Dhjetëra emra nga yjet e botës së argëtimit mbrëmë kanë organizuar një koncert me qëllim të mbledhjes së fondeve për të ndihmuar të prekurit nga tërmeti në Haiti. Gjatë dy orëve sa zgjati koncerti u pranuan me mijëra telefonata në telethonin i cili u transmetua në të gjitha televizionet e mëdha botërore. Mbi 100 yje performuarn drejtpërdrejt në Nju Jork, Los Angjeles dhe Londër.

Koncerti u hap me këngën “Prelude to a Kiss” të kënduar nga Alicia Keys, përderisa George Clooney i cili njëri prej organizatorëve kryesor të telethhonit dha fjalinë hyrëse të mbrëmjes.

“Populli i Haitit ka nevojë për ndihmën tonë. Ata duhet të dinë që nuk janë vetëm, ata kanë nevojë të dinë që ne akoma kujdesemi për ata”.

Këngëtarë si Jay-Z, U2, Rihanna, Beyonce, Coldplay, Sheryl Crow, Keith Urban, Kid Rock, Justin Timberlake, performuan drejtpërdrejtë, përderisa aktorë si Leonardo DiCaprio, Denzel Washington, dhe Nicole Kidman u paraqitën gjatë gjithë shout për të dhënë kurajo dhe shpresë haitianëve të mbijetuar.

Që nga sot të gjitha këngët mund të blehen në iTunes të Apple, ndërsa të gjitha paratë e mbledhura nga shitja si dhe nga telethoni i mbrëmshëm, do të ndahen nga organizatat bamirëse si Fondi Klinton-Bush për Haitin, Programi Botëror për Ushqim i KB, Oxfam America, Kryqi i Kuq, UNICEF.