Zyrtarisht është arritur marrëveshja për largimin e udhëheqësit të shout “The Tonight Show” nga NBC. Ai me vete do të merr hiq më pak se 30 milionë dollarë, pa përfshirë stafin e tij që do të merr edhe 12 milionë dollarë shtesë. Aventura e O’Brienit në NBC përfundon pasi NBC vendosi që shoun e tij ta shtyej për gjysmë ore, duke lënë fillimin e tij në ora 00:05, ndërsa nga ora 23:35, do të fillonte shou i Jay Lenos. Për të famshmin CoCo, kjo ishte e papranueshme, dhe shou i tij i fundit do të jetë të premten. Ai në NBC kishte filluar në vitin 1993, duke hostuar shoun “Late Night with Conan O’Brien”, për të marr shoun “The Tonight Show with Conan O’Brien” në qershor të vitit të kaluar. Mirëpo mos përshtatja e Lenos në terminin e ri, nga ora 22:00, i shtyri krerët e NBC-së të marrin këtë hap. Të gjitha karakteret e O’Brien mbeten pronë e NBC, ndërsa ai është i lirë të filloj të punoj sërish nga data 1 shtator e këtij viti. Se a do të gjej O’Brien një televizion të ri (përflitet për Fox), dhe a do të mundet Leno të mbaj audiencën e tij, këtë do ta shohim me kalimin e kohës.
Luan Morina – Telekomanda
