Category: Lajme

27.8 milionë shikues janë vendosur para ekraneve televizive që të përcjellin karakterin që dominoi komedinë në 8 vitet e fundit në kanalet amerike, Charlier Harper. Karakteri i portretizuar nga Charlie Sheen u përcjell në mënyrën më “poshtëruese” të mundur, e dashura e kishte hedhur para trenit dhe nuk kishte mbetur asgjë pos hirit i cili në fund u nevojit të mblidhej me thithëse elektrike. Charlie Sheen ishte dëbuar nga seriali pas problemeve me alkool dhe drogë dhe përleshjes me kreatorin e serialit, Chuck Lorre. Episodi i parë shënonte edhe rikthimin e suksesshëm të Ashton Kutcher në televizion, i cili në Two and a Half Men do të portretizoj bilioneri Warren Schmidt, i cili në episodin e parë shumicën e kohës e kaloi i zhveshur.

Episodi i parë i sezonit të nëntë pati rejting prej10.3 dhe shpërndarje prej 24 në demografinë kryesore 18-49 vjeç. Praktikisht çereku i amerikanëve që ishte para televizorit shikuan Two and a Half Men, që ishte episodi më i shikuar në histori të serialit dhe gjithashtu programi më i shikuar që nga shpërndarja e çmimeve Oskar me 27 shkurt. Numrat e parë sugjerojnë që Two and a Half Men do të mbijetoj shkëlqyeshëm edhe pa Charlie Sheen, derisa paraqitja e parë e Ashton Kutcher ka pranuar kritika pozitive nga pjesa dërmuese e kritikëve televiziv.

Read Full Article

… vazhdon nga dje

E martë

Të martat do të vazhdojnë të dominohen nga CBS edhe më tutje. Kjo do të jetë falë dy orëve të NCIS ë sjellin zakonisht deri në 20 milionë shikues. Interesante do të jetë të shohim se si do të performojë Unforgettable në ora 10. Ata do të kenë përballë Body of Proof dhe Parenthood, dy seriale që nuk janë në mesin e më të mirave, prandaj edhe Unforgettable nuk do të ketë ndonjë standard të lartë për të arritur qysh në sezonin e parë, por CBS di të anulojë edhe seriale që për televizionet tjera do të ishin thesar, siç ndodhi me Shit My Dad Says vitin e kaluar.

Fox do të vazhdoj të mbaj demografinë kryesore, 18-49 vjeç. Glee akoma do të arrij të josh 10-15 milionë shikues, por ky serial është në rënie dhe më së shumti do të mund të jetë kaq lart edhe për dy vite. Në ora 9 do të kemi serialin e ri, New Girl që pritet të jetë një hit këtë vit në Fox. Më pas vjen Raising Hope një komedi e mirë solide, por që nuk josh shumë shikues.

ABC do të filloj mbrëmjen me dy komedi të reja, Last Man Standing dhe Man Up. Pritet të shihet se si do të ballafaqohen me konkurrencën kryesore, Glee, por nuk dyshoj që Tim Allen do të jetë dështim total. Në ora 9 vazhdojnë rezultatet e DWTS që gjithnjë mbledh miliona para ekraneve, dhe gjithçka që mbetet më shumë se gjysma e DWTS për Body of Proof është sukses. Në dimër kur pushon Dancing with the Stars, në ekran vijnë Cougar Town me Courtney Cox, definitivisht për sezonin e fundit, dhe komedia e re që nuk besoj se do të rikthehet Apartment 23.

NBC sjell dy orë të The Biggest Looser, një realiti shou për humbje peshe që sjell shikueshmëri solide, dhe më pas seriali Parenthood, që vazhdon të qëndroj në skemë edhe pas dy sezoneve relative.

CW rikthen formatin e ri të 90210, ndërsa njëri nga serialet që pritet të ketë sukses këtë sezon në CW pritet të jetë Ringer me Sarah Michelle Gellar

Më poshtë mund të gjeni orarin e të hënave në kanalet kombëtare amerikane dhe gjithashtu nga një përshkrim dhe trailer për serialet e reja.

ABC
08:00 Last Man Standing
08:30 Man Up
09:00 Dancing with the Stars (Cougar Town në pranverë)
09:30 (Apartment 23 në pranverë)
10:00 Body of Proof

CBS
08:00 NCIS
09:00 NCIS: Los Angeles
10:00 Unforgettable

Fox
08:00 Glee
09:00 New Girl
09:30 Raising Hope

NBC
08:00 The Biggest Loser
10:00 Parenthood

CW
08:00 90210
09:00 Ringer

 

Last Man Standing (ABC)

Seriali ndjek Mike Baxter, një drejtor marketingu i pajisjeve sportive në Colorado. Jeta e tij shtëpiake dominohet nga femrat, gruaja e tij dhe tri vajzat, njëra nga të cilat është nënë e vetme.
Në rolin kryesor është njëri nga aktorët më të paguar në televizion tani, Tim Allen të cilin sigurisht e njihni nga seriali i famshëm Home Improvement. Krah tij do të jetë edhe Nancy Travis që ndoshta ju kujtohet nga seriali Becker (i transmetuar në KTV) si dhe disa episode nëpër seriale të ndryshme si Medium, Desperate Housewives, Grey’s Anatomy etj. Paraqitja e Tim Allen pritet të josh shikueshmëri të madhe për shkak të reputacionit të tij, por rikthimet e të famshme nuk funksionojnë gjithmonë. Vitin e kaluar shou i Paul Reiser (Mad About You) u anulua vetëm pas një episode, ndërsa një shou jo shumë jetëgjatë në TV e pati edhe i famshmi Jerry Seinfeld, The Marriage Ref.

Man Up (ABC)

Tre djem të rinj jetojnë jetën me stil fëmijësh dhe vendosin që duhet të bëjnë të vetmen gjë që nuk e kanë bërë deri më tani: të veprojnë si burra. Përsëri një temë që ka qenë e provuar në TV, së fundmi vitin e kaluar me Traffic Light që ishte anuluar pas gjysmë sezoni. S’mendoj që do të funksionoj sidomos pasi nuk ka ndonjë aktor të famshëm që do të joshte audiencë.
Në rolet kryesore luajnë Christopher Moynihan, Dan Fogler, Mather Zickel e Henry Simmons.

New Girl (Fox)

Jessica është një vajzë e bukur në pjesën e dytë të viteve të 20ta dhe e cila po mundohet të rehatoj jetën pas ndarjes nga i dashuri i saj model. Ajo do të gjej një apartament të ri ku do të bashkëjetoj me tre djem beqar. Niku është një kamerier; Schmidt, një kasanova modern dhe profesionist; dhe Coach, një ish-atlet i shndërruar në trajner. Këtij grupi i bashkohet edhe Cece, shoqja top-modele e Jessicas. Të gjithë këta do të mundohen të ndihmojnë Jessica të mësoj për dashurinë, jetën dhe më së shumti për vetveten.
Në rolin kryesor luan Zooey Deschanel, nga filma si All the Real Girls, Bridge to Terabithia, The Happening, Yes Man, Days of Summer, si dhe shumë role episodike nëpër seriale të ndryshme, e edhe si këngëtare në duetin She & Him. Thjesht është një person që do të josh shumë audiencë të re dhe me një punë të mirë skenari, ky shou pritet të jetë një sukses për Fox.

Ringer (CW)

Dy motra binjake, Bridget dhe Siobhan, nuk janë takuar për gjashtë vite, kohë gjatë të cilës jeta e tyre ka ndryshuar shumë. Bridget është një narkomane dhe ish-stripere, në arrati prej një mafiozi ku ka qenë dëshmitare në një vrasje, derisa Siobhan ka një jetë përplot intriga të përzier deri në skaj. Derisa janë një udhëtim me anije, kjo e dyta zhduket dhe tani Bridget do të zëvendësoj atë në jetën e saj, që është një rast i përkryer për t’i ikur realitetin të saj të tmerrshëm.
Të dy karakteret portretizohen nga Sarah Michelle Gellar, rikthimi në ekran i të cilës është pritur me shumë kureshtje. Ajo njihet për rolin e saj në serialin Buffy the Vampire Slayer për të cilin ka fituar shumë shpërblime dhe ka bërë bujë në mbarë botën. Seriali pritet të jetë një sukses solid për CW, kanal që për shikues kryesore ka demografinë 18-49 tek femrat.

Apartment 23 (ABC)

Ngjarja zhvillohet rreth jetës së dy grave – një bariste që ka humbur një punë të madhe dhe një artiste rrugore të mençur, të cilat jetojnë në një apartament në New York. Nuk pritet të ketë ndonjë sukses të jashtëzakonshëm, por do të mund të mbush një vrimë në skemën e ABC deri në pushimin e Dancing with the Stars.
Në rolet kryesore luajnë Dreama Walker (është paraqitur në role episodike sidomos tek Gossip Girl dhe The Good Wife) dhe Krysten Ritter (role episodike tek Veronica Mars, Gilmore Girls, ‘Til Death etj) derisa rol ndihmës të madh do të ketë edhe aktori James Van Der Beek të cilin sigurisht e njihni nga seriali Dawson Creek (Vizion Plus) që do të luaj vetveten si karakter.

Unforgettable (CBS)

Carrie Wells, një detektive në policinë e New York vuan nga hypperthymesia, një gjendje mjekësore e rrallë që i mundëson asaj të mbaj në mend gjithçka. Ajo vazhdimisht refuzon ofertën e të dashurit të saj të bashkohet në departamentin për hulumtime derisa i ofrohet një rast specifik për të punuar që do të ndryshoj mendimin e saj: zbulimi se kush e ka mbytur motrën e saj.
Në rolet kryesore paraqitet Poppy Montgomery e njohur nga Without a Trace dhe kryesisht disa filma të prodhuar për TV. Përkrah do të ketë Dylan Walsh me përvojë nga serialet Nip/Tuck, Everwood dhe filma jo shumë të njohur. Nuk duket ndoshta një serial premtues por me miliona shikues që sjell NCIS: LA mund të jetë një sukses i CBS, së paku për një sezone.


vazhdon nesër…

Read Full Article

Emisioni më i mirë debatues në ekranet tona, Rubikon me Adriatik Kelmendin, rikthehet me sezonin e ri në KTV këtë të martë. Siparin e sezonit të tetë të Rubikon do ta ketë nderin ta hap kryetari i LDK-së dhe komunës së Prishtinës Isa Mustafa.

Edhe këtë sezon Rubikon do të shfaqet tri herë në javë, nga e marta deri të enjten në ora 20:05. Pos debateve për tema aktuale që do të shtjellohen gjatë tërë vitit me mysafirë të ndryshëm, do të vazhdojnë edhe rubrikat e veçanta si Rubikon Pa Kravatë që do të shtjelloj tema që nuk kanë të bëjnë me politikën dhe rubrika Rishikimi i Historisë me fytyrat kryesore të luftës së fundit. Risi këtë sezon do të jetë rubrika e re Pavarësia ku Adriatik Kelmendi do të diskutoj me personalitete të ndryshme botërore procesin e pavarësisë së Kosovës. Mos harroni Rubikoni kalohet vetëm në KTV!

Read Full Article

Si zakonisht një ditë pas ndarjes së shpërblimeve për mjeshtri në televizion, Emmy fillon sezoni i ri televiziv në kanalet kombëtare në SHBA. Edhe këtë sezon do të ketë një mori debutimesh në televizion. Me fillimin e sezonit të ri në Telekomanda do të publikojmë analizat për çdo ditë të javës duke filluar nga kjo e hënë.

E hënë

Të hënat janë ditët kur më së shumti shikohet televizion në kanalet amerikane. Edhe këtë sezon ABC pritet të dominoj në numrin e shikuesve me Dancing with the Stars, ndërsa CBS pritet të qëndroj e para në demografinë 18-49 vjeçare. ABC pas DWTS do të vazhdoj me sezonin e katërt të serialit Castle që do të transmetohet në ora 10. Ai do të shkoj kundër Hawaii Five-0 në CBS që hyn në sezonin e dytë pas një suksesi solid në sezonin e parë. NBC në këtë orar do të transmetoj seriale të reja. Në vjeshtë do të shfaqet The Playboy Club, një dramë e stilit të Mad Men, ndërsa në mes-sezonë vendin e saj do të zë seriali muzikal i ngjashëm me Glee, Smash.

CBS do të vazhdoj të jetë i vetmi televizion që shfaq komedi të hënave, orar që i ka sjell me dhjetëra miliona shikues. Pa Charlie Sheen, Two and a Half Men nuk pritet të ketë shikueshmëri të ngjashme si vitin e kaluar, por megjithatë pritet të dominoj mbrëmjen tek programet e skriptuara. Aty do të jetë edhe sezoni i shtatë i How I Met Your Mother, që pritet të ofroj shumë përgjigje në sezonin e parafundit. Mike & Molly që fitoi Emmy-n e parë, do të vazhdoj të ruaj audiencën e Two and a Half Men në ora 9:30. Sukses pritet të jetë edhe seriali i vetëm debutues i të hënave në CBS, 2 Broke Girls i cili ka marrë lëvdata nga kritik të shumtë e gjithashtu edhe promot e para duken mjaft shpresëdhënëse. Ndoshta më në fund CBS ka gjetur serialin që do të përmbyllte hallkën e suksesshme të së hënës në CBS, duke mbuluar me sukses edhe programimin në ora 8:30.

Fox në vjeshtë do të transmetoj të shumëpërfolurin serial të Steven Spielbergut, Terra Nova, diqka që duket të ngjaj në Avatar. Në ora 9 do të vazhdojnë aventurat e House në sezonin e fundit. Në mes-sezonë House do të rikthehet në ora 8, ndërsa në ora 9 do të filloj të shfaqet seriali Alcatraz.

NBC të hënave në prime-time gjatë vjeshtës do të transmetoj garën The Sing-Off, ku kërkohen talente muzikore, ngjashëm si në garën The Voice që do të rikthehet në pranverë. Do të jetë interesante të shohim si do funksionojnë këto programe sidomos The Voice karshi Dancing with the Stars në ABC.

CW do të vazhdoj edhe këtë vjeshtë me Gossip Girl, ndërsa në ora 9 do të filloj seriali i ri Hart of Dixie me Rachel Bilson në rolin kryesor. Si zakonisht CW nuk pritet të ofroj numra të mëdhenj, por ka sukses në demografinë e synuar, femrat 18-49 vjeç.

Më poshtë mund të gjeni orarin e të hënave në kanalet kombëtare amerikane dhe gjithashtu nga një përshkrim dhe trailer për serialet e reja.

ABC
08:00 Dancing with the Stars
10:00 Castle

CBS
08:00 How I Met Your Mother
08:30 2 Broke Girls
09:00 Two and a Half Men
09:30 Mike & Molly
10:00 Hawaii Five-0

Fox
08:00 Terra Nova (House në pranverë)
09:00 House (Alcatraz në pranverë)

NBC
08:00 The Sing-Off (The Voice në pranverë)
10:00 The Playboy Club (Smash në pranverë)

CW
08:00 Gossip Girl
09:00 Hart of Dixie

The Playboy Club (NBC)

Seriali është i vendosur në vitin 1963 rreth punëtorëve të asaj që njihet edhe si Playboy Club-i p arë në Chicago. Në rolet kryesore luajnë Amber Heard, Eddie Cibrian dhe Naturi Naughton.

 

Smash (NBC)

Shfaqja përcjell ndodhitë e një grupi të karaktereve të cilat bashkohet për të përgatitur një muzikal të bazuar në jetën e Marilyn Monroe që do të shfaqej në Broadway. Para se të ndodh kjo, ata duhet të rregullojnë problemet e tyre personale. Seriali do të përfshijë muzikë origjinale nga kompozitorëst Marc Shaiman dhe Scott Wittman të njohur për shfaqjen Hairspray.
Në rolet kryesore luajnë Debra Messing që e njihni nga seriali i famshëm Will & Grace, dhe disa aktorë tjerë të cilët deri tani kryesisht kanë realizuar shfaqje teatrore në Broadway.

2 Broke Girls (CBS)

Seriali tregon për jetën e dy kameriereve që jetojnë në New York. Njëra, Max vjen nga një familje e varfër, dhe tjetra, Caroline, ka lindur e pasur, por tani është pa fat, dhe punojnë së bashku në një restorant në Brooklyn. Të dyja bëhen mike të mira dhe ndërtojnë ëndrrat e tyre për të hapur një dyqan çokollatash për të cilin do të nevojiteshin 250,000$. Problemi qëndron se me pagat aktuale ato mëzi që arrijnë të paguajnë faturat mujore. Në mesin e karaktereve tjera në serial është edhe shefi i tyre, Han Lee, Oleg – një kuzhinier rus, dhe Earl- faturisti.
Në rolet kryesore luajnë Kat Dennings që deri tani kryesisht ka qenë aktore mysafire në disa lloje të dramave duke filluar me Sex and the City, CSI, ER etj, dhe Beth Behrs e cila deri më tani nuk ka qenë shumë prezente para kamerave.

Hart of Dixie (CW)

Seriali përcjell jetën e Dr. Zoe Hart dhe zhvendosjen e saj në qytetin Bluebell në shtetin Alabama. Aty ajo do të filloj të kërkoj punë pasi kjo ishte vështirë të realizohet në New York. Në rolin kryesor luan Rachel Bilson që njihet për paraqitjet e saja në The OC  ku ka luajtur karakterin e Summer Roberts si dhe disa role mysafire në seriale si That ‘70s Show, Chuck, e How I Met Your Mother. Krah saj do të paraqitet edhe Scott Porter që njihet nga seriali Friday Night Lights si dhe filmat si Music and Lyrics, Prom Night, e Dear John.

Terra Nova (Fox)

Seriali fillon në vitin 2149, koha kur e tërë jeta në planetin Tokë është rrezikuar me shkatërrim në bazë të asaj që është shfaqur në promo. Në tentim për të shpëtuar racën njerëzore, shkencëtarët zhvillojnë një makinë kohe që do të lejoj njerëzit të udhëtojnë 85 milionë vite në kohën parahistorike në Tokë. Familja Shanon e përbërë nga babai Jim, gruaja e tij Elisabeth, dhe tre fëmijët e tyre Josh, Maddy dhe Zoe bashkohet me një grup në Terra Nova, kolonia e parë në pjesën tjetër të jetës. Sidoqoftë, ata nuk janë në dijeni se ata gjenden në mesin e një grupi të dinozaurëve.
Në rolet kryesore luajnë Jason O’Mara i njohur nga serialet si Grey’s Anatomy, versioni amerikan i Life on Mars, e The Agency; Stephen Lang që mund ta njihni nga filmat si Avatar, The Men Who Stare at Goats, Public Enemies, e Gettysburg; dhe aktorja angleze Shelley Conn e njohur nga serialet angleze si Casualty, Mistresses (i shfaqur në Top Channel), e Marchlands.

Alcatraz (Fox)

Ngjarja zhvillohet në burgun e famshëm të San Franciscos ku do të portretizohen ngjarje të ndryshme lidhur me këtë vend. Në rolet kryesore paraqiten Sarah Jones e njohur nga rolet mysafire në Sons of Anarchy, House, e Justified; Jorge Garcia që më së miri e njohim nga seriali i famshëm Lost; dhe Sam Neill i njohur nga filmat si Little Fish, Wimbledon, Daybreakers etj.

Read Full Article

Tashmë dihet juria e formatit të ri televiziv The Voice që do të filloj këtë sezon në Top Channel. Elton Deda, Alma Bektashi, Sidrid Bejleri, dhe çifti Miriam Çani e Alban Skënderaj do të përzgjedhin në fazën e parë dhe do të stërvitin zërat e rinj shqiptar në vjeshtë. Juria e këtij formati ka katër përzgjedhës, por siç raporton Panorama Miriam Çani dhe Alban Skënderaj do të bëjnë një skuadër të vetme. Formati The Voice është një shou ku këngëtarët garojnë së pari për mentorët e tyre e më pas do të luftojnë me këndim brenda grupit të mentorit të tyre për të arritur deri në finale. Për më shumë rreth këtij formati do të mund të lexoni në artikullin special për sezonin e ri televiziv në Top Channel.

Read Full Article

Me mbarimin e sezonit veror që karakterizon kanalet kabllore në SHBA, tani është koha për të shpërblyer produktet më të mira në televizion. USA Network që ka audiencën më të madhe tek kanalet kabllore ka rinovuar për një sezone shtesë tri drama. Verën e ardhshme do të rikthehen Covert Affairs, Royal Pains dhe Necessary Roughness. Të tri serialet do të kenë nga 16 episode shtesë. Covert Affairs rikthehet për sezonin e tretë, Royal Pains për të katërtin, derisa Necessary Roughness do të vjen me sezonin e dytë. Më herët USA kishte rinovuar me Burn Notice, White Collar, Suits dhe In Plain Sight.

Read Full Article

Aktorja më e mirë në dramë - Julianna Margulies

Ashtu si edhe vitin e kaluar komedia e ABC-së, Modern Family dominoi në zhanrin komedi. Seriali persëri u shpall komedia më e mirë e sezonit të kaluar, ndërsa fitoi edhe shpërblimet për aktorin më të mirë dytësor, skenar dhe regji. Këtë vit ishte Ty Burrell që fitoi në kategorinë e aktorit dytësor më të mirë në komedi, ndërsa tek femrat kjo i takoi Julie Bowen. Në rolin e aktores kryesore në komedi si befasi ishte fitorja e aktores Melissa McCarthy për rolin e saj në serialin debutues Mike&Molly. Ndërsa tek kategoria për aktorin më të mirë në komedi përsëri më i miri ishte Jim Parsons për rolin e tij në serialin The Big Bang Theory.

Charlie Sheen

Në zhanrin dramë ishte përsëri seriali Mad Men i cili për të katërtën herë radhazi fitoi shpërblimin për dramën më të mirë. Pa u çmuar tek zhanri dramë nuk mbeti as drama veterane që pranverën e kaluar mbaroi rrugëtimin e saj, Friday Night Lights. Seriali triumfoi në kategorinë për aktorin më të mirë në rol kryesor në dramë, Kyle Chandler si dhe për skenarin më të mirë për dramë. Aktorja më e mirë në zhanrin dramë përsëri u shpall Julianna Marguiles nga seriali The Good Wife. Peter Dinklage nga Game of Thrones ishte aktori më i mirë dytësor në dramë, derisa tek femrat kjo i takoi aktores Margo Martindale për rolin e saj në serialin Justified.

Në rangun e miniserialeve dhe filmave për TV dominoi filmi Mildred Pierce duke marrë shpërblimet për rolet kryesore. Tek aktorët kjo i takoi Guy Pearce, ndërsa tek aktoret më e mira ishte Kate Winslet. Megjithatë miniseriali më i mirë u shpall Downton Abbey.

Vlen të theksohet edhe Emmy i nëntë radhazi për shoun e Comedy Central, The Daily Show with John Stewart që fitoi edhe shpërblimin për skenarin më të mirë. Tek realiti shou më i miri përsëri ishte The Amazing Grace.

Mbrëmja u karakterizua nga shumë prezantues interesant përfshirë edhe Charlie Sheen e Ashton Kutcher, derisa shfaqja u udhëheq nga e shkëlqyeshmja Jane Lynch.

Komedia më e mirë:

Modern Family (ABC)

 

Drama më e mirë:

Mad Men (AMC)

 

Miniseria/TV Filmi më e mirë:

Downtown Abbey – Masterpiece (PBS)

 

Aktori më i mirë në komedi

Jim Parsons (The Big Bang Theory, CBS)

 

Aktorja më e mirë në komedi

Melissa McCarthy (Mike & Molly, CBS)

 

Aktori më i mirë në dramë

Kyle Chandler (Friday Night Lights, NBC)

 

Aktorja më e mirë në dramë

Julianna Margulies (The Good Wife, CBS)

Read Full Article

Sonte në ora 2 pas mesnate fillon ceremonia e shpërndarjes së shpërblimeve të 63ta Emmy. Shou që do të udhëhiqet nga aktorja Jane Lynch e njohur nga roli i saj në serialin Glee në Kosovë do të transmetohen në RTK, ndërsa në Shqipëri këto të drejta i ka patur Klan TV, por të cilët nuk kanë lajmëruar ndonjë transmetim eventual. Në satelit në gjuhën origjinale, angleze mund ti ndiqni në kanalin turk e2 në Turksat, e gjithashtu edhe në kanalin CNBC-e Turkiye në formatin 16/9.

Edhe këtë vit në nominime udhëheq kanali HBO me 10 sosh, derisa Mildred Pierce është shou me më së shumti nominime, me 21.

Listën komplete si dhe një analizë më të gjerë të nominimeve mund të gjeni në postimin e parë të publikuar me 15 gusht, të cilin mund ta gjeni këtu ndërsa më poshtë do të shkruaj kategoritë kryesor si dhe favoritët e mi. Gjithashtu mos harroni të dëgjoni edhe podcastin tim personal në lidhje me nominimet për Emmy me një analizë tepër të detajizuar.

 

Luan Morina

 

Komedia më e mirë:

The Big Bang Theory (CBS)

Glee (Fox)

Modern Family (ABC)

The Office (NBC)

Parks and Recreation (NBC)

30 Rock (NBC)

 

Do të fitoj Modern Family që është edhe favoriti im pasi është komedia më e mirë në TV për momentin. Mos të nënvlerësojmë edhe The Office dhe The Big Bang Theory.

 

Drama më e mirë:

Boardwalk Empire (HBO)

Dexter (Showtime)

Friday Night Lights (NBC)

Game of Thrones (HBO)

The Good Wife (CBS)

Mad Men (AMC)

 

Boardwalk Empire është favoriti kryesor për të fituar, pa mos anashkaluar edhe Mad Men. Do të doja dhe do të ishte befasi sikur të fitonte Game of Thrones edhe pse është vetëm sezoni i parë.

 

Miniseria/TV Filmi më e mirë:

Cinema Verite (HBO)

Downtown Abbey – Masterpiece (PBS)

The Kennedys (ReelzChannel)

Mildred Pierce (HBO)

The Pillars of the Earth (Starz)

Too Big To Fail (HBO)

 

Mildred Pierce është favorit kryesor.

 

Aktori më i mirë në komedi

Steve Carell (The Office, NBC)

Louis C.K. (Louie, FX)

Johnny Galecki (The Big Bang Theory, CBS)

Matt LeBlanc (Episodes, Showtime)

Jim Parsons (The Big Bang Theory, CBS)

 

Përfundimi i rolit të tij në The Office mund ti sjell shpërblimin Steve Carrell. Do të doja që Jim Parsons të përsëriste suksesin.

 

Aktorja më e mirë në komedi

Edie Falco (Nurse Jackie, Showtime)

Tina Fey (30 Rock, NBC)

Laura Linney (The Big C, Showtime)

Melissa McCarthy (Mike & Molly, CBS)

Martha Plimpton (Raising Hope, Fox)

Amy Poehler (Parks and Recreation, NBC)

 

Do të fitoj favoritja ime Laura Linney. Ka bërë punë të shkëlqyeshme ngjashëm si Amy Poehler.

 

Aktori më i mirë në dramë

Steve Buscemi (Boardwalk Empire, HBO)

Kyle Chandler (Friday Night Lights, NBC)

Michael C. Hall (Dexter, Showtime)

Jon Hamm (Mad Men, AMC)

Hugh Laurie (House, Fox)

Timothy Olyphant (Justified, FX)

 

Steve Buscemi është kandidati kryesor për shpërblim. Por, Jon Hamm është favorit i përhershëm.

 

Aktorja më e mirë në dramë

Connie Britton (Friday Night Lights, NBC)

Mirielle Enos (The Killing, AMC)

Mariska Hargitay (Law & Order: SVU, NBC)

Julianna Margulies (The Good Wife, CBS)

Elisabeth Moss (Mad Men, AMC)

 

Julianna Margulies është favoritja kryesor për të fituar përsëri. Elisabeth Moss ka bërë punë të mirë sezonin e kaluar në Mad Men, ndërsa shanse ka edhe Connie Britton që ka përfunduar pesë vitet e saja në Friday Night Lights.

Read Full Article

The Nine Lives of Chloe King

Kanali kabllor amerikan i kompanisë Disney, ABC Family ka rinovuar me disa seriale duke anuluar disa të tjera. Seriali “The Nine Lives of Chloe King” (Nëntë jetët e Chloe King) s’do të jetoj edhe për një sezon. Seriali i bazuar në një seri librash me të njëjtin emër ka të bëj me një vajzë që mëson se është pasardhëse e një fisi të Egjiptit të Vjetër dhe ka fuqi si të maceve. Seriali debutoi me 2.17 milionë shikues në qershor të këtij viti dhe s’do të rikthehet me episode të reja verën e ardhshme. Ngjashëm do të ndodh edhe me komedinë State of Georgia me yllin e njohur të Disney Raven-Symone. Seriali debutoi këtë vit dhe nuk kishte ndonjë shikueshmëri të favorshme për tu kthyer me sezonin e dytë.

Në anën tjetër për sezonin e dytë do të rikthehen do të kthehen serialet Make It Or Break It në prag të Lojërave Olimpike. Seriali bazohet në një grup gjimnastësh që përgatiten për pjesëmarrje në LO. Seriali përfundoi sezonin e dytë në maj dhe do të rikthehet në fillim të vitit për sezonin e tretë. Për sezonin e dytë do të rikthehet edhe Switched At Birth që është rinovuar në muajin gusht. Seriali shtjellon historinë e dy vajzave të cilat gabimisht janë ndërruar në lindje dhe pas shumë viteve provojnë të adaptohen në familjet e tyre të vërteta. Edhe The Lying Game që tashmë është në gjysmë të sezonit të parë prej 10 episodave do të rikthehet vitin e ardhshëm për sezonin e dytë.

Read Full Article

Kanali Showtime ka porositur sezonin e tretë të dramës The Big C. Drama me aktoren Laura Linney në rolin kryesor zhvillohet rreth karakterit të Cathy Jamison e cila vuan nga një lloj vdekjeprurës kanceri në të njëjtën kohë kur përkujdeset për familjen e saj. Dy sezonet e para kanë patur shikueshmëri solide, por nuk kanë munguar as lëvdatat nga kritikët e televizionit.

Read Full Article