?Në fund të një jave të lodhshme në punë, sonte është koha të argëtoheni. Nëse keni vendosur të qëndroni përballë televizionit dhe nuk keni vendosur se çka të shikoni, atëherë Telekomanda ju ofron mundësinë që të zgjedhni nga më të mirat.
Televizionet kombëtare kosovare do të kenë emisionet e tyre të zakonshme që emetohen të premten.
RTV21, do të shfaq episodet e reja të serialit turk “Gymysh”, dhe atij italian “Të magjepsurit”.
KTV, shfaq emisionin e ri të Përallës me Tupan me Valon Malokun. Më pas nga ora 22:00, në program është emisioni “Konfront”.
RTK, pas emisionit Evropa më Afër, që fillon në ora 20:15. Më pas në emisionin e ri të Oxygen që fillon nga ora 21:20, mysafire do të jetë Dafina Zeqiri. RTK, nga ora 03:00 pas mesnate transmeton hapjen solemne të Lojërave Olimpike Dimërore në Vankuver.
Film në TV
RTK, nga ora 00:25 shfaq filmin Misery. Filmi i realizuar në vitin 1990 nga regjisori Rob Reiner, tregon storien e një novelisti i cili shpëton nga një aksident trafiku falë një fansi të tij të madh. Në rolet kryesore luajnë James Caan, dhe Kathy Bates, e cila edhe ka fituar Oskar për aktoren më të mirë në rolin kryesor.
Në Film Hits, nga ora 21:00 shfaqet filmi 10.000 BC. Filmi i Roland Emmerich (regjisor edhe i 2012, dhe The Day After Tomorrow) tregon për një gjuetar të ri mamuthës në epokën parahistorike i cili duhet të siguroj ushqimin për fisin e tij. Mirëpo gjërat ndryshojnë kur një fis misterioz sulmojnë fisin e tij dhe kidnapojnë disa veta në mesin e të cilëve gjendet edhe e bukuar Evoletë. Në rolet kryesore luajnë Steven Strait dhe Camilla Belle.
Dokumentar në TV
Të gjithë ju që keni humbur episodin e parë të dokumentarit “Në studio me aktorët” , ku mysafire ka qenë Barbara Streisand, mund ta shihni përsëri sot në ora 17:00, në kanalin Exp Histori.
Më vonë në Exp Histori, nga ora 21:00 vjen edhe një emision dokumentar kushtuar botës së yjeve të televizionit dhe kinemas. Është episodi i dytë i “Fundjavë me VIP-at”, ku protagonist do të jetë Ian Rajt.
Premierë në Exp Natyra, sonte nga ora 20:00, shfaqet episodi i dytë i dokumentarit “Njeringrënësit”. Do të shfaqet historitë e rralla se si kafshët për ushqim përdorin njeriun. Historinë pse kafshët hajnë njerëzit do të mund ta shihni në këtë dokumentar.
Sport në TV
Sonte zhvillohet ndeshja e Serie A, Milan-Udinese. Kjo ndodh për shkak të ndeshjes së Milanit ndaj Mançesterit në Ligën e Kampionëve. Ndeshja fillon në ora 20:45, dhe transmetohet në SuperSport 1, NTV Spor, Al Jazeera Sport +1, Digi Sport RO, Sport 1 (Hu/Cz/Sk) dhe disa kanale tjera. KTV do të shfa ndeshjen në mesnatë (00:00).
Në terminin e zakonshëm të Bundesligës, të premteve në ora 20:30, ndeshen Mënshengladbah dhe Nyrnberg. Albert Bunjaku pritet të startoj që nga minuta e parë për skuadrën mysafire për të cilën ka shënuar 4 gola në dy ndeshjet e fundit. Ndeshja transmetohet në SuperSport 2, EuroSport 2, TRT3, dhe kanale tjera të mbyllura në satelit.
Sonte fillon edhe fundjavë e yjeve në NBA. Ndeshja e parë si zakonisht është ajo ndërmjet basketbollistëve debutues në NBA. Ndeshja fillon në ora 02:00 pas mesnate, dhe trasnmetohet në SuperSport 1, dhe NTV Spor.
