Telekomanda » Satelitët

Disney Channel në Digitalb

luanmorina — Thu, 17 May 2012 14:29:59 +0000

Platforma satelitore Digitalb nga 1 qershori do të shtoj në ofertën e saj kanalin e mirënjohur ndërkombëtar për fëmijët, Disney Channel. Kanali do të jetë pjesë e pakos bazë të Digitalb, derisa për transmetimin e tij do të përdoret transponderi i platformës Total TV.

Disney Channel transmeton nga sateliti Eutelsat 16A në 16shkallë në Lindje, në frekuencën 11386, polarizacioni Horizontal, SR: 30000 dhe FEC: ¾. / Media & Televizioni/

BBC World News në 300 milionë shtëpi

luanmorina — Thu, 17 May 2012 07:27:09 +0000

Kanali informativ BBC World News është i pranishëm në 300 milionë ambiente banimi. Vetëm gjatë 12 muajve të fundit ky kanal është rritur për 40 milionë shtëpi tjera duke arritur shifrën rekorde prej 300 milionë në mbarë botën.

Në këtë rritje më së shumti ka kontribuar përhapja në disa tregje të mëdha si Comcast në SHBA, TV4 në Suedi, ERT S.A. në Greqi, dhe marrëveshja me kompaninë Disney në Japoni.

Kontribut të madh në rritjen e shikueshmërisë ka dhënë marrëveshja me Comcast në SHBA, duke rritur 100% shikueshmërinë potenciale në këtë vend.

Në Evropë kanali ka shënuar rritje prej 15%, derisa në Francë kjo rritje ka qenë në shifrat e mahnitshme, 119%, derisa në Greqi rritja ka qenë për 549%.

Fundi për Orange Sport

luanmorina — Tue, 15 May 2012 18:48:28 +0000

Kanali sportiv francez, Orange Sport, do të mbyll transmetimin me 30 qershor. Kanali ka mbi 400 mijë parapapagues të cilët do të mund të shohin kanalet e reja të Al Jazeera Sports, beIN 1 dhe 2. Parapagimi për këto dy kanale do të kushtoj 11 euro në muaj.

Ndeshja e fundit që do të transmetohet në këtë kanal do të jetë me 20 maj.

Para disa ditëve kanale Orange Cinema ishin bërë pjesë e platformës CanalSat.

SES planifikon 7 satelitë të rinj

luanmorina — Tue, 15 May 2012 18:42:19 +0000

Operatori satelitor, SES apo siç njihet edhe Astra gjatë dy viteve të ardhshme do të lançoj 7 satelitë të rinj në orgbitë.

Sateliti i parë SES-5 do të lançohet në çerekun e dytë të vitit 2012 dhe do të vendoset në pozitën 5 shkallë në lindje.

Gjatë këtij viti planifikohet të lançohet edhe sateliti Astra 2F që do të operoj në pozitën 28.2 shkallë në Lindje.

Vitin e ardhshëm në çerekun e parë vjen sateliti SES-6 (319.5°Lindje), në çerekun e dytë vijnë dy satelitë: SES-8 (95°Lindje) dhe Astra 2E (28.2°Lindje). Sateliti i fundit që do të lançohet vitin e ardhshëm është Astra 5B që do të pozicionohet në 31.5°Lindje, ndërsa viti 2014 nis me satelitin Astra 2G që do të vendoset edhe ai në 28.2°Lindje.

LaSexta lançon Xplora

luanmorina — Tue, 08 May 2012 08:02:49 +0000

Kanali kombëtar spanjoll, LaSexta ka lançuar një kanal të ri dokumentar i cili do të zëvendësoj kanalin e dytë e kësaj shtëpie televizive, LaSexta2.

Kanali dokumentar i ri do të quhet Xplora. Ky kanal do të shfaq tituj dokumentarë nga produksione si BBC, National Geographic, History, HBO, dhe të tjera.

Skema programore e kanalit do të ketë një primetime të diversifikuar me tema të ndryshme në ditë të caktuara të javës. Të shtunave do të shfaqen dokumentarë në teori mbinatyrore dhe konspirative, derisa të dielave do të shfaqen dokumentarë të vlerësuar.

Xplora do të transmetoj edhe online në Canalxplora.com dhe programet do të jenë në dispozicion edhe në seksionin e dokumentarëve në shërbimin VoD të LaSexta-s në LaSextaOn.

Në mesin e programeve fillestare që do të transmetohen do të jenë edhe seritë e njohura të BBC-së, Planet Earth dhe Walking with Dinosaurs. /Telekomanda/

Sky Atlantic ecën me kohën

luanmorina — Mon, 07 May 2012 10:58:09 +0000

Kanali i zhanrit kolazh me parapagim në Gjermani, Sky Atlantic do të nis transmetimet me 23 maj. Kanali është i ngjashëm me kanalin simotër britanik, Sky Atlantic, dhe deri tani ka siguruar marrëveshje me përmbajtjet e Premium kanalit amerikan, HBO. Serialet si True Blood, Game of Thrones dhe Supernatural.

Pos serialeve më të njohura, Sky Atlantic gjerman do të ketë edhe shoun e vonshëm të mbrëmjes duke nënshkruar me moderatorin e njohur, Harald Schmidt.

Schmidt emisionin e fundit të tij në Sat.1 e ka realizuar javën e kaluar. Shou i tij i ri në Sky Atlantic do të transmetohet tri herë në javë, nga e marta deri të enjten në ora 22:15. Emisioni do të jetë në dispozicion edhe në shërbimet Sky Go dhe Sky Anytime.

Ai shpesh është krahasuar me yje të programeve të vonshme në SHBA si David Letterman, Jay Leno dhe Conan O’Brien. /Telekomanda/