Telekomanda » Jeta në Kosovë

Jeta në Kosovë diskuton për problemet në BIK

luanmorina — Thu, 12 Apr 2012 13:17:30 +0000

Këtë të enjte, Jeta në Kosovë diskuton për atë se si funksionon Bashkësia Islame e Kosovës.
Si kanë shkuar zgjedhjet në Këshillat e Bashkësive Islame të Kosovës, BIK?
A është i regjistruar BIK-u dhe kujt i jep llogari ky institucion fetar? Si menaxhohen financat e BIK-ut?
Çka ndodh me ata hoxhallarë që kërkojnë më shumë transparencë në mënyrën si menaxhohet BIK-u dhe si përzgjidhen kryesitë e Këshillave të Bashkësive Islame, në nivel komunal?
Pse medresetë dhe Fakulteti i Studime Islame nuk i punësojnë femrat e shkolluara myslimane, edhe pse rezultati i sukseseve të tyre është më i mirë se i shumë meshkujve të diplomuar?
Pse BIK-u mendon se “nuk ka ardhur ende koha” që femrat të punësohen në institucionet islame në Kosovë?
Për të diskutuar për këtë temë Jeta Xharra ka ftuar:
Fahrush Rexhepin, Kryesia e BIK-ut;
Kasim Gërgurin, drejtor financiar në BIK;
Azemine Kukajn, OJQ “Islamic Relief”;
Idriz Bilallin, imam i xhamisë në Podujevë;
Visar Duriqin – gazetar.
Jeta në Kosovë, çdo të enjte në 20:20 dhe repriza të nesërmen në mesditë

Jeta në Kosovë diskuton për arrestimet nga Serbia

luanmorina — Thu, 05 Apr 2012 15:43:40 +0000

Jeta në Kosovë, këtë të enjte, diskuton për arrestimet e fundit nga shteti serb.

Në bazë të çfarë akuzash po i arreston policia e Serbisë qytetarët e Republikës së Kosovës? Pse dhe si u arrestuan policët kosovarë nga ata serbë? A do të vazhdojë dialogu Kosovë – Serbi, pas këtyre arrestimeve?

Si po i përdor ministri i Punëve të Brendshme të Serbisë, Ivica Daçiq, këto arrestime për poenë politikë brenda Serbisë, në kohën kur atje do të mbahen zgjedhjet?

Cili do të duhej të ishte hapi politik nga pala kosovare pas këtyre arrestimeve?

Për të diskutuar për këto tema, Muhamet Hajrullahu ka ftuar:

Anton Quni – Deputet, Lidhja Demokratike e Kosovës, LDK;

Ahmet Isufi – Deputet, Aleanca për Ardhmërinë e Kosovës, AAK;

Florin Krasniqi – Deputet, Lëvizja Vetëvendosje;

Florian Qehaja – Drejtor Ekzekutiv, Qendra Kosovare për Studime të Sigurisë.

Gjithashtu BIRN-i transmeton reportazhin se sa janë transparente komunat e Kosovës? Sa po respektohet Ligji për Vetëqeverisje Lokale në Kosovë, e sa Udhëzimi Administrativ për Transparencë?

Jeta në Kosovë, çdo të enjte në ora 20:20 dhe repriza të nesërmen në mesditë.

/Jeta në Kosovë/

Jeta në Kosovë diskuton për shëndetësinë publike

luanmorina — Thu, 22 Mar 2012 16:59:06 +0000

Këtë të enjte, Jeta në Kosovë transmeton debatin për gjendjen në shëndetësinë publike.
Cilat janë të gjeturat dhe rekomandimet e raportit vjetor të BIRN-it, i cili analizon gjendjen në shëndetësi?
Pse edhe 12 vjet pas lufte ka mungesë barnash esenciale nëpër institucione shëndetësore?
Pse nuk janë unike shërbimet shëndetësore në nivel vendi?
Pse spitalet nuk i shfrytëzojnë kapacitet që i kanë?
Kur do të miratohen ligji për shëndetësi dhe ai për sigurime shëndetësore?
A janë këto ligje, çelës i zgjidhjes së problemeve në këtë fushë?
Për të diskutuar për këto tema, Muhamet Hajrullahu ka ftuar:
Curr Gjocaj – drejtor i Departamentit të Shërbimeve Shëndetësore, Ministria e Shëndetësisë;
Haxhi Avdyli – Grupi për Shëndetësi, LDK;
Time Kadrijaj – Komisioni parlamentar për Shëndetësi, AAK;
Alban Selimi – gazetar, BIRN.
Gjithashtu BIRN-i transmeton dhe reportazhin e gazetarit Alban Selimi që tregon se çka ka gjetur ekipi televiziv, natën kur ka vizituar disa qendra të mjekësisë familjare.
Jeta në Kosovë, çdo të enjte në 20:20, dhe repriza, të nesërmen në mesditë.

Jeta në Kosovë diskuton për vendosjen e arkave fiskale

luanmorina — Thu, 08 Mar 2012 17:59:03 +0000

Jeta në Kosovë, këtë javë, diskuton për projektin e vendosjes së arkave fiskale. Sa biznese kanë vendosur arka fiskale? Pse pompat e karburanteve nuk i kanë vendosur këto arka? Çfarë problemesh teknike ka në realizimin e këtij projekti? A është parandaluar ekonomia joformale? Si e vlerëson këtë projekt, ATK-ja dhe kompanitë që shesin arka fiskale, e si e vlerësojnë ekspertët e ekonomisë? Pse bizneset e vogla po ankohen në çmimet e larta të arkave?

Për të diskutuar për këtë çështje Muhamet Hajrullahu ka ftuar:

Behxhet Haliti – Drejtor i Administratës Tatimore të Kosovës;

Driton Shuki – Kompania “Gekos”;

Bashkim Shahini – Kompania “Dukagjini”;

Arbana Xharra – Redaktore e ekonomisë, “Zëri”;

Berat Rukiqi- Oda Ekonomike e Kosovës.

Gjatë emisionit, BIRN-i transmeton reportazhin që tregon se si e vlerësojnë bizneset vendosjen e arkave fiskale dhe çfarë ankesash kanë ata.

Gjithashtu BIRN-i transmeton edhe reportazhin e gazetares Edona Musa që tregon se cilat janë problemet e taksistëve në Kosovë. Pse disa taksistë kanë vendosur që gjobën që e marrin nga policia ta paguajnë me qëndrim në burg?

Jeta në Kosovë diskuton për reformën zgjedhore

luanmorina — Thu, 23 Feb 2012 13:27:14 +0000

Sonte, Jeta në Kosovë, flet për reformat për zgjedhje.
Çfarë pune ka bërë Komisioni për Reformën Zgjedhore?
Sa zona zgjedhore do të ketë në Kosovë? A do të jenë listat e hapura, apo të mbyllura?
Cili do të jetë pragu zgjedhor, të cilin partitë politike duhet ta kalojnë tash e tutje?
Si të sigurohemi që në zgjedhjet e ardhshme të mos ketë vjedhje votash?
A ka gjasa që Kosova të sigurojë eliminimin e dukurisë së vjedhjes së votave përmes Votimit Elektronik me Identifikim Biometrik?
Për të diskutuar për këto çështje, Muhamet Hajrullahu ka ftuar:
Halit Krasniqi – Anëtar i PDK-së në Komisionin për Reformën Zgjedhore;
Imri Ahmeti – Anëtar i LDK-së në Komisionin për Reformën Zgjedhore;
Alban Krasniqi – Përfaqësues i Vetëvendosjes në KQZ;
Faik Ispahiu – Drejtor ekzekutiv, Internews Kosova;
Jetmir Bakija – nga Instituti Demokracia për Zhvillim.

Jeta në Kosovë diskuton për bordet e ndërmarrjeve publike

luanmorina — Thu, 26 Jan 2012 14:19:05 +0000

Këtë të enjte, Jeta në Kosovë transmeton debatin, për performancën e bordeve të ndërmarrjeve publike.

Pse anëtarëve të ndërmarrjeve publike iu është vazhduar mandati edhe për një kohë?

Sa janë të politizuara këto borde, dhe a ka emërime e punësime, në baza partiake?

Çfarë po ndodhë me bordin Ujësjellësit “Radoniqi” në Gjakovë? Kush po e konteston kryeshefin e ri, dhe pse?

Për të diskutuar për këto çështje, Muhamet Hajrullahu ka ftuar:

Gani Koci – zv.ministër i Zhvillimit Ekonomik;

Lutfi Zharku – ish-ministër i Tregtisë dhe Industrisë;

Lorik Bajrami – nga OJQ Çohu dhe

Shkamb Qavdarbasha – nga OJQ INDEP.

Në kuadër të emisionit, BIRN transmeton reportazhin e gazetares Edona Musa që tregon se pse nga disa ish-anëtarë të bordit të “Radoniqit” nuk po pranohet drejtori i ri.

BIRN gjithashtu transmeton edhe reportazhin që tregon se sa fëmijë do të shkojnë për shërim me fondet e mbledhura në Gala Mbrëmjen e 1 Dhjetorit 2011, të organizuar nga shoqata bamirëse “Nëna Terezë” dhe Jeta në Kosovë.

/Jeta në Kosovë/