Pas disa javëve kthehemi sërish me rubrikën tonë të përditshme Sot në TV ku do të vazhdojmë të ju ofrojmë informata se çka mund të shihni në TV.
Vazhdojnë ndeshjet e rrethit të dytë të Kupës së Botës në futboll. Në ora 16:00, ndeshen Holanda dhe Sllovakia, ndërsa në ora 20:30, Brazili dhe Kili. Ndeshjet transmetohen në RTK.
Në KTV, shfaqet Bursa e Kosovës, në ora 20:00, ndërsa më pas në program janë episodet e reja të serialeve, Lugina e Ujqve, dhe One Tree Hill. Një informatë shtesë është se nga sot mund të gjeni një përshkrim të shkurtër të çdo episodi në rubrikën Serialet në ueb-faqen tonë.
RTV21, sonte shfaq emisionin Kabare. Pas lajmeve shfaqen dy serialet, India dhe Eliza.
Në ora 23:15, në RTK, mund të ndiqni kuizin Milioneri.
Nga televizionet shqiptare, në Top Channel sonte shfaqet Exclusive lidhur me temën Kriza që rrëzoi perënditë nga Olimpi. Më herët në ora 18:30, fillon të shfaqet seriali Smallville, ndërsa në ora 23:10, emisioni dedikuar Kupës së Botës në futboll, Procesi-Africa 2010.
Në Klan TV, nga sot mund të ndiqni serialin e ri që do të shfaqet në terminin E hënë – E premte, në ora 17:15, Princi i Bel-Air, me Will Smith në rolin kryesor.
Në ora 21:05, transmetohet episodi i 66 i serialit House.
Nga kanalet tjera kabllore dhe satelitore veçojmë filmin No Country for Old Men në Film Hits në ora 21:00, si dhe serialin e ri në BBC Entertainment, Mayo, që fillon të shfaqet në ora 18:00.
Mos harroni se sot fillojnë të zhvillohen ndeshjet e rrethit të katërt në Wimbledon. KTV transmeton nga ora 14:00, deri në ora 17:00, ndërsa mund të ndiqni edhe në kanalet kabllore, SuperSport 3, dhe B92, deri në ora 22:00, si dhe kohë pas kohe edhe në kanalet satelitore të lira, DSF, dhe NTV Spor.
