Në një konferencë për gazetarë, IPKO ka njoftuar se komentatorëve të ndeshjeve sportive në televizionin Digitalb – IPKO do t’u bashkohet edhe gazetari i mirënjohur sportiv, Andin Lokaj.

Alban Kastrati, përgjegjës për marrëdhënie me publikun në IPKO, tha para gazetarëve se kompania IPKO dhe Digitalb, tashmë janë të vetmit në Kosovë që kanë arritur të sigurojnë ekskluzivitetin e transmetimit të ngjarjeve më të mëdha sportive të botës.

“Digitalb dhe IPKO kanë arritur që të sigurojnë një pjesë të madhe të të drejtave televizive sa i përket ngjarjeve sportive, mirëpo jo vetëm ngjarjeve sportive, duke e ditur që pako e televizionit Digitalb-IPKO, ofron shumë më shumë se sa vetëm sport, duke përfshirë muzikën, filmat, filmat dokumentarë dhe programe për fëmijë dhe gjithçka tjetër sa i përket përmbajtjes televizive”, ka thënë Kastrati, transmeton KosovaPress.

Po sot IPKO njoftoi se tash e tutje pakot Duo Premium dhe Pako Premium, me produkte të reja, do të mund të blihen edhe për periudhën gjashtëmujore.

Kurse komentatori Andin Lokaj tha se në platformën SuperSportit, sivjet, përveç futbollit dhe ligave evropiane, do të transmetohen edhe kampionatin botëror i basketbollit, Formula 1, si dhe shumë ngjarje të tjera sportive.

“Prej këtij viti dhe vitet në vijim do të kemi ligat më të mirë, më të forta të futbollit evropian, duke filluar nga 14 gushti me Premier Ligën e Anglisë; një javë më vonë starton Bundesliga gjermane. Ekskluzivisht, të gjitha këto transmetime do t’i kemi në Digitalb. Mos të harrojmë kampionatin botëror të basketbollit i cili fillon më 28 gusht, kampionati italian Serie A ekskluzive, pastaj Kupa e Spanjës, kampionati i Holandës dhe kampionati i Portugalisë; Liga e Kampionëve që është evenimenti kryesor në Evropë, si dhe Liga e Evropës”, ka thënë ai

Lokaj ka theksuar se Digitalb për herë të parë u ka ofruar mundësinë e komentimit të ndeshjeve sportive edhe komentatorëve kosovarë, në mesin e të cilëve do të jetë dhe ai.

IPKO zbuloi sot se nga shtatori, do të nisë të ofrojë teknologjinë e fundit televizive High Definition, duke u bërë kompania e parë në Kosovë që sjellë këtë teknikë kualitative.

Risi tjetër e IPKO-së që u prezantua në këtë konferencë, ishte se në vitin 2011 në televizionin Digitalb – IPKO të sillet edhe “Video On Demand”.

Gazeta Express

                          

Titulli origjinal: The Living Years”

KTV – E enjte, 22 korrik 2010, ora 22:00

                          

Titulli origjinal: “The One with the thumb”

RTK – E hënë, 19 korrik 2010, ora 09:30/16:30

                          

Telekomanda do të ju sjell përmbajtjen e episodave çdo ditë.

                          

Gjatë këtij sezoni KTV, do të transmetojë si zakonisht Uimbëlldonin, turneun e vetëm të tenisit që mund ta shohim në televizionet tona kombëtare. Mirëpo ajo çfarë më ka lënë përshtypje më shumë është seriali i ri që do të transmetohet të hënave dhe të martave, në ora 22:00, One Tree Hill. Është një serial tepër i suksesshëm në SHBA, dedikuar moshës së gjimnazistëve dhe problemeve të tyre të përditshme. Ky serial do të jetë një vazhdim i suksesit që ka sjellur këtë sezonë That 70’s Show.

Gjithashtu në KTV, do të transmetohet edhe Kapri, një serial italian, që ka qenë mjaft i shikuar në territoret e Ballkanit, dhe besoj që nuk do të mungojë suksesi as në Kosovë.

Ajo që më ka mahnitur ka qenë repertoari i filmave në KTV. Të shtunën e kaluar kemi parë filmin e të madhit Bekim Fehmiu. Ndërsa këtë javë do të shfaqen edhe dy filma nga majat e kinematografisë ndërkombëtare.

Gladiatori do të transmetohet të shtunën në ora 22:00. Është filmi më i mirë epik i të gjitha kohërave në regji të Ridley Scott, dhe me Russell Crowe-n e famshëm në rolin kryesor. Një storie tepër prekëse e një luftëtari romak.

Ndërsa të dielën, në ora 23:15, në KTV, do të shfaqet filmi më i mirë romantik i të gjitha kohërave për mendimin tim, Casablanca. Një film bardh e zi, që tregon një storie dashurie në kohë lufte. Me Humphrey Bogart dhe Ingrid Bergman, në rolet kryesore, Casablanca do të ju dëshmojë se sa vlen sakrifica për dashuri të vërtetë.

Të dy filmat së bashku kanë fituar 8 Oskar!

Më mbetet të them shumë falëmnderit KTV, për këtë verë të mrekullueshme televizive. Vërtetë po flladitemi.

p.s. kujt do t’i nevojitet kablloviku apo sateliti nëse KTV vazhdon kështu..

Luan Morina

                          

Padyshim që Kupa e Botës, është ngjarja më e shikuar në TV, pas Lojërave Olimpike. Edhe këtë edicion do të ketë një gamë të gjerë të transmetimit të Kupës së Botës, në mbi 200 shtete, dhe mbi 26 miliardë shikues në TV. Shitja e të drejtave për këtë edicion ka arritur shumën astronomike prej 2.8 miliardë dollarë që është dy herë më shumë se shitja e dy edicioneve të kaluara së bashku.

Kompania Sony, që ka të drejtat e transmetimit të sinjalit nga ndeshjet do të përdorë nga 29 deri 32 kamera për çdo ndeshje. Gjithashtu na një skuadër gazetarësh do të jetë nën përcjellje të çdo kombëtareje gjatë tërë kampionatit.

Të drejtat në trojet shqiptare

Në Kosovë të drejtat për transmetimin e të gjitha ndeshjeve i ka televizioni publik, RTK. RTK do të transmetojë ndeshjet nëpërmjet transmetimit tokësor, dhe kabllor, jo në satelit. Formati i figurës nuk do të jetë më i mirë, do të vazhdoj të mbetet tashmë i vjetruari 4:3.

Në Shqipëri, të drejtat për transmetim i janë dhënë TVSH, që ka një kualitet të figurës shumë të dobët. Të dretjat për transmetim me parapagim në Shqipëri i ka kompania Digitalb, e cila do të transmetojë të gjitha ndeshjet në kanalet SuperSport. Formati i figurës në SuperSport, është 4:3, që për një platformë satelitore është edhe i turpshëm. Megjithatë ata që kanë SuperSport HD, atëherë do të shijojnë bukuritë e lojës së futbollit.

Të drejtat në Europë

Në Itali të drejtat janë ndarë në mes të kanaleve RAI, dhe SKY Italia, që do të transmetoj ndeshjet në kanalet SKY Calcio.

Në Spanjë kanali tokësor Telecinco do të transmetojë 8 ndeshje, Cuatro, tetë ndeshje, dhe ndeshjet tjera shkojnë në kanalin e mbyllur C+Spain.

Në Francë, TF1, transmeton 27 ndeshje përfshirë fazën finale dhe të gjitha ndeshjet e Francës. Kanalet publike France 2 dhe France 3, transmetojnë 34 ndeshje, ndërsa C+France, 37 ndeshje.

Në Gjermani, kanalet ARD dhe ZDF do të transmetojnë 55 ndeshje. RTL, do të transmetojë vetëm tetë ndeshje, edhe atë të premtave dhe të hënave. Të gjitha ndeshjet do të transmetohen në kanalet me parapagim SKY Deutschland.

Në Angli të gjitha ndeshjet do të transmetohen në kanalt ITV1 dhe BBC1.

Kanalet tjera që transmetojnë Kupën e Botës janë:

HRT (Kroaci), MKTV (Maqedoni), RTCG (Mali i Zi), TV Slovenija (Slloveni), BHTV (Bosnjë), RTS (Serbi), TRT (Turqi), Al Jazeera Sports (Lindje e afërt, kryesisht bota arabe).

Në definicion të lartë

Përpos në SuperSport, që do të ketë çmime astronomike për marrësat dhe abonimet HD, janë edhe disa kanale tjera që transmetojnë në definicion të lartë. Për më tepër ato do të transmetojnë të lira në satelit.

BBC1 HD, ITV1 HD, në Angli, ARD HD, ZDF HD, në Gjermani, dhe TRT HD në Turqi. Të gjitha këto kanale mund ti gjeni të lira në satelit.

Për herë të parë në 3D

Ky kampionat do të jetë i pari që do të transmetohet në teknologjinë më të re, tridimenzionale, 3D. Do të jenë 25 ndeshje që do të transmetohen në 3D, falë bashkëpunimit të Sonyt me kompaninë vendase HBC. Kanalet që transmetojnë në këtë teknologji janë SKY 3D, në Britani të Madhe, SKY+ 3D në Gjermani, CANAL+ 3D në Spanjë, Al Jazeera Sport 3D në Lindje të Afërt, e është paralajmëruar edhe Digitalb 3D, por nuk kemi informata për këtë.

                          

Në Cosmo sonte mund të ndiqni emisionin special për jubileun e Kuvendit të Pajtimit. Emisioni fillon në ora 20:00. Në ora 20:30, në program është 038 Live, ndërsa më pas episodi vijues i Luginës së ujqve. Në ora 22:00, në program është emisioni muzikor Top Koha Music.

Në RTK, në ora 21:00, shfaqet dokumentar, ndërs në ora 21:55, emisioni Pro et Contra. Në ora 22:25, në program është emisioni për gruan, Gruaja sot. Pas lajmeve Blic, në ora 23:20, shfaqet emisioni për kulturë Kult.

Në Top Channel, në ora 20:50, shfaqet episodi vijues i 24 orë, ndërsa në ora 21:40, vijon të shfaqet seriali Katerina dhe Të Bijat.

Në Klan TV, pas Kutisë, mund të ndiqni episodin e ri të serialit CSI: NY. Më pas në ora 22:00, në program është emisioni Opinion.

Dokumentar në TV

Në Explorer Natyra në ora 20:00, shfaqet dokumentari Peshku Pëbrindësh. Përshkrimin e dokumentarit mund ta lexoni më poshtë.

Ai i ka dhëmbët si peshkaqen dhe i pëlqen shumë mishi.Peshku përbindesh kokëgjarpër, që rritet në Azi, ka emigruar në SHBA duke vënë në alarm autoritetet… Pse shkencëtarët dhe biolologët amerikanë kërkojnë të pengojnë përhapjen e këtij peshku të ujrave të ëmbla që ecën edhe në Tokë…. Pse aziatikët e tregtojnë për vlerat ushqimore dhe si ky peshk grabitqar është aq i fuqishëm sa me nofullat e tij mund të këpusë mishin e njeriut?

Foto dhe teksti:Digitalb

Film në TV

Në KTV, në ora 00:40, shfaqet filmi artistik, Mother’s Boys (Çunat e babait). Filmi është realizuar nga regjisori Yves Simoneau, në vitin 1994, i bazuar në novelën nga Bernard Taylor. Në rolet kryesor luajnë Jamie Lee Curtis, Peter Gallager, e Vanessa Redgrave.

Gjykatësja Xhudi Madigan lë burrin dhe tre fëmijët e saj pa asnjë shpjegim. Tri vite më vonë, kur të gjithë mendojnë se ajo tashmë ka vdekur, Xhudi rikthehet dhe kërkon falje. Por, burri i saj, Roberti, nuk ja fal, por kërkon divorc. Megjithatë, Xhudi nuk pranon dhe e gjithë kjo do të vazhdoj në luftë dhe në gjykatë.

Sport në TV

Ngjarja kryesore e ditës sot është finalja e Europa League, ku ndeshen Fulham dhe Atletico Madrid. Ndeshja fillon në ora 20:45, përderisa do të keni shumë opcione që ta ndiqni drejtpërdrejtë. Edhe pse asnjë nga kanalet kombëtare në Kosovë nuk ka të drejtat për transmetim, në Shqipëri këto të drejta i ka kanali TVSH Tokësor, dhe SuperSport1. Megjithatë mund ta shihni edhe nëpërmjet kanaleve të lira satelitore dhe kabllore si Sat1 (Gjermani), M6 (Francë), Star (Turqi), dhe B92.

Në EuroSport, rikthehet Giro d’Italia, me etapat e para në Itali, drejtpërdrejtë nga ora 14:30. WTA turneu në tenis është në program nga ora 12:00, dhe nga ora 17:30 në EuroSport, dhe nga ora 21:30 në EuroSport 2. Ndërsa si çdo të mërkurë mbrëmja në EuroSport i dedikohet sporteve më pak të popullarizuara tek ne, gara me kuaj (19:40), golf (20:45), lundrim (22:30).

                          

Në RTK, në kuadër të emisionit RTK Blu, mysafirë do të jenë Naser Rugova, Afërdita Paçarada, Ridvan Berisha, Enkelejda Shatri, dhe Agim Gerguri. Pas mesditës mund të ndiqni reprizat e episodeve të Kafeneja Jonë (12:15), dhe Familja Moderne (13:00). Në mbrëmje, RTK, shfaq episodin e ri të Familjes Moderne, dhe më pas rifillon reality-show, Lidhja mes nesh, me Teuta Krasniqin. Më pas në program është emisioni sportiv AS (22:00)

KTV, shfaq reprizat e Përrallë me tupan (10:00) dhe Talenti X (12:35). Sporti Total shfaqet në ora 23:15.

Klan TV, do të ketë një guidë mjaft të lehtë sot. Reprizohet Gjeniu i vogël, duke filluar në ora 09:45. Më pas fillon E diela shqiptare, në ora 13:30, deri në ora 20:10, kur shfaqet episodi i ri i DanceLife. Në ora 20:50, fillon emisioni Histori me Zhurmues, ndërsa pas lajmeve, vjen emisioni Blue (23:40).

Top Channel fillon ditën me Pinguinët e Madagaskarit, episodin e 24 në ora 09:25. Më pas në ora 10:25 fansat e Big Brother 3, do të kenë kohën e tyre në Fans’ Club BB3. Transmetimi i drejtpërdrejtë i garës së parë të Formula 1, nga Bahreini fillon në ora 13:00. Më pas në ora 15:00 fillon emisioni E diell. Pas lajmeve shfaqet emisioni Exclusive, për tu pasuar nga Portokalli që fillon në ora 20:45. Në ora 23:40, shfaqet episodi i 109 i serialit West Wing.

Pas ritransmetimit të shout Zonë e lirë (13:20), në ora 17:20, shfaqet forumi i Dancing with the Stars. Chic Plus fillon në ora 18:15, ndërsa episodi i ri i Përroit të Dousonit, shfaqet pas lajmeve (19:25). Më pas është koha për komedi, me Bypass Show (20:10), dhe Apartamenti 2XL (21:00). Të gjitha këto në Vizion Plus.

Sport në TV

Në kanalet kombëtare mund të ndiqni pesë ndeshje futbolli. RTK transmeton dy ndeshje nga liga angleze. Në ora 14:30, ndeshjen Manchester Utd. – Fulham, dhe në ora 17:00, Sunderland – Manchester City. KTV transmeton ndeshjen Juventus – Siena, në kuadër të ligës italiane në ora 15:00, ndërsa nga liga spanjolle transmeton dy ndeshje: në ora 19:00, Barcelona – Valencia, dhe në ora 21:00, ndeshjen Real Madrid – Villarreal.

Gara finale e Kupës Botërore në skijim alpik zhvillohet sot në konkurrencën ekipore në Garmisch, duke fillluar në ora 11:15 në EuroSport. Prej sporteve tjera dimërore në EuroSport mund të përmendim, edhe garën e biatlonit, pursuit i femrave në Kontiolahti, ora 12:00, dhe kërcime me ski nga Oslo në ora 13:40, si dhe sprint në kros kountri nga Oslo, në ora 15:30. Në mbrëmje mund të ndiqni transmetimet e drejtpërdrejta nga Paralimpiada në Vankuver, ndërsa më vonë në ora 21:45, transmetohen ndeshje tenisi nga WTA turneu në Indianapolis.

Dokumentar në TV

Fansat e Tupac Shakur kanë mundësi të shikojnë një dokumentar shumë të mirë për të sot në ora 09:20 në Explorer Histori. Jo vetëm për Tupac, por do të diskutohet edhe për shokun e tij Notorius BIG, dhe vdekjet e tyre të dëshmuara nga miqtë më të ngushtë të tyre.

Një dokumentar gati një orësh për njërin ndër ishujt më të mirë të Karaibeve, Porto Rikon, shfaqet në ora 13:55 në Explorer Natyra. Më vonë, në ora 18:05, po në Exp Natyra, në serinë 1000 vende për t’u parë do të mund të shihni bukuritë e Indisë.

Film në TV

Në mesnatë KTV, shfaq filmin “Conofessions of a Dangerous Mind(Rrëfimet e mendjes së rrezikshme)”. Filmi është regji e George Clooney, ndërsa aktrojnë  Sam Rockwell, Drew Barrymore, Maggie Gyllenhaal, etj. Storia është adaptimi i një shoumen Chuck Barris, i cili pohonte të ishte një qitës i CIA-s. Ky është filmi i parë që George Clooney ka bërë regji të filmit.

Në Film Hits, në ora 21:00, premierë shfaqet filmi italian, “Vajza nga liqeni (La ragazza del lago)”. Filmi tregon historinë e një detektivi i cili shkon në një qytet të vogël të Italisë Veriore, që të zbuloj misterin e mbytjes së një vajze të re, trupi i së cilës është gjetur në liqen. Filmi është prodhim i vitit 2007, në regji të Andrea Molaiolit, me Toni Servillo, dhe Valeria Golino në rolet kryesore.

                          

Pra, pse The Hurt Locker është më i mirë se Avatar. Tema dhe ngjashmëria me realitetin është më e madhe dhe më reale se Avatari. Avatari fitoi tri çmime, kryesisht teknike, dhe sigurisht të gjitha të merituara. Në 2D, Avatari është fantastike, e lëre më në 3D. Efektet vizuele, janë të papara deri më tani, dhe nuk është lehtë të përsëriten së shpejti në ndonjë film tjetër.

Ketrin Bigelou. Ajo në fillim njihej si ish-gruaja e Xhejms Kameronit. Mirëpo tani e tutje ajo do të njihet si femra e parë regjisore që ka fituar Oskarin. E ka merituar plotësisht. Të bësh një regji për një film si The Hurt Locker, nuk ishte aspak e lehtë. Të bësh regji në vend lufte, duhet të përjetosh atë, dhe të gjithë ata që e kanë parë The Hurt Locker, e kanë përjetuar luftën edhe një herë. Skenari është edhe më i mirë se regjia. Ngjarjet janë të përshkruara aq mirë sa që nuk mund të mendohet ndonjë mënyrë tjetër që do të ishte më e suksesshme.

Mjaft për Avatar dhe The Hurt Locker. Ti kthehem çmimeve individuale.

Ndoshta dikujt i ka shkuar nerva paraqitja e pesë vetave para dhënies së çmimeve duke na treguar se sa mirë kanë kaluar në xhirime me të nominuarit, se si janë njohur, apo duke u munduar të gjejnë një mënyrë tjetër të turpërimit, dhe më pas të kthehen e ti ngrisin në qiell me lëvdata. Mua personalisht më ka knaqur kjo pjesë e shout. Ishte një ndjenjë interesante kur Tim Robbins tregonte se si pas gjthë xhirimeve, Morgan Freeman nuk ia kishte mbajtur emrin në mend, e se si Oprah ishte njoftuar me Gabourney Sidibe, që nga një vajzë getoje tani është një yll filmi.

Pas pesë nominime më në fund Xhef Bridxhs, e fitoi çmimin për aktorinë më të mirë. Ajo çfarë bën në filmin e fundit ishte një paraqitje perfekte, pas të cilës thjesht duhej të shpërblej.

Sandra Bullok vazhdon të jetë një e dashur për të gjithë amerikanët. Paraqitja e saj, fjalimi i saj, ishin të shkëlqyer. Ajo e meritoi Oskarin e parë, edhe pse Meril Strip, përsëri ishte fantastike. Është për tu habitur se si arrinë të jetë tërheqëse megjithë moshën e saj.

Çmimet për aktorin dhe aktoren në rol dytësor ishin pothuajse të ditura. Nuk kishte aktor më të mirë se Kristofer Uoltz në filmin Inglorious Basterds. Jo vetëm këtë vit, por ndoshta duhet të kthehemi mbrapa në histori të gjejmë diçka të ngjashme si paraqitja e Uoltzit në filmin e fundit të Tarantinos. Ndërsa Monik, pati një fjalim të ndryshëm në pranimin e çmimit. Edhe ajo si Uoltz ka fituar shumicën e çmimeve këtë vit për aktoren më të mirë në rol dytësor për paraqitjen e saj në filmin Precious.

Nuk do të filloj edhe me çmimet tjera, por vlen të përmendim moderimin e dy mjeshtërve të komedisë, Stivi Martin dhe Alek Bolduin. Thjeshtë ishin fantastik. Nëse nuk keni shikuar Oskarët, më besoni se keni huqur një shou të vërtetë. Mundohuni të kapni ndonjë reprizë eventuale, dhe vetëm atëherë do të kuptoni çfarë keni humbur.

Shpresojmë që viitn e ardhshëm të jemi dëshmitarë të Oskarëve edhe më të mirë, e para tyre urojmë një vit me plotë filma cilësor, dhe shëndet gjithashtu.

Luan Morina.