Në RTK, në ora 20:40, shfaqet filmi The Last of Mohicans. Pas lajmeve Blic (23:00), në program është emisioni Pa rrotlla, ndërsa në ora 00:30, shfaqet filmi LA Confidential.
Në RTV21, në ora 20:05, shfaqet seriali Our Land. Në ora 22:40, në program është filmi Rich man, single woman, ndërsa pas mesnate filmi One Kill.
Në KTV, transmetohen dy ndeshjet e rrethit të dytë të Kampionatit Botëror në basketboll. Në ora 17:00, ndeshen dy rivalët e zjarrtë Serbia dhe Kroacia, ndërsa në ora 20:00, kampionët në fuqi Spanja presin Greqinë. Në ora 22:00, shfaqet filmi Little Miss Sunshine, ndërsa pas mesnate filmi Terminator 2.
Në Top Channel, në ora 20:05, shfaqet episodi i 8 i serialit Komuna e Parisit. Më pas në ora 20:50, në program është filmi Në ndjekje të lirisë. Filmi tjetër sonte fillon në ora 23:25. Është filmi Milja e gjelbër (The Green Mile) me Tom Hanks në rolin kryesor.
Në TV Klan sonte në ora 20:45, në kuadër të Maratonës së Këngës Popullore, transmetohet mbrëmja nga koncerti në Strugë.
Vizion Plus reprizon shoun Dancing with the Stars Albania në ora 21:00, më herët në ora 19:35, shfaqet emisioni Çudira shqiptare, ndërsa Mos e beso po deshe, është në program në ora 20:10.
Në EuroSport dhe EuroSport 2, vazhdojnë transmetimet nga rrethi i tretë dhe i katërt i grend slem turneut US Open. Transmetimet fillojnë në ora 17:00, ndërsa ndeshjet më interesante sonte janë Soderling – De Baker, Mathieu – Federer, Melzer – Ferrero, Blejk – Gjokoviç. Në konkurrencën e femrave veçojmë ndeshje Peng – Petkoviç, Jankoviç – Kanepi, Kuznetsova – Kirilenko, Kapra – Sharapova, dhe Vozniaçki – Jan.
Gjithashtu për tifozët e ragbit, vlen të përmendet se në ora 17:00, transmetohet ndeshja e vlefshme për turneun e njohur si Tri-Nations, ku ndeshen Afrika Jugore me Australinë. Ndshja transmetohet në C+France, Nova Sports 3, Sky Sports 2 Itali, Sky Sports 3 UK.
