Telekomanda » RealityTV

Eliminohet Afërdita Dreshaj

luanmorina — Fri, 18 May 2012 12:41:52 +0000

Ka qene si gjithmonë emocionues vendimi i radhës për largimin e një prej personazheve VIP nga Dancing Albania, por mbrëmjen e te enjtes sfida vuri përballë dy bukuroshe dhe mikesha te ngushta, duke e bere eliminimin me te vështirë dhe prekës. Afërdita Dreshaj, u largua kështu nga gara me e madhe e kërcimit ne ekranet shqiptare, për te lënë ne spektakël këngëtaren Adelina Tahiri. Me herët gjate mbrëmjes 7 yjet e mbetur ne gare, performuan edhe këtë puntate ne disiplina te ndryshme qe nga klasiku vals e deri tek sensualja rumba, ku personazhet si çdo te enjte u veshën me elegance nga Ardi Asllani. Prokuksioni i “Tring Dixhital” e “Vizion Plus”, i cili i kushtohet tërësisht kërcimit dhe emocioneve qe te fal ai, nisi ne fakt me një homazh kushtuar mjeshtrit te koreografisë, Agron Aliaj, i cili u nda nga jeta paraditen e te enjtes. E ftuar speciale ishte edhe këngëtarja Besa me një nga hitet e saj me te reja, por e veçanta e mbrëmjes mes surprizave ishte musicali qe stafi i balerinëve profesioniste, personazheve VIP, Anjeza Shahinit, Albi Xhepes dhe orkestrimit te veçante te Alfred Kaçinarit, prezantuan nen ritmet e këngëve me te bukura te legjendareve Queen. /Vizion Plus/

ABC rikthen tre reality-show

luanmorina — Fri, 11 May 2012 15:18:04 +0000

Dancing with the Stars do të rikthehet për sezonin e 15të dhe të 16të që do të shfaqen në vjeshtë dhe në pranverën e ardhshme në rrjetin amerikan ABC. Derisa shou për gjetjen e burrit të ëndrrave, The Bachelor (Beqari) do të kthehet për ciklin e 17të.

Nga reality-shout do të rikthehet edhe versioni amerikan i Dragon’s Den, Shark Tank. Shark Tank do të rikthehet për sezonin e katërt derisa këtë sezon ka qenë shumë më e shikuar se sa emisioni konkurrent Undercover Boss në CBS.

ABC ka rinovuar edhe një mori serialesh të cilat mund ti gjeni në këtë artikull. /Telekomanda/

Seldi eliminohet nga “Dancing with the stars”

luanmorina — Thu, 10 May 2012 23:52:50 +0000

Qëndrimi ne gare i bukuroshes Aferdita Dreshaj, solli largimin e këngëtarit Seldi Qalliu nga puntata e mbrëmjes se te enjtes ne “Dancing with the Stars Albania”. Ndryshe nga herët e tjera, këtë mbrëmje nuk ishte Ilir Shaqiri ai qe tha fjalën e fundit, pasi si Alfred Kaçinari dhe Iva Tiço përkrahen qe ne fillim Afërditën dhe valsin e saj.
Spektakli i radhës se këtij prodhimi te suksesshëm te “Tring Dixhital” e “Vizion Plus”, ishte një mbrëmje e veçante edhe për muzikën e përzgjedhur. Personazhet vip, performuan ne plot 8 disiplina te ndryshme dhe te gjitha koreografitë u interpretuan me muzike te lehte shqiptare, kryesisht këngë hite para dhe pas viteve ’90. E si për te përligjur mbrëmjen e muzikës shqiptare, një panel me artiste te njohur si Agim Krajka, Irma Libohova, Jonida Maliqi, Sidrit Bejleri dhe Altin Goci ishin ftuar për te komentuar here pas here performancat e yjeve. Mbrëmja e surprizave u mbyll me një prej këngëve me te dashura te Irma Libohovës, e cila u shoqëruar nga kompozitori i njohur Agim Krajka. /Vizion Plus/

DWTSA: Eliminohen Niada Saliasi e Arben Imami

luanmorina — Fri, 27 Apr 2012 12:35:40 +0000

Mbrëmje e pafat për njerëzit e kinemasë në Dancing With the Stars Albania 3. Mes lotëve dhe emocioneve të mëdha regjisorja Niada Saliasi e ka mbyllur aventurën e saj në spektaklin e transmetuar drejtpërdrejtë në Vizion Plus dhe Tring Digital. I eliminuari i dytë i kësaj së enjteje ishte aktori Artan Imami, i cili siç deklaroi vet, pati një tërheqje muskulare dhe u detyrua të tërhiqet nga gara pa vallëzuar.

Niada Saliasi rrëfen për këtë rrugëtim të veçantë me yjet në botën e spektaklit televiziv dhe magjinë e vallëzimit që e ofron vetëm Dancing With the Stars.

Të rrezikuar për largim në këtë mbrëmje kanë qenë edhe dy vipa të tjerë, Seldi me Zhakun. Madje nga mbrëmja në mbrëmje emocionet sa vijnë e shtohen për Seldin, i cili është përballur disa herë me nominimet e shpeshta për t’u larguar pas klasifikimit të tij në zonën e rrezikut.

Por padyshim qe personazhi më i veçantë që vazhdon të jetë e lirë në botën e saj, duke u përpjekur të shijojë maksimumin e lojës dhe të argëtimit duke nxjerrë në pah kreativitetin dhe një pjesë të panjohur të saj për publikun, është Zhaku.

Spektakli i producentes, Hotla Dulaku ka ofruar magjinë e vërtetë në teatrin e yjeve ku përveç vallëzimeve të vipave nuk kanë munguar numrat speciale. Sidomos baleti i Enada Hoxhës, shoqëruar nga Gerd Vaso dhe balerinët e tjerë profesionistë i ka befasuar të gjithë për koreografinë e veçantë dhe interpretimin e lartë artistik.

Pjesë e spektaklit kanë qenë edhe të ftuarit specialë të cilët kanë folur mbi vallëzimin dhe kanë sjellë një tjetër atmosferë në Dancing With the Stars. Emra mjaft të njohur të jetës publike dhe femra në karrierë si Monika Kryemadhi, Diana Çuli apo mexosopranoja Vikena Kamenica, kanë ditur që me sharmin e tyre të tërheqin vëmendjen duke e bërë edhe më të këndshme këtë mbrëmje për shqiptarët në gjithë botën, të cilët e kanë ndjekur spektaklin Dancing With the Stars Albania falë transmetimit satelitor të platformës Tring Digital. /Tring Digital/

Big Brother 5: Largohet Meti

luanmorina — Sun, 15 Apr 2012 06:22:21 +0000

Ky ishte fundi i aventurës Big Brother për Metin pasi shqiptarët zgjodhën atë për tu larguar nga shtëpia më e famshme në Shqipëri.

Gara mes banorëve të këtij edicioni të pestë të Big Brother po bëhet më e fortë dhe kanë nisur të krijohen aleanca.

Vëllai i Madh vendosi që natën e spektaklit djemtë e shtëpisë të nominonin njëri-tjetrin dhe arsyet mund t’i dëgjonin. Dy më të votuarit shkuan automatikisht në nominim. Ata janë Arbri dhe Dritani, por asgjë nuk përfundoi këtu. Vajzat ishin përballë zgjedhjes për të shpëtuar njërin prej tyre përveç Arbrit dhe Dritanit. Nga kjo përzgjedhje banori tjetër që shkoi në kandidim është Edgari. Tani shqiptarët duhet të japin verdiktin e tyre gjatë javës për largimin e një prëj tyre.

Prova e javës ka qenë jo pak zbavitëse për banorët: për ta kjo qe një javë e kulturës rome ku ata mësuan edhe ritet e tyre e u është dashur që shpesh të jetojnë si ata gjatë javës.

/Top-Channel/

Xhani eliminohet nga Dancing with the Stars

luanmorina — Fri, 13 Apr 2012 13:53:13 +0000

Xhani Shqerra është mënjanuar nga gara Dancing with the Stars Albania 3, pasi nuk ia doli të bind jurinë me tangon e saj finale kundrejt paso dobles të Adelina Tahirit. Modeli nga Shqipëria dhe këngëtarja kishin marrë më së paku pikë të jurisë dhe vota të publikut që i detyroi të vallëzonin edhe një herë në Dance Off për të mbijetuar eliminimin.

Për dallim prej mbrëmjeve të kaluara, mysafirë ishin edhe 10 gazetar të cilët kohë pas kohë vlerësonin valltarët. Në mesin e mysafirëve ishte edhe këngëtari Mentor Haziri, derisa çaste të mira dhuroi edhe rivitalizimi i aktit vallëzues nga filmi i njohur amerikan Grace që përfshiu kastin profesionist të balerinëve dhe moderatoren Amarda Toska. /Telekomanda.com/