Mbrëmë u ndanë çmimet e 16-ta të Shoqatës së Aktorëve e cila ndan shpërblime për anëtarët më të mirë të saj. Dy aktorët kryesorë të komedisë 30 Rock, Alec Baldwin dhe Tina Fey, fituan në kategorinë për aktorin dhe aktoren më të mirë në serialet komike. Megjithatë komedia më e mirë e u zgjodh seriali Glee. Në zhanrin e dramës, më i miri ishte seriali Mad Men, përderisa aktori më i mirë ishte Michael C.Hall i Dexter. Aktorja më e mirë në dramë ishte Julianna Margulies nga The Good Wife. Ajo shënoi një rekord duke fituar shpërblimin për herë të shtatë në SGA.
Filmi më i mirë u shpall Inglorious Basterds, nga kasti i të cilit Christopher Waltz, fitoi shpërblimin për aktorinë më të mirë në rol dytësor. Tek femrat ishte Mo’Nique që ishte më e mira në rol dytësor nga filmi Precious. Aktori më i mirë u shpall Jeff Bridges për rolin e tij në Crazy Heart, përderisa Sandra Bullock ishte më e mira për rolin e saj në The Blind Side.
Shpërblim i veçantë iu dha aktores Betty White për arritje jetësore në film.
