Drama për një grup ushtarësh në Irak, ka fituar gjashtë çmime Oskar, në ceremoninë të mbajtur mbrëmë në Los Angjeles. Filmi më i mirë, regjia më e mirë, skenari origjiinal, editimi, editimi i zërit, dhe miksimi i zërit janë çmimet me të cilat u shpërblye filmi i buxhetit të vogël që ka fituar vetëm 20 milionë dollarë në mbarë botën.
Kathryn Bigelow, hyri në histori të kinematografisë duke u bërë femra e parë që ka fituar shpërblimin për regjinë më të mirë. “Nuk kam si ta përshkruaj, është momenti i jetës sime”, deklaroi ajo pasi pranoi Oskarin nga Barbra Streisand.
Filmi Avatar, që gjithsej ka fituar rreth 2 miliardë dollarë në mbarë botën, fitoi tri çmime, për regjinë artistike, kinematigrafinë, dhe efektet vizuele më të mira.
Oskari për aktorin më të mirë iu dha, 60 vjeçarit, Jeff Bridges, për rolin e tij e në filmin “Crazy Heart”. Aktorja më e mirë u shpall, Sandra Bullock, për rolin e një shtëpiakeje konservative që adoptoi një jetim, në filmin “The Blind Side”.
Për rolet dytësore u shpërblyen, aktori Christopher Waltz, për filmin Inglorious Basterds, dhe aktorja Mo’Nique, për filmin Precious.
Up, fitoi shpërblimin për filmin më të mirë të animuar.
Traileri i filmit “The Hurt Locker”
Të gjithë fituesit
Filmi më i mirë – The Hurt Locker
Regjisori më i mirë – Kathryn Bigelow (The Hurt Locker)
Aktori më i mirë – Jeff Bridges (Crazy Heart)
Aktorja më e mirë – Sandra Bullock (The Blind Side)
Aktori më i mirë në rol dytësor – Christoph Waltz (Inglourious Basterds)
Aktorja më e mirë në rol dytësor – Mo’Nique (Precious)
Skenari i adoptuar më i mirë – Geoffrey Fletcher (Precious)
Skenari origjinal më i mirë – Mark Boal (The Hurt Locker)
Filmi i animuar më i mirë – Up
Filmi i huajmë i mirë – El Secreto de Sus Ojos
Regjia artistike më e mirë – Avatar
Kinematografia më e mirë – Avatar
Dizajnimi më i mirë i veshjeve – The Young Victoria
Dokumentari më i mirë – The Cove
Dokumentari më i mirë i shkurtër – Music By Prudence
Editimi – The Hurt Locker
Makeupi më i mirë – Star Trek
Muzika origjinale për film më e mirë – Michael Giacchino (Up)
Kënga më e mirë – ‘The Weary Kind’ (Crazy Heart)
Editimi më i mirë i zërit – The Hurt Locker
Miksimi më i mirë i zërit – The Hurt Locker
Efektet vizuele më të mira – Avatar
Animacioni më i mirë i shkurtër - Logorama
