Pse anëtarëve të ndërmarrjeve publike iu është vazhduar mandati edhe për një kohë?

Sa janë të politizuara këto borde, dhe a ka emërime e punësime, në baza partiake?

Çfarë po ndodhë me bordin Ujësjellësit “Radoniqi” në Gjakovë? Kush po e konteston kryeshefin e ri, dhe pse?

Për të diskutuar për këto çështje, Muhamet Hajrullahu ka ftuar:

Gani Koci – zv.ministër i Zhvillimit Ekonomik;

Lutfi Zharku – ish-ministër i Tregtisë dhe Industrisë;

Lorik Bajrami – nga OJQ Çohu dhe

Shkamb Qavdarbasha – nga OJQ INDEP.

Në kuadër të emisionit, BIRN transmeton reportazhin e gazetares Edona Musa që tregon se pse nga disa ish-anëtarë të bordit të “Radoniqit” nuk po pranohet drejtori i ri.

BIRN gjithashtu transmeton edhe reportazhin që tregon se sa fëmijë do të shkojnë për shërim me fondet e mbledhura në Gala Mbrëmjen e 1 Dhjetorit 2011, të organizuar nga shoqata bamirëse “Nëna Terezë” dhe Jeta në Kosovë.

/Jeta në Kosovë/

Artikuj te ngjashem

• TV Kolumna Ditore – E premte, 03 shkurt 2012
• TV Kolumna Ditore – E hënë, 05 dhjetor 2011
• TV Kolumna Ditore – E hënë, 21 nëntor 2011
• TV Kolumna Ditore – E hënë, 10 tetor 2011
• TV Kolumna Ditore – E mërkurë, 21 shtator 2011

Cili është qëndrimi i Qeverisë së Kosovës e cili është qëndrimi i shoqërisë civile, e cili është qëndrimi i partive opozitare. Cilat janë praktikat e privatizimit të energjisë në rajon?

Për këtë temë në tryezën Privatizimi i Distribucionit flasin:

Naim Hoxha – RIINVEST

Besim Beqaj – Ministër i Zhvillimit Ekonomik

Nezir Sinani – Instituti për Politika Zhvillimore

Visar Kelmendi – Ekspert i energjisë

Fllanza Hoxha – Beqiri, KEDS

Avdullah Hoti – LDK

Shpend Ahmeti – Vetëvendosje

Haki Shatri – AAK

Justina Pula-Shiroka, deputete PDK

Agron Demi – GAP

Haki Abazi – RBF

Krenar Gashi – Instituti për Politika Zhvillimore

/Jeta ne Kosove/

Jeta

A mund të përballojë buxheti i Kosovës një listë të veteranëve, për të cilën të gjithë pajtohen se është e fryrë dhe joreale.

Për të diskutuar për këto tema Muhamet Hajrullahu ka ftuar:

Fadil Racaj – Drejtor i Departamentit Ligjor në Ministrinë e Punës dhe Mirëqenies Sociale;

Flora Brovina – Deputete dhe anëtare e Komisionit parlamentar për shëndetësi;

Xhavit Jashari – Shoqata e familjeve të dëshmorëve;

Time Kadriaj – Deputete dhe anëtare e komisionit parlamentar për shëndetësi;

Xhevdet Qeriqi – Këshilli për Mbrojtjen e Drejtave të Luftëtarëve – UÇK.

/Jeta në Kosovë/

Pse u desh që protesta e qytetarëve të fshatit Polac në Skenderaj, më 24 tetor, të përfundojë me 9 arrestime? Pse jeta në Polac ka ndryshuar aq pak, që kur Hasan Prishtina ka lindur këtu më 1873?

Përveç telave të rrymës që në këto ditë dimri shpesh nuk sjellin rrymë, ky fshat nuk ka kanalizim, nuk ka ujësjellës, nuk ka formë të organizuar të hedhjes së mbeturinave; dhe megjithëse është në mes të Drenicës, nuk ka as rrugë.

Kush është përgjegjës që rruga e filluar qe 7 vjet ka dështuar të përfundojë, ndërkohë që janë ndërruar 3 qeveri të ndryshme, që atëherë?

Ndiqini intervistat me qytetarët e arrestuar të Polacit Valdet, Basri e Hilmi Xani, intervistat me përfaqësuesit e fshatit, pronarin e shtëpisë së pashpronësuar, si dhe intervistat me të gjitha institucionet e përfshira në këtë rrëfim, përfshirë:

Basri Durmishi, komandant i Policisë në Skenderaj;

Fadil Nura, nënkryetar i Komunës;

Hajriz Koci, deputet i Asamblesë Komunale;

Ganimete Musliu, deputete e PDK-së nga Skenderaj;

Fehmi Mujota, ministër i Infrastrukturës.

BIRN gjithashtu transmeton intervistën me Jeta Xharrën, e cila po merr pjesë në Konferencën Ndërkombëtare për Ndryshime Klimatike në Durban të Afrikës së Jugut.

Cilat janë kushtet e këtij privatizimi? Cilat asete të KEK-ut, apo të ish-ElektroKosovës, janë duke iu shitur kompanive private dhe me çfarë çmimi? Çfarë kompanish janë të interesuara për këtë? Si do ta zgjidhë kompania private problemin e mosfaturimit të 40% të rrymës që prodhohet? Çka thotë Ombudspersoni amerikan për ankesën nga Kosova se ky proces i privatizimit është jotransparent? Si do të sigurojë qeveria jonë që problemet me faturim që po vazhdojnë të ndodhin, edhe pas privatizimit të distribucionit në Shqipëri, nuk do të ndodhin në Kosovë? A do të vazhdojë taksapaguesi kosovar të subvencionojë vjedhjen e rrymës, edhe pas privatizimit?

Për të diskutuar në lidhje me këtë privatizim, Jeta Xharra ka ftuar:

Fllanza Hoxha, projekti për privatizimin e distribucionit të KEK-ut;

Nezir Sinani, nga shoqëria civile;

Izet Mustafa, nga Sindikata e Pavarur e Energjetikës së Kosovës, SPEK;

Avni Alidemaj, drejtor i divizionit të shpërndarjes, KEK.

Në kuadër të emisionit, BIRN transmeton një intervistë me një punëtor të KEK-ut, i cili tregon se cila pjesë e distribucionit do të privatizohet.

Pas debatit, BIRN transmeton reportazhin që tregon për djegiet e mistershme në fshatin Kërnicë të Klinës.

Jeta në Kosovë

Deri në çfarë mase është real buxheti i Kosovës? Kush nuk do ta votojë ligjin për buxhetin e vitit të ardhshëm? A do të hyjmë në krizë nëse nuk shitet PTK-ja? A u është garantuar agjencive të pavarura, buxheti i kërkuar për vitin e ardhshëm? A ka ndonjë të re në politikat zhvillimore që do të inkurajonte prodhim më të madh kosovar? A do të mirren parasysh vërejtjet e auditorit të përgjithshëm për buxhetin e vitit të kaluar?

Për të diskutuar për këto çështje Jeta Xharra ka ftuar:

Bedri Hamza- Ministër i Financave;

Besim Beqaj – Ministër i Zhvillimit Ekonomik;

Hykmete Bajrami – Deputete, LDK;

Visar Ymeri – Deputet, Vetëvendosje

Pas debatit BIRN transmeton reportazhin e gazetarit Muhamet Hajrullahu që tregon se pse kryetari i komunës së Kllokotit, Sasha Mirkoviq po largon punëtorët nga puna.

Gjithashtu BIRN transmeton edhe reportazhin e gazetares Edona Musa që tregon se si po pranohet kuadri arsimor pa konkurse në shkollat e Prishtinës.

/Jeta në Kosovë/