Gyllenhaal, Queen Latifah, Dustin Hoffman, dhe Emma Thompson

Si do të ju dukej vetja të ishin karakter i ndonjë romani. Romeo, Frodo, apo edhe Harri Poter. Interesante, a po? Sigurisht që do t’u pëlqente juve, por të ishit në rolin e Harold Krikut nuk do të dëshironit asnjë.

Haroldi (Will Ferrell), jeton i vetëm, kryen punën e tij që e bën të urryer nga të gjithë, dhe për më tepër e do punën e tij.

Ai është një mbledhës taksash për IRS. Jeta e tij është aq e mërzitshme sa që ka të bëjë gjithçka me numra. Është e bazuar në numërim dhe orën e tij. Për 12 vite, çdo dite pune ai ka pastruar 32 dhëmbët 76 herë. 38 herë para-mbrapa, 38 herë lartë-poshtë. Tërë këto vite ai do të zinte autobusin për punë në ora 8:17. Çdo javë ai do të mbikqyrte 7.134 dosje taksash. 45.7 minuta ishte pushimi i drekës, 4.3 minuta pushimi i kafes. Mos të ju lodhi me numra, por janë fakte interesante të përmenden. Çmenduri.

Gjërat komplikohen kur ai fillon të dëgjoj një zë që del të jetë zëri i autores, në librën e të cilin ai është karakteri kryesor. Me kalimin e kohës ai e kupton këtë, por nuk e di se çfarë zhanri i librit është pjesë ai. Për këtë kërkon ndihmën nga një profesor letërsie dhe më në fund disi arrijnë të zbulojnë. Por, problemet e tij sa vijnë e bëhen më të mëdha. Çfarë do të ndodh kur ai të takohet me autoren e librit, çfarë kërkesash do të ketë ndaj saj?

Sidoqoftë ne jemi mësuar të shohim Will Ferrellin në role kryesisht komike. Të shohësh Will Ferrell në rolin kryesor dhe të mos qeshësh është diçka e pazakontë. Për këtë nuk është diçka që më pëlqeu në këtë film. Megjithatë edhe pse një rol me serioz Will Ferrell ka aktuar mirë. Nuk është keq, megjithatë dukej paksa i shtrënguar. Ndoshta edhe roli i tij ka qenë asisoji.

Maggie Gyllenhaal ka qenë mjaft e mirë në rolin e saj të një biznesmeneje të mërzitur me taksat. Është hera e parë për mua që e shoh atë në një rol kryesor. Ka bërë një punë shumë të mirë në rolin e saj.

Megjithatë më shumë më kanë pëlqyer rolet dytësore në këtë film sa ato kryesoret. Dustin Hoffman dhe Emma Thompson kanë qenë të shkëlqyeshëm në rolet e tyre. Edhe Queen Latifah nuk ka qenë jo e mirë, por nuk ka pasur shumë hapësirë në këtë film.

Emma Thompson ka luajtur një rol vërtetë të komplikuar dhe e ka bërë për mrekulli. Rolin i shkrimtares e cila gjithnjë ka shkruajtur libra tragjik, ku personazhet kryesore vdesin në fund, tani është në udhëkryq kur zbulon se personazhi i saj i fundit është një njeri i vërtetë, që ekziston. Ta vrasë apo ta lërë të jetoj. Një shkrimtare e komplikuar e cila nuk ka shkruar libër me vite të tëra dhe vuan nga një stres i madh që rezulton me pirje të vazhdueshme të duhanit. Aktorja më e mirë në film. Padyshim, Emma Thompson edhe një herë më ka mahnitur me aktrimin e saj.

Edhe Dustin Hoffman, ashtu si Emma Thompson është një aktor nga më të mirët. Ai luan rolin e profesorit i cili do të mundohet të zbuloj se karakter i cilit shkrimtar është Harolldi. Që nga mëdyshjet në fillim të filmit, kur mendon se Harolldi është një lunatik e deri në fund kur takohet me shkrimtaren e ëndrrave të tij, profesori Xhulls Hillbert kalon nga roli i tij i një profesori komik, deri tek një njeri shumë serioz. Është një veti që mund ta aktrojnë pak aktorë të mirë, si Dustin Hoffman.

Queen Latifah ka një rol dytësor, por nuk vërehet aq shumë sa Hoffman dhe Thompson. Ajo është ndihmësja e shkrimtares Karen Ajfell, e cila ka ngecur në fund të romanit, dhe nuk gjen një mënyrë të përsosur për të përfunduar atë.

Dhe në fund, mund të them se padyshim filmi Stranger Than Fiction apo në shqip si e kam përkthyer Më i çuditshëm se trillimi mbetet një film shumë i mirë. Ja vlen ta shikoni, dhe besomëni do të kënaqeni me storien e filmit. Është vërtetë diçka mjeshtërore.

Luan Morina

Kritik filmash

Traileri

                          

Euphoria është një album i veçantë  nga Enrique Iglesias. Zakonisht në çdo album të tij kemi pasur 7-8 këngë të përkthyera në anglisht dhe spanjollisht. Ka qenë si një strategji e Enriques për të fituar në dy terrene. Mirëpo tani kjo ka ndryshuar. Këngët në spanjollisht nuk janë të përkthyera por janë shumë origjinale dhe tepër të mira.

Nga këngë ritmike për muzikë vallëzimi nëpër Club-e vere, e deri tek këngë romantike, gjithçka  gjendet në albumin e fundit të tij.

I Like It, një duet me Pitbull. Një këngë ritmike që do të shtyej të vallëzonit edhe nëse nuk keni lidhje me vallëzim. Do të jetë një hit i club-eve këtë verë. Keni parë videospotin? E dini për çfarë po flas atëherë.

Edhe Dirty Dancer është një këngë ritmike ashtu sikur I Like It. E ndihmuar me vokalin e Usher-it, kënga është vërtetë një hit vallëzues.

Gjithashtu tek këngët në anglisht kemi edhe disa bashkëpunime të Enriques me këngëtarë tjerë si Akon, në këngën One Day at a Time, dhe me Nicole Scherzinger në këngën Heartbeat.

Tek këngët spanjolle më shumë dominon zhanri i muzikës romantike të lehtë. Dhe vërtetë janë disa këngë shumë të mira. Sidomos teksti i këtyre këngëve nëse kuptoni gjuhën spanjolle do të ju bëj që ti pëlqeni edhe më shumë.

Cuando Me Enamoro, No Me Digas Que No, Dile Que dhe Ayer. Të gjitha janë këngë të lehta, dashurie, të përkryera me vokalin e butë të Enriques.

Dhe ajo që më ka pëlqyer më së shumti mua personalisht, është kënga Coming Home. Një këngë e lehtë, e mbizotëruar edhe një herë nga vokali i tij i butë me një tekst të fantastik.

Lirisht mund të them se është njëri ndër albumet më të mira të Enrique Iglesias dhe jam shumë i sigurt se do të jetë mjaft i suksesshëm, sidomos në botën latine.

Luan Morina

Linqe të dobishme

Albumin mund ta porositni në Amazon

Këngët mund ti dëgjoni në faqen zyrtare të Enrique Iglesias në YouTube

                          

Titulli origjinal:  Schindler’s List (1993)

IMDB Rejtingu: 8.9

Zhanri: Biografi, Dramë, Histori

Regjia: Steven Spielberg

Skenari: Thomas Keneally (libri), Steven Zaillian

Aktrojnë: Liam Neeson, Ben Kingsley, Ralph Fiennes, Caroline Goodall, Jonathan Sagall

Tregimi i vërtetë për Oskar Shindlerin, një biznesmen gjerman që ka një fabrikë. Ai tenton të pasurohet gjatë Luftës së Dytë Botërore duke punësuar çifutë të lirë, por pëfundon pa asgjë pasi shpëton 1100 çifut polak nga vdekja e sigurt gjatë holokaustit.

Shpërblime: 7 Oskar. 65 shpërblime dhe 21 nominime tjera

E premte, 30 korrik 2010, ora 20:00, në KTV

Traileri

                          

Titulli origjinal:  The Godfather (1973)

IMDB Rejtingu: 9.2

Zhanri: Krim, Dramë, Triller

Regjia: Francis Ford Coppola

Skenari: Mario Puzo (novela dhe skenari)

Aktrojnë: Marlon Brando, Al Pacino, James Caan, Richard Castellano, Robert Duvall, Diane Keaton

Vito Korleon është doni (koka) e familjes mafioze Korleone që është duke u plakur. Djali i dij më i ri, Majkëlli është kthyer nga Lufta e Dytë Botërore tamam në kohë për martesën e motrës së tij Koni Korleone me Karlo Rixin. Tërë familja e Majkëllit është e lidhur me Mafian, por Majkëlli dëshiron të jetoj një jetë normale. Dileri i drogës, Virxhil Solloxo është duke kërkuar mbrojtje nga familjet mafioze në shkëmbim me përfitimet nga droga. Ai i bën ofertë Don Korleones, por përkundër këshillës së avokatit të tij Tom Hagen, Doni moralisht është kundër përdorimit të drogës, dhe refuzon ofertën e tij. Solloxo në shenjë hakmarrje qëllon Donin, i cili mëzi mbijeton. Kjo nis një luftë mafioze e cila do të ndajë familjen Korleone.

Shpërblime: 3 Oskar. 19 shpërblime dhe 17 nominime tjera

E premte, 30 korrik 2010, ora 23:15, në RTK
Traileri

                          

Në RTV21, pas episodeve të reja të serialeve 100 Vitrinat  dhe Gymysh, në ora 21:15, në program është emisioni për ekonomi Standardi ynë.

KTV, në ora 20:00, shfaqet filmi Lista e Shindleriit në regji të Stiven Spilbergut dhe me aktorë si Liam Neeson, Ben Kingsley, e Ralph Fiennes në rolet kryesore.

Në Top Channel në ora 20:50 mund të shihni film artistik.

Klan TV pas Kutisë, transmeton emisionin Njerëz të humbur që zgjat deri pas mesnate. Ndërsa në Vizion Plus në ora 20:30 shfaqet filmi Flock me Richard Gere, Claire Danes dhe KaDee Strickland në rolet kryesore.

Kampionati evropian në atletikë…

Sonte është nata e katërt e finaleve. Megjithatë finalja e parë do të zhvillohet herët në mëngjes, dhe ajo është 50km ecje për meshkuj që fillon në ora 07:35.

Pasdite garat finale janë: Kërcime me purtekë për femra (18:30), 200m vrapim për meshkuj (19:25), 400m vrapim per femra (19:35). 110m vrapim me pengesa për meshkuj (19:50), hedhje e çekanit për femra (20:20), 3000m vrapim stipëll për femra (20:25), 400m vrapim për meshkuj (21:25), 400m vrapim me pengesa për femra (21:40), 800m vrapim për femra (21:50), dhe 1500m vrapim për meshkuj (22:00). Pra do të jetë dita më e ngarkuar në kampionatin evropian, dhe kuptohet do të transmetohet drejtpërdrejtë në EuroSport.

                          

Titulli origjinal: “ The One with the Dozen Lasagnas”

RTK – E premte, 30 korrik 2010, ora 09:30/16:30

                          

Titulli origjinal: “ Crash Course in Polite Conversations”

KTV – E hënë, 26 korrik 2010, ora 22:00

                          

KTV, në ora 20:00, transmeton Rubikon me Adriatik Kelmendin. Më pas në program është telenovela Joshja magjike, ndërsa në ora 22:00, episodi i 13, i serialit One Tree Hill.

Në RTV21, pas episodeve të reja të serialeve 100 Vitrinat, dhe Gymysh, transmeton emisionin debatues Zoom.

Në Klan TV, në ora 20:05, si çdo ditë pune transmetohet Kutia. Më pas në ora 21:00, në program është emisioni Opinion, ndërsa pas lajmeve episodi i 19 i serialit Seksi dhe Qyteti.

Në Top Channel, në ora 21:00, transmetohet emisioni debatues Top Story.

Sport në TV

Në EuroSport transmetohet nata e tretë e finaleve nga kampionati evropian në atletikë që po mbahet në Barcelonë të Spanjës. Sonte në program janë pesë finale: Kërcim së larti për meshkuj (18:30), kërcim trehapësh për meshkuj (19:40), hedhje e shtizës për femra (20:40), vrapim 1500m për meshkuj në konkurrencën e dhjetëgarëshit (21:10), si dhe vrapimet gjysmëfinale (20:20), dhe finale (21:45), në vrapim 100m për femra.

Sonte zhvillohen shumica e ndeshjeve të para të rrethit të tretë të kualifikimeve për Ligën e Evropës. Nga ndeshjet më interesante veçojmë: Molde – Stuttgart (18:30) në Sport1; Galatasaray – OFK Beograd (20:00) në Futbol Smart; Viktoria Plzen – Besiktas (20:30) në NTV Spor; si dhe ndeshja Rabotnicki – Liverpool (20:45) në kanalin maqedonas, Kanal 5.

                          

Këtë të enjte Jeta në Kosovë diskuton për mbajtjen e mbulesës në institucionet publike.

Kë po e pengon bartja e shamisë? Në çka bazohen urdhëresat administrative? A qëndron dikush prapa femrave të mbuluara? A është shkelje e të drejtave të njeriut moslejimi i bartjes së shamisë në shkolla publike?

Për të folur pak më mençur për këtë temë, të ftuarat e Edona Musës në studio do të jenë:

Besa Ismaili – Ahmeti,
Fehmije Gashi – Bytyçi,
Zana Beqiri,
Xheraldina Pufja – Rexhepi.

Në vazhdim, Jeta në Kosovë transmeton intervistën e Jeta Xharrës me Noell Mallkollmin, njëri ndër historianët edhe shkrimtarët më të njohur britanik, njëherësh autor i librit Kosova: Histori e Shkurtër që e zgjoi opinionin botëror për rrethanat që çuan në luftërat e viteve 1990.

Mallkollmi flet për historinë e Kosovës dhe për problemet e identitetit në rajon.

Në kuadër të emisionit, BIRN transmeton reportazhin e hulumtuesit Faton Ademi për mosunifikimin e certifikatave gjyqësore në Kosovë.

                          

Titulli origjinal: “ The One with Mrs. Bing”

RTK – E enjte, 29 korrik 2010, ora 09:30/16:30