Këtë të enjte Jeta në Kosovë transmeton emision special për qëndrimet e zyrtarëve evropianë në Bruksel për korrupsionin dhe krimin e organizuar në vendin tonë.
Pas kësaj, Jeta Xharra interviston diplomatin amerikan, Morton Abramovitz i cili flet për rrezikshmërinë e ndarjes së Kosovës dhe për bisedimet teknike Prishtinë-Beograd.
Ndërsa në një intervistë tjetër, Artan Haraçia pyet ish kryeadministratorin Soren Jessen Petersen për luftën kundër korrupsionit në kohën sa ishte shef i UNMIK-ut .
Edona Musa sjell reportazhin në të cilin pacienti Fatmir Behluli tregon se si i është harruar fasha brenda në stomak.
Ndërsa në rubrikën Drejtësia në Kosovë, hulumtuesi Petrit Kryeziu tregon arsyet e suspendimit të Halit Muharremit nga pozita e drejtorit të Sekretariatit të Këshillit Gjyqësor të Kosovës.
Në fund, kulm i kësaj jave është piloti kosovar James Berisha, i cili ka lobuar në 40 shtete të botës për njohje të pavarësisë së Kosovës.
